ꓬꓲ ꓠꓬ ꓟꓸ ꓟꓲꓽ ꓚ ꓢꓲ꓾ ꓥꓪ ꓢꓶꓸ ꓟꓽ ꓞꓲ ꓪꓽ ꓠꓬꓲ ꓢꓴ ꓠꓬ ꓥꓪ ꓗꓸ ꓠꓯꓸ ꓢꓲ ꓗꓪ ꓡꓻˍ ꓥꓳ꓿ ꓥꓪ ꓠꓽ ꓖꓳ ꓓꓱ ꓗꓴꓺ ꓢꓲ ꓬꓲ ꓛꓲꓺ ꓠꓲꓺ ꓦꓲ ꓚ ꓒꓶꓻ ꓖꓶ ꓠꓹ ꓟˍ ꓟꓲ ꓟꓽ ꓒꓵ꓿ ꓥꓪ ꓠꓬ ꓠꓴ ꓪꓽ ꓔꓯ ꓬꓲꓻ ꓙꓬ ꓡꓰ ꓖꓳ ꓓꓱ ꓔꓲꓹ ꓖꓶ ꓗꓷꓳ꓿ ꓬꓲ ꓠꓽ ꓠꓴ ꓪꓽ ꓔꓯ ꓢꓲ-ꓫꓬ-ꓟ-ꓦ ꓡꓰ ꓔꓲꓹ ꓖꓶ ꓡ ꓥꓳ꓾ ꓐꓯˍ ꓡꓳ꓿

ꓖꓳ ꓕꓲ ꓝꓲꓸ ꓗꓪ ꓬꓰ-ꓢꓴ ꓠꓬ ꓖ-ꓡꓲ-ꓡꓲ ꓟꓵꓽ ꓠ-ꓢ-ꓡꓱ ꓗꓪ ꓐꓰ ꓡꓻ ꓢꓲ꓾ ꓬꓳ-ꓔ ꓬꓲꓽ ꓟ ꓗꓪ ꓬꓳ-ꓦ ꓡꓰ ꓬꓲ ꓔꓯ ꓖꓳ ꓓꓱ ꓔꓲꓹ ꓖꓶˍ ꓡꓳ꓿ ꓬꓲꓻ ꓙꓬ ꓗꓪ ꓐꓰ ꓬꓰ-ꓢꓴ ꓓꓳ ꓡ ꓟꓶꓽ ꓕꓯ ꓟꓴꓽ ꓗꓪ ꓒꓴ ꓡ ꓢꓲ꓾ ꓪꓴ-ꓢ ꓦ ꓠꓬ ꓮꓸ ꓖꓴꓽˍ ꓡꓰ ꓐꓰ ꓬꓲ ꓚꓲꓸ ꓛꓬ ꓕꓯꓽ ꓢꓲ ꓗꓪ ꓥꓳꓽ ꓡ ꓟ ꓔꓯ ꓬꓰ-ꓢꓴ ꓟꓳꓻˍ ꓡꓳ꓿ ꓖꓳ ꓕꓯ ꓟꓴꓽ ꓗꓪ ꓗꓪ ꓐꓰ ꓢꓯꓼ ꓕꓲ ꓟ ꓓꓳ ꓡ ꓢꓲ꓾ ꓠꓴ ꓠꓬ ꓥꓪ ꓠꓲꓹ ꓠꓵˍ ꓟ ꓮ ꓐꓲ ꓥ ꓡꓳ꓿ ꓠꓴ ꓔꓯ ꓥꓪ ꓮꓽ ꓘꓶꓸ ꓠꓲꓹ ꓒꓴˍ ꓡꓳ꓾ ꓐꓯˍ ꓡꓳ= (ꓟ‐ꓘꓳ 1ꓽ7‐11)

‐‐‐‐‐‐‐‐‐‐

ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ “ꓥꓪ ꓗ ꓠꓯ. ꓢꓲ ꓗꓪ ꓡ ꓢꓴ ꓠꓬ ꓥꓪ ꓢꓶ. ꓟꓽ ꓞꓲ ꓪꓽ ꓠꓬꓲ ꓢꓴ ꓥ ꓡꓳˍ” ꓐꓰ ꓬꓳ‐ꓦ ꓡꓰ ꓫꓬꓽ ꓫꓬꓽ ꓡꓰꓽ ꓐꓯ ꓟ. ꓖꓶ ꓔ ꓟ ꓬꓰ‐ꓢꓴ ꓙꓲ‐ꓢꓴ ꓠꓬ꓾ ꓬꓲ ꓠꓯ. ꓘꓪ ꓮ ꓟꓬ, ꓣꓳˍ ꓟ꓾ ꓬꓲ ꓐꓰ ꓮ ꓫꓵꓽˍ ꓟꓲ ꓔꓯꓺ ꓓꓴ ꓟꓽ ꓙꓳ ꓟ ꓬꓳ‐ꓦ ꓔꓬ ꓗꓪ ꓚꓳ. ꓬꓰ‐ꓢꓴ ꓖꓳ ꓓꓱꓽ ꓔꓲ, ꓗꓷ ꓟ ꓠꓬ ꓬꓳ‐ꓦ ꓬꓲ ꓬꓰ ꓙꓲꓽ ꓙꓳˍ ꓟ ꓟꓬꓱꓽ ꓔꓯ ꓢꓷ. ꓙ ꓟꓳ ꓙˍ ꓟ꓾ ꓒꓵꓽ ꓗ ꓬꓰˍ ꓟ ꓔꓯ ꓟꓳꓻ ꓪˍ ꓟ ꓥ ꓡꓳ꓿

ꓧꓳꓽ ꓣꓱꓽ ꓢꓴ ꓪꓴ. ꓓꓵ ꓣꓱꓽ ꓢꓴ ꓥˍ ꓟꓲ꓾ ꓗ ꓠꓮ. ꓢꓲꓲ ꓗꓪ ꓖꓼ ꓔꓬ ꓢꓴ ꓐꓴ ꓥˍ ꓟꓲ ꓕꓲ ꓣꓳ ꓬꓰ ꓔꓬ ꓟ ꓟꓬꓱꓽ ꓔꓯ ꓕꓲ ꓣꓳ ꓒꓵꓽ ꓗꓴ. ꓠ, ꓟ꓾ ꓢꓷ. ꓙ ꓟꓳ ꓙ ꓠ, ꓟ ꓥ ꓡꓳ꓿

ꓤꓶꓻ ꓗꓪ ꓙꓽ ꓣꓳˍ ꓟ ꓔꓯ ꓠꓲ, ꓠꓵ ꓢꓴ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓫꓱ. ꓡꓰˍ ꓥꓳ꓿ ꓢꓲ ꓒ ꓬꓰ‐ꓢꓴ ꓔꓯ ꓫꓱ. ꓢꓴ ꓠꓬ ꓐ, ꓐ ꓠꓲ, ꓠꓵˍ ꓟ ꓤ ꓠꓱ ꓐꓴ ꓒꓬꓱꓼ ꓡˍ ꓥꓳ꓿