ꓢꓲꓺ ꓒ ꓬꓰ‐ꓢꓴ ꓔꓯ ꓐꓲ‐ꓜꓲ‐ꓐꓷ ꓓꓯ, ꓢꓲ ꓠꓲꓽ ꓪ ꓔꓲ ꓢꓯꓼ ꓗꓪ ꓐꓰ ꓠꓲꓽ ꓖꓼ ꓡꓳ ꓐꓰ ꓝꓴꓲ. ꓓꓰˍ ꓟ (Monday reflection)
ꓠꓬꓲ. ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓘꓳ ꓕꓳ ꓶ 3ꓽ22‐30 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓔꓯ ꓙꓵꓽ ꓗ ꓟ. ꓒ ꓐꓴ ꓐꓰ ꓑ‐ꓡꓲ‐ꓢꓷ ꓐꓴ ꓡꓰ ꓐꓲ‐ꓜꓲ‐ꓐꓷ ꓓꓯ, ꓢꓲ꓾ ꓠꓲꓽ ꓪ ꓔꓲ ꓢꓯꓼ ꓗꓪ ꓐꓰ ꓠꓲꓽ ꓖꓼ ꓓꓳ ꓡꓳ ꓐꓰ ꓝꓴꓲ. ꓓꓰˍ ꓟ ꓥ ꓡꓳ꓿
ꓢꓲꓺ ꓒ ꓬꓰ‐ꓢꓴ ꓠꓬ ꓠꓲꓽ ꓖꓼ ꓓꓳ ꓟ ꓪꓴ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓟꓬꓱ ꓓꓳꓽ ꓮ ꓟꓬ, ꓛꓲ ꓙꓳ ꓡ ꓟ ꓪꓴ. ꓠꓬꓲ ꓙꓵꓽ ꓗꓽ ꓟ. ꓒ ꓐꓴ ꓐꓰ ꓑ‐ꓡꓲ‐ꓢꓷ ꓐꓴ ꓠꓬ ꓠꓲꓽ ꓪ ꓔꓲ ꓢꓯꓼ ꓗꓪ ꓐꓰ ꓠꓲꓽ ꓖꓼ ꓓꓳ ꓡꓳ ꓐꓰ ꓟꓽ ꓔꓱ, ꓟꓽ ꓜꓳ ꓟ ꓚꓱ, ꓗꓪ ꓐꓰ ꓝꓴꓲ. ꓓꓰˍ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓵꓽ ꓗꓽ ꓟ. ꓒ ꓐꓴ ꓡꓰ ꓝꓴꓲ. ꓧꓪ ꓟ ꓝꓴꓲ. ꓓꓰˍ ꓟ ꓚꓱ, ꓠꓬ ꓟꓽ ꓔꓱ ꓟꓽ ꓜꓳ ꓟ ꓚꓱ, ꓥ ꓟ ꓪꓴ. ꓠꓬꓲ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓔꓯ ꓝꓴꓲ. ꓧꓪ ꓟ ꓠꓬ ꓪꓴ‐ꓢ ꓡꓰ ꓖꓼ ꓖꓶ ꓟꓽ ꓓꓽ ꓟ ꓝꓴꓲ ꓥ ꓟ ꓚꓱ, ꓔꓯ ꓟ. ꓖꓶ ꓗꓷꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓟ ꓙꓵ, ꓗꓪ ꓡ ꓞꓳ ꓪꓴ. ꓠꓶ ꓗꓪ ꓐꓰ ꓓꓴꓽ ꓙ ꓟꓽ ꓗꓴ. ꓟ ꓚꓱ, ꓣꓳ ꓗꓪ ꓐꓰ ꓬꓰ ꓟꓽ ꓐ ꓡ ꓟ ꓚꓱ, ꓔꓯ ꓣꓳ ꓔꓳ, ꓜꓳ ꓗꓷ ꓠꓬ ꓟꓽ ꓔꓱ ꓟꓽ ꓜꓳ ꓟ ꓚꓱ, ꓥ ꓡꓳ ꓐꓰ ꓐꓯ ꓟ ꓕꓯ ꓢꓲ꓾ ꓔꓱ, ꓚꓵˍ ꓟ ꓔꓱ, ꓜꓳ ꓟ ꓚꓱ, ꓗꓪ ꓔꓯ ꓧꓪ ꓢꓲ ꓠꓬꓲ ꓘꓳ, ꓣꓴ ꓠ, ꓟ ꓮ ꓘꓶ. ꓛꓲ ꓣꓳ ꓚꓵˍ ꓟ ꓥ ꓡꓳ꓿
ꓠꓬꓲ. ꓠꓬꓲ ꓠꓴ ꓥꓪ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓚꓵˍ ꓚꓵˍ ꓟꓽ ꓢꓷ. ꓥ ꓟꓲ ꓢꓷ. ꓪ ꓡꓰ ꓢꓴ ꓔꓯ ꓝꓴꓲ ꓟꓽ ꓧꓪ ꓠ, ꓟ꓾ ꓢꓴ ꓮ ꓘꓶ. ꓛꓲ ꓙꓲ ꓟ ꓚꓱ, ꓗꓪ ꓐꓰ ꓬꓰ ꓥ ꓟꓲ ꓟꓽ ꓙꓲ ꓟ ꓟꓬꓱꓽ ꓡꓰ ꓡꓳ. ꓟꓳ꓾ ꓝꓴꓲ ꓧꓪ, ꓢꓴ ꓐꓴ ꓟꓽ ꓬꓰ ꓠ, ꓟ ꓣꓳ ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓢꓴ ꓔꓯ ꓝꓴꓲ. ꓧꓪ ꓢꓴ ꓟꓽ ꓬꓰ ꓠ, ꓟ ꓟꓽ ꓙꓲ ꓟ ꓟꓬꓱꓽ ꓬꓰ ꓟ ꓗꓪ ꓐꓰ ꓤ ꓟꓳ ꓠ,ꓟ ꓟ. ꓖꓶ ꓔ ꓟ ꓥ ꓡꓳ꓿
ꓔꓱ, ꓚꓵˍ ꓟ ꓚꓱ, ꓔꓯ ꓘꓳ, ꓣꓴ ꓗꓴ ꓢꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓡꓯ꓿ ꓡ ꓞꓳ ꓔꓯ ꓙꓲ ꓟ ꓟꓬꓱꓽ ꓙꓲ ꓟ ꓫ. ꓕꓱ ꓗꓴ. ꓢꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓡꓯ꓿ ꓫ. ꓟꓳ ꓪ꓿
