ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ Venezuela ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵˍ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓪꓽ ꓘꓴ ꓙ ꓖꓶ ꓟ
7 ꓦ ꓟ 5 ꓠꓬꓲ 2026 ꓘꓳꓼ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓦꓰꓠꓰꓜꓴꓰꓡꓮ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵˍ ꓗꓷ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓰ ꓠꓻ ꓓꓴ ꓡꓰ ꓢꓴ ꓐꓰ ꓐꓱ ꓶ ꓪꓽ ꓘꓴ ꓙ ꓗꓷꓳ ꓐꓰ ꓐꓯ ꓖꓶ ꓔ ꓡꓳ
ꓗꓳ. ꓗꓷ ꓟ 6 ꓦ ꓟ 24 ꓠꓬꓲ 2026 ꓘꓳꓼ ꓕꓯ ꓦꓰꓠꓰꓜꓴꓮꓡꓮ ꓗꓴꓷꓼ ꓗꓪ ꓟꓵꓽ ꓙꓴꓽ ꓙꓵˍ ꓗꓷ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓠꓵꓻ ꓠꓲ, ꓢꓴ ꓐꓴ ꓠꓻ ꓓꓴ ꓡꓰ ꓟ ꓑꓶ. ꓓꓴ ꓠꓲ, ꓫ. ꓟꓬ ꓫ. ꓔꓬ ꓟ ꓦꓰꓠꓰꓜꓴꓮꓡꓮ ꓗꓴꓷꓼ ꓗꓪ ꓔꓬ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿
ꓟꓵꓽ ꓙꓴꓽ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶ ꓓꓴ ꓬꓰ ꓡꓯ ꓐꓰ ꓐꓯ ꓗꓷꓳ꓿ ꓝꓮꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓧꓪ. ꓡꓰ ꓟ ꓢꓯꓼ ꓪ ꓖꓶ ꓠ, ꓟ ꓢꓲꓺ ꓒ ꓬꓰ‐ꓢꓴ ꓠꓯ, ꓗꓪ ꓪꓽ ꓘꓴ ꓓꓴ ꓬꓰ ꓡꓯ꓿
ꓕꓲ ꓗꓴꓷꓼ ꓡꓱꓼ ꓘꓴꓽ ꓗꓪ ꓫꓵꓻ ꓡꓰ ꓢꓴ ꓐꓴ ꓑ ꓫꓬ (3000) ꓣꓳ ꓙꓳ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓟꓵꓽ ꓙꓴꓽ ꓙꓵˍ ꓟ ꓑꓶ. ꓓꓴ ꓠꓱ. ꓐꓯꓼ ꓟꓵꓽ ꓗꓪ ꓘꓰ ꓙꓰ ꓢꓴ ꓐꓴ ꓔꓯ ꓡꓳ. ꓟꓳ ꓟ ꓑꓶ. ꓓꓴ ꓮ ꓘꓶ. ꓛꓲ ꓠꓲ, ꓫ. ꓟꓬ, ꓫ. ꓔꓬ ꓟ ꓓꓳꓽ ꓔꓯ ꓥ ꓟꓲ ꓫ. ꓕꓱ ꓔ ꓡꓳ꓿
ꓗꓴꓷꓼ ꓙꓵꓽ ꓢꓴ ꓐꓴ ꓥ ꓟꓲ ꓑ ꓫꓬ ꓐꓴ ꓔꓯ ꓫꓵꓽ ꓪꓴꓽ ꓟꓽ ꓖꓶ ꓠ, ꓟ ꓝꓮ ꓡ ꓞꓳ ꓕꓲ ꓣꓳ ꓪꓽ ꓙꓵꓽ ꓪ ꓔꓯ ꓥ ꓟꓲ ꓒꓴꓽ ꓠ, ꓟ ꓐꓯ ꓖꓶ ꓔ ꓡꓳ꓿ ꓝꓮꓲ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓥ ꓟꓲ ꓫꓵꓽ ꓪꓴꓽ ꓟꓽ ꓖꓶ ꓠ, ꓟ ꓫ. ꓕꓱ ꓔ ꓡꓳ ꓐꓰ Vatican news ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
