ꓔꓲꓺ ꓒ ꓪ ꓔꓲ ꓡꓰꓳ (14) ꓮꓠꓖꓳꓡꓮ ꓗꓴꓷꓼ ꓗꓪ ꓙꓰ ꓟ ꓗꓪ ꓗꓲꓡꓮꓟꓐꓮ ꓡꓳ ꓒꓱ ꓗꓪ ꓟꓲ‐ꓢ ꓔꓶ ꓓꓴ ꓬꓰ ꓗꓷ ꓟ ꓓꓳꓽ

4 ꓦ ꓟ 19 ꓠꓬꓲ 2026 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓮꓝꓣꓲꓚꓮ ꓟꓵꓽ ꓮꓠꓖꓳꓡꓮ ꓗꓴꓷꓼ ꓗꓪ ꓙꓰ ꓟ ꓙ ꓖꓴ ꓗꓪ ꓗꓲꓡꓮꓟꓡꓮ ꓡꓳ ꓒꓱ ꓗꓪ ꓟꓲ‐ꓢ ꓔꓶ ꓓꓴ ꓔꓯ ꓬꓰ ꓗꓷ ꓟ ꓥ ꓡꓳ꓿

ꓕꓱ ꓟꓲ‐ꓢ ꓔꓶ ꓓꓴ ꓗꓪ ꓙꓲ‐ꓢꓴ ꓢꓲꓺ ꓤ  (100000) ꓣꓳ ꓐꓰ ꓟꓲ‐ꓢ ꓔꓶ ꓓꓴ ꓬꓰ ꓗꓷ ꓟ ꓥ ꓡꓳ꓿ ꓕꓱ ꓙꓲ‐ꓢꓴ ꓢꓲꓺ ꓤ ꓐꓴ ꓠꓯ, ꓗꓪ ꓑꓳꓡꓮꓠꓓ ꓗꓴꓷꓼ ꓲꓔꓮꓡꓬ ꓗꓴꓷꓼ ꓐꓰ ꓴꓣꓴꓖꓴꓮꓡ ꓗꓴꓷꓼ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓐ ꓗꓷ ꓟ ꓥ ꓡꓳ꓿

ꓟꓲ‐ꓢ ꓔꓶ ꓓꓴ ꓬꓰ ꓟ ꓙꓵ, ꓕꓯ ꓟꓶ ꓫꓵꓽ ꓟꓶ ꓙꓰ ꓗꓪ ꓐꓰ ꓥ ꓟꓲ ꓪꓴ‐ꓢ ꓔꓯ ꓓꓳ ꓟꓴ ꓗꓷ ꓟ ꓥ ꓡꓳ꓿ ꓟꓶ ꓫꓵꓽ ꓟꓶ ꓙꓰ ꓗꓪ ꓮ ꓘꓶ. ꓓ ꓢꓴ ꓟ. ꓒ ꓓꓽ (Luis Muxinda) ꓡꓰ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿

ꓝꓮꓲ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓔꓯ ꓥ ꓟꓲ ꓜꓲꓼ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓮꓝꓣꓲꓚꓮꓠ ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ  ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓥ ꓟꓲ ꓜꓲꓼ ꓗꓷ ꓟ ꓥ ꓡꓳ꓿

ꓤ ꓠꓱ ꓤ ꓐꓴ ꓔꓯ ꓠꓻ ꓫꓬ, ꓖꓶ ꓟ ꓜꓴꓻ ꓝꓮꓲ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓔꓯ ꓟ. ꓖꓶ ꓔꓬ ꓢꓴ ꓐꓴ ꓟ. ꓒ ꓐꓴ ꓔꓯ ꓥ ꓟꓲ ꓜꓲꓼ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓪꓴ‐ꓢ ꓟꓬꓱꓽ ꓟꓯ ꓟ ꓙꓵ, ꓕꓯ ꓫ. ꓓꓴ ꓟꓷꓽ ꓓꓴ ꓮ ꓘꓶ. ꓛꓲ ꓔꓳ, ꓜꓳ ꓡ ꓥ ꓟꓲ ꓪꓴ‐ꓢ ꓐꓰ ꓕꓲ ꓪ ꓙꓰ ꓠ, ꓟ ꓢꓯꓼ ꓖꓶ ꓗꓷꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿