ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓶ. ꓗꓪ ꓔꓬ ꓟ ꓤ ꓠꓱ ꓤ  ꓐꓴ ꓔꓯ ꓬꓰ ꓙ ꓚꓬꓴ ꓙ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓓꓰꓽ ꓔ ꓟ ꓓꓳꓽ

7 ꓦ ꓟ 29 ꓠꓬꓲ 2026 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓮ ꓟꓶ ꓟ ꓙꓵ, ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓶ. ꓗꓪ ꓔꓬ ꓟ ꓤ ꓠꓱ ꓤ ꓐꓴ ꓔꓯ ꓬꓰ ꓙ      ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓖꓶ ꓠ, ꓟ ꓓꓰꓽ ꓗꓷꓳ ꓐꓰ ꓐꓯ ꓔ ꓡꓳ꓿

ꓟꓴ ꓗꓴ ꓓꓵ ꓓꓵ ꓗꓪ ꓔꓬ ꓟ ꓗꓴꓷꓼ ꓮ ꓟꓬ, ꓟ ꓴꓠ ꓣꓳꓺ ꓦꓲꓻ ꓗꓪ ꓔꓲꓺ ꓒ  ꓪ ꓔꓲ ꓠꓬ ꓝꓴꓲ ꓟꓽ ꓙꓳ ꓟ ꓤ ꓠꓱ ꓤ ꓐꓴ ꓔꓯ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓶ. ꓗꓪ ꓐꓰ ꓚꓬꓴ ꓙ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓮ ꓟꓶ ꓟ ꓙꓵ, ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓑꓶ. ꓓꓴ ꓤ ꓠꓱ ꓤ ꓐꓴ ꓢꓳꓻ ꓦꓲꓻ ꓗꓪ ꓢꓳꓻ ꓔꓬ ꓢꓴ ꓐꓴ ꓔꓯ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓐꓰ ꓫꓵꓻ ꓢꓴ ꓤ ꓠꓱ ꓤ ꓐꓴ ꓮ ꓟꓬ, ꓔꓬ ꓟ ꓔꓯ ꓐꓯ ꓗꓷ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓤ ꓠꓱ ꓤ ꓐꓴ ꓔꓯ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓗꓪ ꓟꓬꓱꓽ ꓬꓰ ꓝꓲˍ ꓟ ꓝꓮꓲ ꓫ. ꓓꓴ ꓟꓷꓼ ꓓꓴ ꓮ ꓟꓬ, ꓖꓶ ꓟ ꓚꓱ, ꓔꓯ ꓠꓽ ꓗꓷ ꓠ, ꓟ ꓐꓯ ꓖꓶ ꓔ ꓟ ꓥ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓤ ꓠꓱ ꓤ ꓐꓴ ꓔꓯ ꓣꓴ ꓢꓲ ꓠꓬꓲ ꓒꓴ ꓓꓰꓽ ꓟ ꓟꓽ ꓙꓲ ꓟ ꓟꓬꓱꓽ ꓮ ꓟꓬ, ꓙꓳ ꓟ ꓔꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓴꓠ ꓣꓳꓺ ꓦꓲꓻ ꓗꓪ ꓐꓯ ꓖꓶ ꓔ ꓟ ꓥ ꓡꓳ꓿

ꓞꓳ ꓜꓴꓻ ꓗꓴꓷꓼ ꓗꓪ ꓐꓰ ꓟꓲ ꓠꓯ ꓡ ꓞꓳ ꓐꓴ ꓪꓽ ꓙꓵꓽ ꓪ ꓔꓯ ꓒꓵꓽ ꓠ, ꓟ ꓥ ꓟꓲ ꓐꓯ ꓖꓶ ꓔ ꓡꓳ꓿ ꓝꓮꓲ (ꓮꓲ) ꓣꓱ ꓢꓲ ꓠꓬꓲ ꓟꓽ ꓙꓲ ꓟ ꓚꓱ, ꓗꓪ ꓣꓱ ꓟ ꓚꓱ, ꓔꓯ ꓥ ꓟꓲ ꓮ ꓘꓶ. ꓛꓲ ꓠꓲ, ꓟ ꓫ. ꓔꓬ ꓟ ꓚꓱ, ꓔꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓔ ꓡꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿