YOUTH LEADER’S CONFERENCE 2026 ꓢꓳꓻ ꓜꓲꓼ ꓓꓴ ꓬꓰ ꓔꓬ ꓟ ꓓꓳꓽ
———
YOUTH LEADER’S CONFERENCE 2026 ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓞꓳ ꓡꓱ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓐꓴ ꓢꓳꓻ ꓜꓲꓼ ꓓꓴ ꓔꓯ ꓬꓰ ꓔꓬ ꓟ ꓥ ꓡꓳ꓿
ꓬꓳꓔꓧꓰ ꓡꓰꓮꓓꓰꓣʼꓢ ꓚꓳꓠꓝꓰꓣꓰꓠꓚꓰ ꓢꓳꓻ ꓜꓲꓼ ꓓꓴ ꓔꓯ ꓢꓔ. ꓡꓴꓗꓰ ꓰꓓꓲꓠ ꓗꓪ 4 ꓦ ꓟ 22 ꓠꓬꓲ ꓗꓪ ꓐꓰ 28 ꓠꓬꓲ ꓗꓪ ꓛꓲ ꓬꓰ ꓓꓴ ꓥ ꓡꓳ꓿
ꓞꓳ ꓡꓱ ꓐꓴ ꓐꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓢꓳꓻ ꓜꓲꓼ ꓓꓴ ꓒꓴ ꓟ ꓑꓮꓲꓽ ꓗꓪ ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓡꓮ‐ꓢꓮꓟ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓢ ꓔꓶ ꓓꓴ ꓗꓪ ꓐꓰ ꓒꓴ ꓖꓶ ꓗꓷ ꓥ ꓡꓳ꓿
ꓕꓱ ꓢꓳ ꓜꓲꓼ ꓓꓴ ꓠꓬ ꓞꓳ ꓡꓱ ꓐꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓪꓴ‐ꓢ ꓚꓱ, ꓗꓪ ꓐꓰ ꓞꓳ ꓡꓱ ꓐꓴ ꓔꓯ ꓧꓳꓽ ꓪꓴ. ꓐ ꓡ ꓠ, ꓟ ꓐꓰ ꓟꓲ ꓠꓯ ꓢꓷ. ꓠꓲ, ꓕꓲ ꓒꓳ, ꓗꓪ ꓐꓰ ꓧꓳꓽ ꓪꓴ. ꓟꓴ ꓐ ꓡ ꓠ, ꓟ ꓐꓱ ꓶ ꓥ ꓡꓳ꓿ ꓕꓱ ꓢꓳꓻ ꓜꓲꓼ ꓓꓴ ꓗꓪ ꓠꓬ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓞꓳ ꓡꓱ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓐꓴ ꓔꓯ ꓮ ꓘꓶ. ꓛꓲ ꓙꓲ ꓟ ꓚꓱ, ꓗꓪ ꓐꓰ ꓞꓳ ꓡꓱ ꓐꓴ ꓔꓯ ꓧꓳꓽ ꓪꓴ. ꓟꓴ ꓖꓶ ꓠ, ꓟ ꓢꓳꓻ ꓣꓴ ꓓꓴ ꓟ. ꓖꓶ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓔꓲꓺ ꓒ ꓙꓵꓽ ꓔꓶ. ꓮ ꓟꓬ, ꓗꓪ ꓐꓰ ꓞꓳ ꓡꓱ ꓞꓳ ꓡꓯ. ꓐꓴ ꓢꓳꓻ ꓜꓲꓼ ꓓꓴ ꓗꓪ (400) ꓣꓳ ꓕꓯ ꓢꓲ ꓢꓳꓻ ꓣꓴ ꓡ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
