ꓡꓲꓽ ꓒꓰꓼ ꓐꓰ ꓫ. ꓕꓱˍꓟ ꓗꓪ ꓠꓬ ꓠꓬꓲ.ꓠꓬꓲ ꓠꓬ ꓗ‐ꓕꓳ‐ꓡꓲꓘ ꓘꓴ ꓜꓲꓼ ꓞꓳ ꓙꓵ., ꓠꓲ, ꓐꓰ ꓡꓲ‐ꓢꓴ ꓕꓲ ꓣꓳ ꓐꓯˍꓟ ꓚꓱ, ꓔꓯ ꓠꓽ ꓡꓳ ꓓꓴ ꓬꓰ ꓡꓯ꓿ ꓗ‐ꓕꓳ‐ꓡꓲꓘ ꓘꓴ ꓜꓲꓼ ꓞꓳ ꓗꓪ ꓟ ꓙꓵ., ꓠꓲ, ꓠꓬ ꓟ‐ꓕꓲ ꓕꓳꓽ ꓶ 28ꓽ 19 ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓬꓲꓽ ꓛꓳ ꓒꓯꓼ ꓐꓴ ꓔꓯ ꓟꓵ ꓚꓳ ꓓꓵ ꓓꓵ ꓗꓪ ꓙꓰ ꓢꓲ꓾ ꓶꓽ ꓓꓳꓽ ꓫꓱꓼ ꓓꓳꓽ ꓙ ꓟ. ꓖꓶ ꓙꓰ ꓐꓰ ꓢꓲꓽ ꓒ ꓬꓰ‐ꓢꓴ ꓡꓰ ꓐꓯ ꓔꓽ ꓟ ꓥ ꓡꓳ꓿
ꓖꓳ ꓡꓰ ꓠꓬ ꓶꓽ ꓓꓳ ꓫꓱꓼ ꓓꓳꓽ ꓐꓯˍꓟ ꓠꓬ ꓞꓳ ꓫꓵꓼ ꓕꓲ ꓫꓵꓼ ꓐꓱ ꓶ ꓡꓰ ꓟꓽ ꓥ꓾ ꓮꓽ ꓙꓵꓽ ꓢꓴ ꓐꓱ ꓶ ꓥ ꓡꓳ꓿ ꓮꓽ ꓙꓲ ꓠꓬ ꓠ., ꓠꓽ ꓒꓴˍꓟ ꓥ ꓡꓳ꓿ ꓖꓳ ꓡꓰ ꓠꓬ ꓗ‐ꓕꓳ‐ꓡꓲꓘ ꓘꓴꓽ ꓜꓲꓼ ꓞꓳ ꓗꓪ ꓠꓬ ꓛꓲ ꓚꓬ ꓡꓲꓽ ꓒꓰꓼ ꓘꓴ ꓠꓯꓼ ꓘꓴ ꓗꓪ ꓠꓬ ꓛꓲ ꓛꓬ ꓶꓽ ꓖꓪ ꓗꓪ ꓐꓰ ꓪꓴ‐ꓢ ꓔꓯ ꓫꓱ, ꓖꓶ ꓠꓽ ꓟ Vatican ꓗꓪ ꓟ ꓔꓲ.. ꓒ ꓓ ꓡꓰ ꓐꓯ ꓔꓽ ꓟ ꓥ ꓡꓳ꓿
ꓖꓳ ꓡꓰ ꓠꓬ ꓟꓴ ꓚꓳ ꓓꓵ ꓓꓵ ꓗꓪ ꓔꓬ ꓟ ꓗ‐ꓕꓳ‐ꓡꓲꓘ ꓘꓴ ꓜꓲꓼ ꓞꓳ ꓐꓴ ꓠꓬ ꓡꓲꓽ ꓒꓰꓼ ꓔꓯ ꓥꓳꓽ ꓢꓲ꓾ ꓠꓬꓲ ꓪꓴ‐ꓢ ꓔꓯ ꓫꓱ, ꓖꓶ ꓟ ꓔꓲ.. ꓒ ꓪ ꓔꓲ ꓡꓯꓼ ꓒꓯꓼ ꓘꓴ ꓠꓯ.ꓼ ꓗꓪ ꓔꓬ ꓢꓲ꓾ ꓬꓰ ꓚꓳ ꓡ ꓟ ꓥ ꓡꓳ꓿ ꓛꓲ ꓚꓬ ꓡꓲꓽ ꓒꓰꓼ ꓔꓯ ꓛꓳ ꓢꓲ꓾ ꓪꓴ‐ꓢ ꓔꓯ ꓫꓱ, ꓖꓶ ꓓꓴ ꓥ ꓡꓳ꓿ ꓙꓲˍꓟ ꓔꓯ ꓬꓰ ꓟꓽ ꓙꓰ ꓟ ꓔꓯ ꓡꓳ. ꓩꓵ ꓗꓷ ꓢꓲ꓾ ꓔꓬ ꓠꓽ ꓗ. ꓡꓳ꓿
