ꓟꓲ ꓠꓯ ꓢꓷ. ꓠꓲ., ꓠꓬ ꓪꓴ‐ꓢ ꓡꓰ ꓖꓶ ꓡ, ꓟ ꓡꓯꓼ ꓫꓴꓼ ꓕꓲ ꓟ ꓥꓳ ꓐꓰ ꓓꓵ ꓙ ꓠꓽ ꓗ. ꓡꓳ ꓐꓰ ꓔꓲ..ꓒ ꓓ ꓡꓰ ꓐꓯ ꓔꓽ ꓟ ꓓꓳꓽ
Pathein ꓢ‐ꓢꓶ‐ꓠ ꓔꓲ..ꓒ ꓙꓵꓽ ꓔꓶ. ꓗꓪ ꓟ ꓔꓲ.. ꓒ ꓓ Bishop Henry Eikhlein ꓠꓬ ꓡꓳ, ꓬꓰ ꓟ 2026 ꓘꓳꓼ 7 ꓦ ꓟ 13 ꓠꓬꓲ ꓕꓯ ꓤ ꓛꓲ ꓙꓳ ꓢꓳ ꓦꓲ., ꓗꓪ ꓟꓲ‐ꓢ ꓬꓰ ꓗꓷ ꓢꓲ꓾ ꓶꓽ ꓓꓳ ꓫꓱꓽ ꓓꓳꓽ ꓢꓯꓼ ꓖꓶˍꓟ ꓗꓪ ꓢꓷ. ꓠꓲ., ꓟꓽ ꓙꓳ ꓕꓯ ꓠꓬ ꓡ ꓠ, ꓟ ꓤꓶ., ꓯꓬꓼ ꓠꓬꓲ ꓗꓪ ꓔꓬ ꓢ ꓓꓴ ꓟꓽ ꓙꓳ꓾ ꓐꓰ ꓔꓲ.. ꓒ ꓓ Bishop Henry Eikhlein ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
ꓔꓲ.. ꓒ ꓓ Bishop Henry Eikhlein ꓡꓰ ꓐꓯˍꓟ ꓠꓬ ꓪꓴ‐ꓢ ꓬꓲ. ꓐꓯ ꓘꓶꓼ ꓐꓰ ꓦ ꓡꓱ ꓢꓴ ꓐꓴ ꓠꓬ ꓢꓯꓼ ꓔꓬ ꓟ ꓐꓰ ꓒꓴꓽ ꓠꓯꓼˍꓟ ꓚꓱ, ꓔꓯ ꓶꓽ ꓓꓳꓽ ꓫꓱꓼ ꓓꓳꓽ ꓙ ꓟ. ꓖꓶ ꓗꓷ ꓟ ꓥ ꓡꓳ꓿ ꓟꓽ ꓞꓲ ꓕꓱ ꓙꓳ ꓟ ꓐꓴ ꓔꓯ ꓥˍꓟꓲ ꓞꓲꓼ ꓜꓳˍꓟ ꓕꓲ ꓙꓵꓽ ꓗꓪ ꓟꓲ ꓠꓯ ꓢꓷ. ꓠꓲ., ꓢꓳ ꓪ ꓟ ꓠꓬ ꓮꓽ ꓘꓶꓽ ꓙꓲ ꓖꓴ ꓙꓳˍꓟ ꓥ ꓡꓳ꓿ ꓖꓳ ꓟ ꓡꓰ ꓐꓰ ꓟꓽ ꓞꓲ ꓢꓳ ꓣꓴ ꓪꓽ ꓟ ꓠꓬ ꓪꓴ‐ꓢ ꓡꓰ ꓖꓶ ꓡ, ꓟ ꓡꓯꓼ ꓫꓴꓼ ꓥꓳ ꓐꓰ ꓓꓵ ꓙ ꓠꓽ ꓗ. ꓡꓳ ꓐꓰ ꓔꓲ.. ꓒ ꓓ Bishop Henry Eikhlein ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
St. Bruno ꓤ ꓛꓲ ꓢꓳ ꓙꓳ ꓗꓪ ꓠꓬ ꓤ ꓑ ꓤ (30) ꓣꓳ ꓟꓽ ꓞꓲ ꓔꓯ ꓦꓵ., ꓙ ꓔꓬ ꓟ ꓥ ꓡꓳ꓿ Brother Alexi (SFX) ꓡꓰ ꓠꓵ., ꓠꓲ, ꓗꓪ ꓐꓰ ꓙ ꓖꓴ ꓧꓳꓽ ꓟꓳ. ꓖꓶ ꓢꓲ꓾ ꓠꓬ ꓔꓲ..ꓒ Pascal ko ko Aung ꓠꓬ ꓦ ꓕꓲ ꓒꓳ, ꓗꓪ ꓧꓳꓽ ꓪꓴ ꓟꓵ ꓔꓬ ꓟ ꓥ ꓡꓳ꓿
