ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓ ꓐꓴ ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯꓽ ꓘꓳ_ ꓟ ꓓꓳꓽ

6 ꓦ ꓟ 5 ꓠꓬꓲ 2026 ꓘꓳꓼ ꓠꓯꓼ (9ꓽ30) ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓐꓴ ꓔꓲꓺ ꓒ ꓪ ꓔꓲ ꓐꓰ ꓜꓲ ꓡꓯꓽ ꓘꓳ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓥ ꓟ ꓔꓲꓺ ꓒ ꓓꓽ ꓣꓮꓬꓟꓳꓠꓓ ꓢꓴꓟ ꓡꓴꓔ ꓖꓮꓟ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ 6 ꓦ ꓟ 4 ꓠꓬꓲ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓙꓳ ꓟ (ꓐꓮꓢꓲꓡꓲꓚꓮ ꓳꓝ ꓢꓔ. ꓟꓮꓣꓬ ꓟꓮꓙꓳꓣ) ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓔꓲꓺ ꓖꓶ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓓꓽ ꓐꓴ ꓡꓰ ꓟꓬ‐ꓟ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓶꓻ ꓓꓰ ꓔ ꓟ ꓥ ꓡꓳ꓿ ꓔꓲꓺ ꓒ ꓓ ꓐꓴ ꓡꓰ ꓫ. ꓢꓴ ꓟꓷ ꓢꓴ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓠ, ꓟ ꓐꓰ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓶꓻ ꓓꓰ ꓪꓽ ꓘꓴ ꓙ ꓠ, ꓟ ꓐꓯ ꓖꓶ ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓓ ꓐꓴ ꓜꓴꓻ ꓠꓬ ꓙꓲꓻ ꓫꓬ ꓢꓴ ꓐꓴ ꓔꓵꓼ ꓔ ꓟ ꓔꓶ. ꓗꓪ ꓥ ꓟꓲ ꓙꓰ ꓗꓷ ꓢꓲ ꓠꓬꓲ ꓪꓽ ꓘꓴ ꓗꓷ ꓟ ꓥ ꓡꓳ꓿

ꓔꓲꓺꓒ ꓪ ꓔꓲ ꓔꓯ ꓜꓲꓼ ꓗꓷ ꓟ ꓙꓵ, ꓕꓯ ꓮ ꓟꓶ ꓟ ꓙꓵ, ꓗꓪ ꓟꓬ‐ꓟ ꓗꓴꓷꓼ ꓗꓪ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓟ ꓔꓯ ꓐꓯ ꓟ. ꓖꓶ ꓠ, ꓟ ꓐꓰ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓶꓻ ꓓꓰ ꓙ ꓠ, ꓟ ꓫ. ꓕꓱ ꓡꓯꓽ ꓘꓳ ꓓꓴ ꓙꓳ ꓡꓳ ꓐꓰ ꓐꓯ ꓖꓶ ꓔ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓥ ꓟꓲ ꓔꓲꓺ ꓒ ꓓ ꓐꓴ ꓜꓴꓻ ꓔꓯ ꓪꓽ ꓘꓴ ꓙ ꓠ, ꓟ ꓐꓱ ꓶ ꓐꓯ ꓖꓶ ꓔ ꓟ ꓥ ꓡꓳ꓿