ꓪꓴ-ꓢ ꓠꓬ ꓙꓲ_ ꓟ ꓐꓰ ꓟꓽ ꓙꓲ ꓟ ꓔꓯ ꓘꓶꓽ ꓗꓴꓸ ꓟ ꓠꓲꓹ ꓟ ꓕꓲꓽ ꓟ ꓬꓲ ꓡꓰ ꓖꓶ ꓔ ꓡꓳ꓾ ꓖꓳ ꓡꓱ ꓠꓬꓲ ꓞꓳ ꓤ ꓮ ꓙꓵ ꓠꓬ ꓮ ꓡꓰ ꓟ ꓙꓲ_ ꓡ꓾ ꓮ ꓡꓰ ꓟ ꓟꓽ ꓙꓲ_ ꓡ ꓐꓯ_ ꓟ ꓢꓷꓸ ꓗꓴꓸ_ ꓟ꓾ ꓠꓲꓹ ꓠꓵꓻ ꓗꓴꓸ_ ꓟ ꓕꓱ ꓡꓱ ꓠꓲꓹ ꓟ ꓕꓲꓽ ꓟ ꓒꓬꓱꓽ ꓟꓳ ꓡ ꓕꓯ ꓡꓰ ꓙꓳ_ ꓡꓳ꓾ ꓕꓱ ꓟ ꓔꓯ ꓠꓬ ꓚꓳꓠꓢꓚꓲꓰꓠꓚꓰ ꓐꓰ ꓐꓯ_ ꓡꓳ꓾ ꓙꓲ_ ꓟ ꓟꓽ ꓙꓲ_ ꓟ ꓔꓯ ꓘꓶꓽ ꓗꓴꓸ_ ꓟ ꓠꓲꓹ ꓟ ꓚꓱꓹ ꓥ ꓡꓳ=
ꓖꓳ ꓡꓱ ꓥ ꓟꓲ ꓠꓲꓹ ꓟ ꓕꓱ ꓟ ꓠꓬ ꓢꓷꓸ ꓗꓴꓸ_ ꓟ ꓢꓷꓸ ꓠꓲꓹ ꓖꓳ ꓕꓲ ꓟ ꓠꓬ ꓣꓳ ꓙꓳ ꓙꓳ ꓐꓰ ꓟꓸ ꓖꓶ ꓐꓬꓱ ꓖꓶ_ ꓟ ꓕꓳ ꓶ ꓵꓻ_ ꓟ ꓪꓴ-ꓢ ꓐꓯ ꓘꓶꓽ ꓗꓪ ꓐꓰ ꓢꓳꓻ ꓣꓴ_ ꓟ ꓟꓽ ꓙꓳ ꓠꓬ ꓟꓽ ꓟꓳꓸ ꓖꓶ ꓠꓬ ꓙꓲ_ ꓟ ꓔꓯ ꓥ ꓟꓲ ꓟꓽ ꓙꓲ ꓚꓬꓹ ꓗꓴꓸ꓾ ꓟꓽ ꓙꓲ ꓟ ꓔꓯ ꓥ ꓟꓲ ꓙꓲ_ ꓟ ꓚꓬꓹ ꓗꓴꓸ ꓫꓵ ꓙꓳ_ ꓡꓳ= ꓞꓲꓼ ꓣꓳꓸ ꓕꓲ ꓠꓬꓲ ꓡꓰ ꓪꓴ-ꓢ ꓐꓯ ꓘꓶꓽ ꓗꓪ ꓐꓰ ꓮ ꓡꓰ ꓟ ꓠꓬ ꓙꓲ_ ꓡ꓾ ꓮ ꓡꓰ ꓟ ꓠꓬ ꓟꓽ ꓙꓲ ꓡ꓾ ꓐꓯ_ ꓟ ꓮꓽ ꓐ ꓮ ꓟ ꓡꓰ ꓟꓸ ꓖꓶ ꓐꓱ ꓖꓶ_ ꓟ ꓪꓴꓽ ꓢꓴ ꓡꓰ ꓙ ꓖꓴ ꓟꓸ ꓖꓶ_ ꓟ ꓝꓮꓲ ꓪꓴ-ꓢ ꓐꓯ ꓘꓶꓽ ꓗꓪ ꓐꓰ ꓟꓸ ꓖꓶ_ ꓟ꓾ ꓔꓲꓺ ꓒꓽ ꓔꓲꓺ ꓟ ꓐꓴ ꓡꓰ ꓟꓸ ꓖꓶ_ ꓟ ꓟꓽ ꓙꓳ ꓙꓳ ꓐꓰ ꓬꓲ ꓚꓲ ꓛꓬ ꓪꓴ ꓡ ꓟ ꓤ ꓠꓱ ꓤ ꓞꓳ ꓤ ꓕꓲ ꓣꓳ ꓠꓬ ꓮ ꓡꓰ ꓥ ꓟꓲ ꓙꓲ_ ꓟ ꓟꓽ ꓙꓲ_ ꓟ ꓔꓯ ꓬꓲ ꓡꓳꓸ ꓟꓽ ꓗꓴꓸ ꓖꓳ ꓡꓱ ꓠꓬꓲ ꓬꓲ ꓠꓬ ꓙꓲ_ ꓟ ꓟꓽ ꓙꓲ ꓟ ꓔꓯ ꓥ ꓟꓲ ꓬꓲ ꓘꓶꓽ ꓟꓽ ꓐ ꓡ꓾ ꓣꓳ ꓠꓲꓹ ꓟ ꓖꓳ ꓟ ꓙꓲ_ ꓟ ꓟꓽ ꓙꓲ ꓟ ꓘꓶꓽ ꓗꓴꓸ ꓟ ꓠꓲꓹ ꓟ ꓖꓳ ꓟ ꓔꓯ ꓪꓴ ꓡ ꓟꓴ ꓡ ꓠꓹ ꓟ ꓐꓱ ꓶ ꓠꓬ ꓮ ꓙꓵ ꓢꓴ ꓶ ꓕꓲ ꓟ ꓙꓳ_ ꓡꓳ꓾ ꓢꓲ ꓫꓬ ꓕꓳ ꓶ ꓗꓪ ꓮ ꓡꓰ ꓐꓯ ꓔ ꓡ꓾ ꓐꓯ ꓠꓬ ꓠꓴ ꓠꓬ ꓙꓲ_ ꓟ ꓔꓯ ꓡꓰ ꓢꓲꓺ ꓟꓽ ꓙꓲ ꓟ ꓕꓽ ꓢꓲꓺ ꓐꓰ ꓐꓯ ꓔ ꓡꓳ꓾ ꓫꓵꓺ ꓙꓵꓽ ꓗ ꓐꓰ ꓐꓯ_ ꓟ ꓠꓬ ꓠꓴ ꓔꓯ ꓮ ꓡꓰ ꓬꓰ ꓖꓶ ꓠꓲꓹ ꓫꓵ_ ꓟ ꓠꓱꓸ ꓐꓯꓼ ꓢꓴ ꓔꓯ ꓥ ꓟꓲ ꓖꓳ ꓡꓱ ꓬꓰ ꓖꓶ ꓐꓯ_ ꓟ ꓠꓬ ꓢꓲ ꓒ ꓬꓰ-ꓢꓴ ꓬꓲ ꓐꓯ ꓘꓶꓽ ꓥ ꓡꓳ꓾ ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓢꓲ ꓫꓬ ꓕꓳ ꓶ ꓠꓬ ꓣꓳ ꓟꓬ ꓡꓴ ꓥ ꓡꓳ꓾ ꓢꓲ ꓫꓬ ꓕꓳ ꓶ ꓠꓯꓼ ꓗꓪ ꓣꓳ ꓮ ꓡꓰ ꓐꓰ ꓙꓻ ꓫꓱꓽ ꓠꓹ ꓟ꓾ ꓮ ꓡꓰ ꓟ ꓠꓬ ꓙꓲ ꓟ ꓟꓽ ꓙꓲ_ ꓟ ꓣꓳ ꓢꓷꓸ ꓡꓳ= ꓖꓳ ꓡꓱ ꓠꓬꓲ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓟꓲ ꓠꓯ ꓕꓱ ꓟ ꓡꓰ ꓟꓳꓸ ꓖꓶ ꓡ ꓟ ꓙꓲ_ ꓡ ꓟꓽ ꓙꓲ_ ꓡ ꓐꓯ_ ꓟ ꓔꓯ ꓢꓳꓺ ꓣꓴ ꓢꓲ ꓠꓬꓲ ꓣꓳ ꓠꓬ ꓞꓳ ꓙꓳ ꓟꓽ ꓐ ꓡ꓾ ꓮ ꓡꓰꓳ ꓐꓯ ꓠꓬ ꓣꓳ ꓠꓬ ꓪꓴ-ꓢ ꓔꓯ ꓙꓵꓻ ꓢꓴ ꓥ ꓡꓳ꓾ ꓙꓵꓻ ꓠꓲꓹ ꓔꓯ ꓟꓶ ꓢꓴ ꓥ ꓡꓳ꓾ꓖꓳ ꓡꓱ ꓠꓬꓲ ꓣꓳ ꓢꓷꓸ ꓗꓴꓸ ꓟ ꓠꓲꓹ ꓟ ꓙꓲ_ ꓟ ꓟꓽ ꓙꓲ_ ꓟ ꓔꓯ ꓘꓶꓽ ꓗꓴꓸ_ ꓟ ꓠꓲꓹ ꓟ ꓔꓯ ꓠꓬ ꓪꓴ-ꓢ ꓐꓯ ꓘꓶꓽ ꓠꓯꓼ ꓘꓴꓽ ꓗꓪ ꓐꓰ ꓡꓰ ꓣꓳ ꓠꓬ ꓢꓳꓺ ꓣꓴ ꓠꓹ ꓟ ꓣꓳꓸ ꓚꓵ_ ꓡꓳ= ꓮ ꓫꓵ ꓑꓶ ꓓꓴ ꓐꓯ ꓠꓬ ꓟꓲ ꓠꓯ ꓕꓱ ꓟ ꓗꓪ ꓠꓬ ꓝꓴꓲ ꓔꓯ ꓥ ꓟꓲ ꓙꓲ_ ꓫꓵ ꓟꓽ ꓙꓲ_ ꓟ ꓔꓯ ꓥ ꓟꓲ ꓬꓲ ꓪ ꓠꓬ ꓮ ꓡꓰ ꓡꓰ ꓟꓽ ꓖꓹ ꓐꓰ ꓬꓲ ꓪ ꓠꓬ ꓢꓳꓺ ꓣꓴ ꓔꓬ ꓫꓵ ꓕꓱ ꓡꓱ ꓐꓰ ꓙꓳ_ ꓡꓳ꓾ ꓫꓸ ꓔꓳ ꓖꓴ ꓗꓪ ꓫ ꓔꓳ ꓟꓽ ꓗꓴꓸ꓾ ꓕꓱ ꓡꓱ ꓫꓵ ꓦꓬꓼ ꓠꓬꓲ ꓔꓳꓹ ꓜꓳ ꓟ ꓘꓴꓽ ꓗꓪ ꓣꓳ ꓠꓲꓹ ꓟ ꓠꓬ ꓮ ꓡꓰ ꓗꓪ ꓡꓳꓸ ꓢꓲ ꓠꓬꓲ ꓙ ꓖꓴ ꓫꓱꓽ ꓐ ꓡ ꓡ꓾ꓮ ꓡꓰ ꓗꓪ ꓡꓳꓸ ꓢꓲ ꓠꓬꓲ ꓙ ꓫꓱꓽ ꓐ ꓡ ꓡ꓾ ꓐꓯ ꓠꓬ ꓪꓴ-ꓢ ꓐꓯ ꓘꓶꓽ ꓠꓯꓼ ꓘꓴꓽ ꓗꓪ ꓡꓰ ꓣꓳ ꓛꓳ ꓫꓱꓽ ꓓꓴ ꓥꓳ꓾
ꓣꓳ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓙꓲ_ ꓟ ꓟꓽ ꓙꓲ_ ꓟ ꓢꓷꓸ ꓗꓴꓸ ꓟ ꓠꓲꓹ ꓟ ꓔꓯ ꓣꓳ ꓠꓬ ꓮ ꓕꓯ ꓥ ꓟꓲ ꓪꓴ-ꓢ ꓑ ꓕꓲ ꓗꓪ ꓞꓳ ꓙꓳ ꓢꓲ ꓠꓬꓲ ꓪꓴ-ꓢ ꓐꓯ ꓘꓶꓽ ꓠꓯꓼ ꓘꓴꓽ ꓗꓪ ꓡꓰ ꓬꓲ ꓜ ꓜ ꓠꓹ ꓟ ꓣꓳꓸ ꓚꓵ_ ꓡꓳ= ꓟꓬ ꓢꓶꓽ ꓗꓪ ꓟꓳ ꓟ꓾ ꓑ ꓙ ꓟ ꓔꓯ ꓠꓲꓹ ꓟ ꓠꓯꓼ ꓗꓪ ꓗꓶꓸ ꓟ ꓟꓽ ꓥ ꓥ ꓐꓰ ꓣꓳ ꓪꓴ-ꓢ ꓐꓯ ꓘꓶꓽ ꓔꓯ ꓡꓰ ꓗꓶ ꓢꓲ ꓠꓬꓲ ꓕꓱ ꓡꓱ ꓞꓳ ꓙꓳ ꓥꓳ ꓐꓯ ꓠꓬ ꓠꓴ ꓚꓳꓠꓢꓚꓲꓰꓠꓚꓰ ꓐꓯ ꓐꓯ_ ꓟ ꓙꓲ_ ꓟ ꓐꓰ ꓟꓽ ꓙꓲ ꓟ ꓔꓯ ꓢꓷꓸ ꓗꓴꓸ_ ꓟ ꓬꓲ ꓫꓵꓸ ꓥ ꓠꓬ ꓬꓲ ꓢꓶꓽ ꓖꓳ ꓟ ꓠꓬ ꓪꓴ ꓡ ꓟꓴ ꓡ ꓢꓲ ꓠꓬꓲ ꓬꓲ ꓢꓶꓽ ꓓꓱꓼ_ ꓟ ꓪꓴ-ꓢ ꓟꓲ ꓙꓬ ꓞꓳ ꓤ ꓟꓲ ꓙꓬ ꓗꓪ ꓟꓬꓱ ꓓꓳ ꓙꓳ_ ꓟ꓾ ꓕꓲ ꓠꓬꓲ ꓙꓳ ꓠꓬ ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓟꓶꓸ_ ꓟ ꓚꓱꓹ ꓔꓯ ꓠꓴ ꓔꓯ ꓧꓳꓽ ꓔꓯ ꓙꓰ ꓐ ꓡ ꓥꓳ=
