ꓕꓲ ꓟꓲ ꓠꓯ ꓡꓱꓽ ꓤ ꓟꓶ ꓤ ꓐꓴ ꓯꓬꓼ ꓠꓬꓲ ꓗꓪ ꓕꓲ ꓠꓲ, ꓕꓲ ꓪꓽ ꓬꓰ ꓙ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯˍꓟ꓾

ꓢꓲ ꓒ ꓯꓬꓼ ꓠꓬꓲ Angelus ꓪꓽ ꓘꓴ ꓙꓵꓽ ꓕꓯ Saint Peter’s Square ꓪꓽ ꓘꓴ ꓦꓲ., ꓗꓪ ꓛꓲ ꓔꓬ ꓟ ꓑ ꓫꓬ ꓐꓴ 15.000 ꓞꓳ ꓟꓽ ꓞꓲ ꓔꓬ ꓟ ꓗꓪ ꓡꓳ, ꓬꓰ ꓟ 2026 ꓘꓳꓼ 3 ꓦ ꓟ 8 ꓠꓬꓲ ꓕꓯ ꓕꓲ ꓟꓲ ꓠꓯ ꓡꓱꓽ ꓤ ꓟꓶ ꓤ ꓐꓴ ꓯꓬꓼ ꓠꓬꓲ ꓥˍꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓗꓷ ꓟ ꓥ ꓡꓳ꓿ ꓖꓳ ꓟ ꓡꓰ ꓐꓰ ꓟꓽ ꓞꓲ ꓤ ꓑ ꓤ꓾ꓤ ꓟꓶ ꓤ ꓟꓽ ꓘꓶꓽ ꓘꓶꓼ ꓕꓲ ꓠꓲ, ꓕꓲ ꓮꓽ ꓙꓵ ꓢꓴ ꓪꓽ ꓙꓵ ꓪ ꓙꓳ ꓟ ꓡꓰ ꓐꓰ ꓬꓲꓽ ꓪ ꓔꓯ ꓬꓰ ꓙ ꓠꓬꓲ ꓙ ꓠ, ꓟ ꓢꓯꓼ ꓕꓵꓼ ꓡꓯ ꓐꓰ  ꓔꓲ.. ꓒ ꓪ  ꓔꓲ ꓡꓰꓳ (14) ꓡꓰ ꓐꓯˍ ꓡꓳ꓿

ꓔꓲ.. ꓒ ꓪ ꓔꓲ (14) ꓠꓬ 3 ꓦ ꓟ 8 ꓠꓬꓲ ꓓꓳꓽ ꓫꓵꓼ ꓐꓯ ꓑꓶ ꓖ ꓗꓪ ꓟ  Piazza San Pietro ꓓꓳꓽ ꓗꓪ ꓕꓱ ꓟ ꓔꓯ ꓗꓷ ꓔꓽ ꓬꓰ ꓟ ꓥ ꓡꓳ꓿ ꓕꓲ ꓟꓲ ꓠꓯ ꓡꓱꓽ ꓤ ꓟꓶ ꓤ ꓐꓴ ꓯꓬꓼ ꓠꓬꓲ ꓔꓯ ꓕꓲ ꓘꓳꓼ ꓡꓲꓽ ꓕꓲ ꓘꓳꓼ 3 ꓦ ꓟ 8 ꓠꓬꓲ ꓕꓯ ꓬꓰ ꓔꓬ ꓟ ꓥ ꓢꓲ꓾ ꓤ ꓑ ꓤ꓾ ꓤ ꓟꓶ ꓤ꓾ ꓟꓽ ꓘꓶꓼ ꓘꓶꓼ ꓮꓽ ꓫꓵꓽ ꓟꓬꓱꓽ ꓬꓰ ꓗꓪ ꓥˍꓟꓲ ꓬꓰ ꓑ ꓡ ꓠ, ꓟ ꓐꓰ ꓤ ꓟꓶ ꓤ ꓐꓴ ꓧꓪ ꓡꓰ ꓠ, ꓟ ꓐꓰ ꓢꓯꓼ ꓕꓵꓼ ꓟ ꓗꓪ ꓢꓯꓼ ꓖꓶ ꓠ, ꓟ ꓯꓬꓼ ꓠꓬꓲ ꓟꓲ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓥ ꓡꓳ꓿

ꓕꓱ ꓟ ꓠꓬꓲ 20 ꓘꓳꓼ ꓘꓴ ꓗꓪ ꓐꓰ ꓪꓴ ꓓꓵ ꓗꓷ ꓟ ꓥ ꓢꓲ꓾ ꓤ ꓟꓶ ꓤ ꓐꓴ ꓪꓽ ꓙꓵ ꓪ ꓙꓳˍꓟ  ꓪꓴ ꓟꓵ ꓡ ꓠ, ꓟ ꓐꓱ ꓶ ꓖꓪ ꓙꓱ ꓜꓲꓼ ꓓꓴ ꓬꓰˍꓟ ꓯꓬꓼ ꓠꓬꓲ ꓕꓲ ꓠꓬꓲ ꓟꓲ ꓥ ꓡꓳ꓿