ꓢꓲꓺ ꓒ ꓬꓰ‐ꓢꓴ ꓪꓽ ꓘꓴ ꓟ (Daily reflection)
ꓧꓪ. ꓧꓪ ꓠꓬꓲ. ꓠꓬꓲ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓬꓳ‐ꓦ 17ꓽ11‐19 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓪꓽ ꓘꓴ ꓟ ꓚꓱ, ꓥ ꓡꓳ꓿
ꓟꓲ ꓠꓯ ꓗꓪ ꓔꓬ ꓢꓯ. ꓔꓬ ꓟ ꓙꓵ, ꓕꓯ ꓢꓲꓺ ꓒ ꓠꓲ, ꓒꓴ ꓚꓱ, ꓗꓪ ꓐꓰ ꓢꓯ. ꓔꓬ ꓠ, ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓖꓶ ꓔ ꓟ ꓥ ꓡꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓗꓪ ꓞꓳ ꓙꓳ ꓢꓯ. ꓔꓬ ꓟ ꓙꓵ, ꓕꓯ ꓟꓲ ꓠꓯ ꓗꓪ ꓟꓽ ꓙꓲ ꓟ ꓚꓱ, ꓐꓰ ꓢꓯ. ꓔꓬ ꓟ ꓔꓯ ꓤ ꓟꓳ ꓠ, ꓟ ꓐꓰ ꓟꓲ ꓠꓯ ꓗ, ꓛꓲ ꓓꓴ ꓠꓯ, ꓗꓪ ꓟꓽ ꓙꓳ ꓙꓰ ꓠ, ꓟ ꓣꓳ ꓚꓵˍ ꓟ ꓔꓯ ꓐꓯ ꓖꓶ ꓔ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓟꓲ ꓠꓯ ꓠꓬꓲ ꓟꓳ ꓓꓴ ꓐꓰ ꓞ ꓐꓳ ꓒꓬꓱꓼ ꓠ, ꓟ ꓢꓯꓼ ꓕꓵꓼ ꓠ, ꓟ ꓥ ꓡꓳ꓿
ꓣꓳ ꓤꓶꓻ ꓠꓯ, ꓗꓪ ꓢꓲꓽ ꓢꓲꓽ ꓫꓬ ꓫꓬ ꓢꓯ. ꓔꓬ ꓠ, ꓟ ꓐꓱ ꓶ ꓥ ꓟꓲ ꓣꓳ ꓚꓵˍ ꓟ ꓥ ꓡꓳ꓿ ꓢꓲꓺ ꓒ ꓐꓰ ꓮ ꓕꓯ ꓥ ꓟꓲ ꓙ ꓡꓯꓽ ꓘꓳ, ꓠ, ꓟ ꓥ ꓡꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓦꓻ ꓕꓳ ꓒꓳ, ꓗꓪ ꓢꓯꓼ ꓪ ꓙꓳ ꓠ, ꓟ ꓐꓰ ꓮ ꓕꓯ ꓥ ꓟꓲ ꓢꓲꓺ ꓒ ꓐꓰ ꓙ ꓡꓯꓽ ꓘꓳ, ꓠ, ꓟ ꓝꓮꓲ ꓝꓴꓲ ꓔꓲ ꓟꓶ ꓡꓲ ꓢꓴ ꓐꓴ ꓠꓬ ꓢꓲꓺ ꓒ ꓐꓱ ꓶ ꓟꓬꓱꓽ ꓬꓰ ꓖꓶ ꓠ, ꓟ ꓣꓳ ꓚꓵˍ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓮ ꓙꓵꓽ ꓢꓴ ꓕꓲ ꓠꓲ, ꓕꓲ ꓪ ꓪꓽ ꓡꓯꓽ ꓘꓳ, ꓠ, ꓟ ꓪꓽ ꓘꓴ ꓖꓶ ꓗꓷ ꓟ ꓥ ꓡꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓐ, ꓐ ꓤ ꓔꓲ ꓢꓲꓽ ꓫꓬ ꓟꓽ ꓦ ꓢꓽ ꓣꓳ ꓕꓲ ꓖꓳ ꓓꓱ ꓪꓴ‐ꓢ ꓪꓽ ꓡꓯꓽ ꓘꓳ, ꓟ ꓔꓯ ꓔꓯꓺ ꓢꓳ ꓢꓲ ꓠꓬꓲ ꓣꓳ ꓮ ꓙꓵꓽ ꓢꓴ ꓥ ꓟꓲ ꓠꓵꓻ ꓠꓲ, ꓗꓪ ꓐꓰ ꓪꓽ ꓡꓯꓽ ꓘꓳ, ꓠ, ꓟ ꓣꓳ ꓚꓵˍ ꓡꓳ꓿ ꓣꓳ ꓙꓵꓻ ꓠꓲ, ꓔꓯ ꓔꓶ ꓡꓰ
ꓠ, ꓟ ꓢꓯꓼ ꓕꓵꓼ ꓡꓯ꓿
ꓠꓴ ꓥꓪ ꓠꓬ ꓢꓲꓺ ꓒ ꓬꓰ‐ꓢꓴ ꓙ ꓖꓴ ꓧꓳꓽ ꓟꓳ ꓖꓶ ꓔꓬ ꓟ ꓗꓪ ꓞꓳ ꓫꓱ, ꓢꓴ ꓒꓬꓱꓼ ꓔꓬ ꓡ ?
ꓠꓴ ꓥꓪ ꓠꓬ ꓕꓲ ꓠꓲ, ꓕꓲ ꓪ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓔꓬ ꓡ?
ꓟꓲ ꓠꓯ ꓠꓬꓲ ꓟꓳ ꓓꓴ ꓐꓰ ꓞ ꓐꓳ ꓒꓬꓱꓼ ꓔꓬ ꓡ ?
