ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓦ ꓐ 7 ꓦ ꓕꓯ Castel Gandolfo ꓗꓪ ꓪꓴꓽ ꓧꓶ ꓠꓽ ꓓꓴ ꓥꓳ꓾

ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓑꓶ ꓔ ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ 7 ꓦ ꓟ 5 ꓠꓬꓲ ꓗꓪ ꓐꓰ 27 ꓠꓬꓲ ꓗꓪ ꓛꓲ Castel Gandolfo ꓡꓳ ꓒꓱ ꓗꓪ ꓔꓬ ꓠ, ꓟ ꓥ ꓢꓲ ꓙꓲ‐ꓢꓴ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓔꓯ ꓖꓳ ꓕꓲꓽ ꓑ, ꓗꓪ ꓠꓽ ꓓꓴ ꓥ ꓡꓳ꓾ ꓐꓰ ꓐꓯ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓡꓳ, ꓬꓰ ꓟ ꓕꓲꓽ ꓘꓳꓼ ꓡꓰ ꓐꓰ ꓦꓮꓔꓲꓚꓮꓠ ꓗꓪ ꓐꓰ ꓕꓲꓽ ꓙꓵ, ꓛꓲ ꓶꓽ_ ꓟ Castel Gandolfo ꓗꓪ ꓔꓬ ꓟ ꓔꓲꓺ ꓒ ꓪ ꓔꓲ ꓔꓬ ꓦꓲꓻ ꓗꓪ ꓪꓴꓽ ꓧꓶ ꓠꓽ ꓠ, ꓟ ꓥ ꓡꓳ꓿

ꓖꓳ ꓗꓪ ꓐꓯ ꓑꓶ ꓔ ꓟ ꓗꓪ ꓠꓬ ꓙꓲ‐ꓢꓴ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓔꓯ ꓠꓽ ꓓꓴ ꓥ ꓢꓲ ꓠꓬꓲ 8 ꓦ ꓟ 5 ꓠꓬꓲ ꓗꓪ ꓐꓰ ꓡꓰ ꓝꓮꓲ ꓬꓰ ꓓꓴ ꓥ ꓡꓳ꓿ ꓠꓽ ꓦꓬꓼ ꓠꓬꓲ ꓮꓠꓖꓰꓡꓴꓢ ꓪꓽ ꓘꓴ ꓙꓵ, ꓔꓯ ꓠꓬ Castel Gandolfo ꓗꓪ ꓬꓰ ꓓꓴ ꓥ ꓡꓳ꓿ ꓡꓳ, ꓬꓰ ꓟ ꓕꓲꓽ ꓘꓳꓼ ꓕꓯ ꓥ ꓟꓲ 7 ꓦ ꓟ 6 ꓠꓬꓲ ꓗꓪ ꓐꓰ 22 ꓠꓬꓲ ꓗꓪ ꓛꓲ ꓦꓲꓡꓡꓮ ꓐꓮꓣꓐꓰꓣꓲꓠꓲ ꓗꓪ 16 ꓠꓬꓲ ꓠꓽ ꓗꓷ ꓟ ꓥꓳ꓿

ꓖꓳ ꓕꓲ ꓙꓵ, ꓗꓪ ꓟꓵꓽ ꓘꓳꓼ ꓚꓱ, ꓔꓯ ꓟꓳ. ꓐꓳꓣꓖꓳ ꓡꓮꓴꓓꓮꓔꓳ ꓢꓲ ꓐꓱ ꓶ ꓬꓰ_ ꓟ ꓟꓲ‐ꓢꓲ ꓪꓽ ꓘꓴ ꓙꓵ, ꓔꓯ ꓥ ꓟꓲ ꓬꓰ ꓖꓶ ꓗꓷ ꓟ ꓥꓳ꓿ ꓢꓲ ꓫꓬ ꓢꓴ ꓔꓳꓟꓮꓢ ꓦꓲꓡꓡꓮꓠꓳꓦꓮ ꓐꓰ ꓮꓡꓐꓮꓠꓳ ꓪꓽ ꓘꓴ ꓦꓲꓻ ꓓꓽ ꓗꓪ ꓥ ꓟꓲ ꓙꓰ ꓚꓳ ꓗꓷ ꓟ ꓥꓳ꓿