ꓢꓲ ꓒ ꓬꓰ‐ꓢꓴ ꓡꓰ ꓠꓴ ꓪ ꓥꓪ ꓔꓯ ꓠꓲ, ꓠꓵ_ ꓠꓬ ꓥꓪ ꓕꓵꓼ ꓪ ꓠꓴ ꓪ ꓒꓵꓽ ꓛꓳ_ ꓥꓳ꓾ ꓐꓰ ꓐꓯ ꓔ ꓟ ꓡꓳ. ꓟꓳ ꓪ ꓡꓳ꓿ ꓕꓱ ꓟ ꓠꓬ ꓣꓳ ꓙꓵꓻ ꓠꓲ, ꓐꓰ ꓪꓴ‐ꓢ ꓐꓰ ꓙ ꓡꓯ ꓘꓳ ꓠ, ꓟ ꓐꓱ ꓶ ꓕꓶ ꓞ, ꓟ ꓬꓲ ꓚꓰꓺ ꓓꓽ ꓟ ꓔꓯ ꓫꓬ, ꓔꓶ ꓖꓶ ꓡꓳ꓿
ꓢꓲ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ ꓠꓵꓻ ꓠꓲ, ꓠꓬ ꓫ ꓪ ꓐꓯ ꓘꓶꓽ ꓡꓰ ꓟꓽ ꓥ꓾ ꓕꓱ ꓟ ꓠꓬ ꓚꓵ ꓚꓵ ꓟꓬꓱꓽ ꓬꓰ ꓟ꓾ ꓒꓵꓽ ꓛꓳ_ ꓟ꓾ ꓔꓱ, ꓟ ꓠꓯꓼ ꓗꓪ ꓬꓲ ꓚꓰꓺ ꓥ ꓡꓳ꓿ ꓢꓲ ꓒ ꓕꓵꓼ ꓪ ꓔꓯ ꓒꓵꓽ ꓛꓳ_ ꓟ ꓗꓪ ꓐꓰ ꓣꓳ ꓔꓯ ꓢꓲ ꓒ ꓔꓯ ꓠꓲ, ꓠꓵꓻ ꓟ ꓢꓷ. ꓙ ꓟꓳ ꓙ ꓐ ꓡ ꓟ ꓥꓳ꓿ ꓔꓯ ꓥꓳꓽ ꓡ ꓞꓳ ꓕꓲ ꓣꓳ ꓔꓯ ꓠꓲ, ꓠꓵꓻ ꓠꓬ ꓬꓲ ꓐꓯ ꓘꓶꓽ ꓔꓯ ꓬꓲ ꓠꓲ, ꓫꓵ ꓟ ꓔꓯ ꓬꓰ ꓖꓶ ꓟ ꓡꓰ ꓥ ꓡꓳ꓿ ꓪꓴ‐ꓢ ꓔꓯ ꓠꓲ, ꓠꓵꓻ ꓟ ꓥ ꓟꓲ ꓕꓱ ꓡꓱ ꓥꓳ꓿ ꓬꓲ ꓐꓯ ꓘꓶꓽ ꓔꓯ ꓕꓵꓼ ꓪ ꓔꓯ ꓒꓵꓽ ꓛꓳ ꓟ ꓥ ꓡꓳ꓿ ꓕꓱ ꓡꓱ ꓬꓰ ꓟ ꓗꓪ ꓐꓰ ꓣꓳ ꓠꓲ, ꓟ ꓠꓬ ꓢꓲ ꓒ ꓠꓲ, ꓟ ꓐꓰ ꓠꓶꓽ ꓞ, ꓡ ꓟ ꓥꓳ꓿ ꓕꓱ ꓟ ꓠꓬ ꓕꓲ ꓞꓲ ꓕꓲ ꓑ ꓣꓳ ꓐꓰ ꓔꓬ ꓟ ꓢꓲ‐ꓫꓬ‐ꓟ‐ꓦ ꓥ ꓡꓳ꓿ ꓢꓲ‐ꓫꓬ‐ꓟ‐ꓦ ꓠꓬ ꓣꓳ ꓐꓱ ꓶ ꓙ ꓖꓴ ꓟꓳ. ꓖꓶ꓾ ꓢꓯꓼ ꓖꓶ ꓢꓴ ꓟ. ꓖꓶ ꓢꓴ ꓐꓰ ꓢꓯꓼ ꓪ ꓖꓶ ꓢꓴ ꓥ ꓡꓳ꓿
ꓢꓲ ꓒ ꓬꓰ‐ꓢꓴ ꓡꓰ ꓥꓪ ꓡꓰ ꓠꓴ ꓪ ꓔꓯ ꓤ ꓚꓵꓽ ꓟꓽ ꓓꓳ ꓔꓲ, ꓬꓰ ꓝꓲ꓾ ꓬꓳ‐ꓦ 14ꓽ28 ꓐꓰ ꓐ ꓯꓔ ꓟ ꓥ ꓡꓳ꓿ ꓕꓱ ꓟ ꓠꓬ ꓣꓳ ꓐꓱ ꓶ ꓪꓴ‐ꓢ ꓬꓲ ꓠꓵꓻ ꓠꓲ, ꓠꓬ ꓕꓲ ꓞꓲꓼ ꓕꓲ ꓑ ꓥ ꓟ ꓔꓯ ꓢꓷ. ꓡꓰ ꓝꓲ ꓡꓳ꓿ ꓣꓳ ꓠꓬ ꓮ ꓕꓯ ꓥ ꓟꓲ ꓕꓲ ꓣꓳ ꓕꓵꓼ ꓡꓰ ꓟꓽ ꓥ꓾ ꓢꓲ‐ꓫꓬ‐ꓟ‐ꓦ ꓠꓬ ꓣꓳ ꓐꓰ ꓮ ꓕꓯ ꓟꓲ ꓔꓬ ꓡꓳ꓿
ꓠꓬꓲ. ꓠꓬꓲ ꓗꓪ ꓣꓳ ꓠꓬ ꓢꓲ ꓒ ꓬꓰ‐ꓢꓴ ꓬꓲ ꓠꓵꓻ ꓠꓲ, ꓔꓯ ꓚꓵ ꓚꓵ ꓘꓳ, ꓣꓴ ꓠ, ꓟ꓾ ꓢꓷ. ꓡꓰ ꓠ, ꓟ꓾ ꓚꓵ ꓚꓵ ꓛꓳ ꓠ, ꓟ ꓘꓴ ꓔ ꓟ ꓥ ꓡꓳ꓿ ꓣꓳ ꓤꓶꓻ ꓗꓪ ꓢꓲ ꓒ ꓕꓵꓼ ꓪ ꓔꓯ ꓒꓵꓽ ꓛꓳ ꓟ ꓗꓪ ꓐꓰ ꓢꓲ‐ꓫꓬ‐ꓟ‐ꓦ ꓙ ꓖꓴ ꓟꓳ. ꓖꓶ ꓟ ꓔꓯ ꓘꓳ, ꓣꓴ ꓟ ꓗꓪ ꓐꓰ ꓢꓲ ꓒꓽ ꓠꓵꓻ ꓠꓲ, ꓠꓯꓼ ꓗꓪ ꓮ ꓕꓯ ꓟꓲ ꓔꓬ ꓓꓴ ꓬꓰ ꓡꓯ꓾ ꓕꓱ ꓟ ꓗꓪ ꓐꓰ ꓣꓳ ꓠꓬ ꓢꓲ ꓒ ꓬꓲ ꓔꓱ, ꓟ ꓝꓲ ꓓꓴ ꓐꓴ ꓒꓬꓱꓼ ꓡ ꓢꓲ꓾ ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓔꓯ ꓪ ꓟꓶ ꓡ ꓟ ꓥ ꓡꓳ꓿
