ꓥ ꓡꓳ꓾ ꓪꓴ‐ꓢ ꓠꓬ ꓟꓲ ꓠꓯ ꓐꓰ ꓞꓳ ꓤ ꓔꓯ ꓚꓰꓼ_ ꓕꓯ ꓠꓬ ꓬꓲ ꓔꓶꓻ ꓙꓱꓼ ꓕꓲ ꓟ ꓘꓶ ꓔ ꓡꓳ꓾ ꓣꓳ ꓡꓳ ꓖꓪ ꓕꓯ ꓗ_ ꓕꓯ ꓐꓲ‐ꓡꓴ ꓡꓳ ꓖꓪ ꓕꓯ ꓬꓲ ꓙꓵꓽ ꓗ ꓔꓶꓻ ꓔ ꓢꓲ ꓠꓬꓲ ꓡꓳ ꓖꓪ ꓟ ꓡꓰ ꓐꓰ ꓮ ꓫꓵ ꓮ ꓡꓰ ꓗꓪ ꓡꓳ ꓖꓪ ꓓꓴ ꓮ ꓫꓵ ꓬꓰ ꓥ ꓟꓲ ꓬꓲ ꓗ ꓙꓵ ꓬꓲ ꓙꓵꓽ ꓗ ꓔꓶꓻ ꓢꓲ ꓠꓬꓲ ꓣꓳ ꓗ ꓠꓯ, ꓡꓳ꓿ ꓖꓳ ꓡꓱ ꓬꓰ ꓢꓲ ꓡꓰ ꓣꓳ ꓗ, ꓛꓲ_ ꓡꓳ꓿ ꓬꓲ ꓙꓵꓽ ꓗ ꓟꓽ ꓔꓶꓻ ꓔꓶꓻ ꓬꓰ ꓠꓬ ꓮ ꓫꓵ_ ꓟꓲ ꓗ ꓠꓯ, ꓟꓽ ꓓ꓾ ꓡꓳ ꓖꓪ ꓟꓽ ꓠ꓾ ꓕꓱ ꓟ ꓡꓰ ꓐꓰ ꓪꓴ‐ꓢ ꓠꓬ ꓟꓲ ꓠꓯ ꓔꓯ ꓚꓰꓼ_ ꓕꓯ ꓬꓲ ꓠꓬꓲ ꓬꓲ ꓙꓵꓽ ꓗ ꓕꓲ ꓟ ꓔꓶꓻ ꓔ ꓡꓳ꓿ ꓣꓳ ꓮ ꓙꓵ ꓠꓬ ꓙꓵꓽ ꓗ ꓖꓳ ꓟ ꓠꓯꓼ ꓘꓴꓽ ꓗꓪ ꓞꓳ ꓙꓳ ꓕꓯ ꓙꓵꓽ ꓗ ꓖꓳ ꓟ ꓠꓯꓼ ꓘꓴ ꓗꓪ ꓛꓳ ꓫꓱ_ ꓕꓯ ꓠꓬ ꓗ, ꓛꓲ_ ꓟ꓾ꓐꓲ ꓡ ꓡꓳ꓾ ꓙꓵꓽ ꓗ ꓖꓳ ꓟ ꓠꓬ ꓮ ꓫꓵ ꓥ ꓡ꓾ ꓠꓵꓻ ꓠꓲ, ꓥ ꓡꓳ꓾ꓪꓴ‐ꓢ ꓠꓬ ꓟꓲ ꓠꓯ ꓔꓯ ꓥ ꓟꓲ ꓞꓳ ꓤ ꓔꓯ ꓥ ꓟꓲ ꓠꓵꓻ ꓠꓲ, ꓠꓯꓼ ꓘꓴ ꓗꓪ ꓐꓰ ꓚꓰꓼ ꓔ ꓟ ꓑꓶ ꓓꓴ ꓞꓳ ꓤ ꓮ ꓙꓵ ꓠꓬ ꓠꓵꓻ ꓠꓲ, ꓖꓳ ꓟ ꓠꓯꓼ ꓘꓴ ꓗꓪ ꓛꓳ ꓫꓱ_ ꓕꓯ ꓠꓲ, ꓘꓪ ꓫꓵ_ ꓟ꓾ ꓗ, ꓛꓲ ꓟ ꓡꓰ ꓐꓲ ꓡꓶ ꓡ ꓡꓳ꓾ ꓪꓴ‐ꓢ ꓠꓬ ꓠꓴ ꓔꓯ ꓠꓲ, ꓠꓵꓻ_ ꓡꓳ꓿
ꓪꓴ‐ꓢ ꓠꓬ ꓠꓴ ꓔꓯ ꓚꓰꓼ ꓔ ꓡꓳ꓾ ꓠꓴ ꓔꓯ ꓮ ꓟꓶ ꓠꓴ ꓔꓬ ꓗꓪ ꓔꓬ ꓠ, ꓟ ꓞꓳ ꓫꓱꓽ ꓠ, ꓟ꓾ ꓕꓱ ꓕꓲ ꓙꓵ, ꓕꓲ ꓕꓲ ꓑ, ꓗꓪ ꓠꓴ ꓔꓯ ꓡꓰ ꓢꓲ ꓔ ꓡꓳ꓿ ꓬꓲ. ꓔꓶ. ꓕꓲ ꓔꓶ. ꓗꓪ ꓮꓽ ꓟ ꓥ ꓟꓲ ꓠꓴ ꓔꓬ ꓖꓴ ꓗꓪ ꓙꓰ ꓟꓽ ꓐ ꓡ꓾ ꓠꓴ ꓬꓰ_ ꓟ ꓟꓬꓱꓽ ꓔꓯ ꓬꓰ ꓟꓽ ꓐ ꓡ꓾ ꓕꓱ ꓟ ꓠꓬ ꓪꓴ‐ꓢ ꓬꓲ ꓔꓶꓻ ꓙꓱꓼ ꓥ ꓡꓳ꓿
ꓪꓴ‐ꓢ ꓐꓯ_ ꓟ ꓠꓬ ꓮꓽ ꓟ ꓥ ꓡ꓾ ꓥ ꓡꓳ꓾ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓪꓴ‐ꓢ ꓐꓯ_ ꓟ ꓠꓬ ꓮ ꓫꓵ ꓔꓯ ꓥ ꓟꓲ ꓚꓰꓼ ꓔ ꓢꓴ꓾ ꓟꓳ ꓓ_ ꓟ ꓐꓰ ꓟꓳ ꓟꓽ ꓓ_ ꓟ꓾ꓟꓵꓽ ꓚꓰꓼ ꓟꓶ ꓚꓰꓼ ꓢꓷ. ꓐ ꓡ ꓟ꓾ ꓢꓷ. ꓟꓽ ꓐ ꓡ ꓟ ꓮ ꓙꓵ ꓔꓯ ꓚꓰꓼ ꓢꓴ ꓥ ꓡꓳ꓿ ꓬꓲ ꓠꓬ ꓕꓱ ꓡꓱ ꓐꓰ ꓚꓰꓼ ꓢꓲ ꓠꓬꓲ ꓮ ꓟꓴ. ꓟꓴ ꓗꓪ ꓔꓬ ꓢꓲ ꓠꓬ ꓣꓳ ꓔꓯ ꓝꓴꓲ ꓮ ꓡꓰ ꓐꓰ ꓬꓰ_ ꓡ ꓡꓳ. ꓢꓴ ꓟꓽ ꓥ꓾ ꓬꓲ ꓠꓬ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓠꓴ ꓑ ꓕꓲ ꓗꓪ ꓛꓳ ꓙꓳ ꓔꓬ ꓢꓲ ꓠꓬꓲ ꓠꓴ ꓐꓰ ꓕꓲ ꓡꓲ, ꓔꓬ ꓡꓳ꓾ ꓠꓴ ꓐꓰ ꓕꓲ ꓡꓲ, ꓠꓴ ꓔꓯ ꓠꓬꓲ ꓙ ꓡꓳ. ꓙ ꓔꓬ ꓡꓳ꓿ ꓟꓬꓱꓽ ꓬꓰ ꓙ ꓔꓬ ꓡꓳ꓿ ꓕꓱ ꓟ ꓠꓬ ꓪꓴ‐ꓢ ꓥ ꓡꓳ꓾ ꓖꓳ ꓡꓱ ꓠꓬ ꓠꓴ ꓠꓬ ꓬꓲ ꓔꓯ ꓙꓵꓻ ꓕꓲ ꓖ꓾ ꓠꓲ, ꓠꓵꓻ ꓕꓲ ꓖ꓾ ꓠꓴ ꓠꓬ ꓙꓳ ꓢ ꓔꓬ ꓟ꓾ ꓜ ꓢ ꓔꓬ ꓟ꓾ ꓞꓳ ꓤ ꓒꓬꓱꓼ ꓡ ꓡꓳ꓾ ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓪꓴ‐ꓢ ꓐꓯ_ ꓟ ꓣꓳ ꓔꓯ ꓚꓰꓼ ꓔ ꓟ ꓠꓬ ꓠꓵꓻ ꓠꓲ, ꓑꓶ ꓓꓴ ꓥ ꓐꓯ_ ꓟ ꓔꓯ ꓙ ꓜꓲꓼ ꓢꓲ ꓠꓬꓲ ꓬꓲ ꓔꓯ ꓙꓵꓻ ꓡꓯ꓾ ꓬꓲ ꓔꓯ ꓠꓲ, ꓠꓵꓻ ꓡꓯ꓿
