ꓔꓱ, ꓟ ꓐꓯ ꓘꓶꓽ ꓔꓯ ꓐꓯ ꓠ, ꓟ ꓢꓻ ꓥ ꓟꓲ ꓛꓳ ꓠ, ꓟ ꓠꓬ ꓫ. ꓔ ꓡꓳ꓾ ꓬꓲ ꓠꓯ, ꓡꓳ꓾ ꓖꓳ ꓡꓱ ꓥ ꓟꓲ ꓔꓱ, ꓟ ꓔꓯ ꓠꓬ ꓮ ꓙꓵ ꓢꓴ ꓛꓳ ꓫꓱꓽ ꓠ, ꓟ ꓕꓲ ꓟ ꓥ ꓡꓳ꓿ ꓬꓰ‐ꓢꓴ ꓙꓲ‐ꓢꓴ ꓬꓲ ꓚꓲ ꓛꓬ ꓥ ꓟꓲ ꓔꓱ, ꓟ ꓥ ꓡꓳ꓾ ꓔꓱ, ꓟ ꓟꓽ ꓙꓳ ꓠꓬ ꓮ ꓫꓵ ꓥ ꓟꓲ ꓟꓶ ꓫꓵ ꓦꓰꓼ ꓞ, ꓟꓽ ꓐ ꓡ꓾ ꓮ ꓫꓵ ꓑꓶ ꓓꓴ ꓐꓯ ꓠꓬ ꓔꓱ, ꓟ ꓠꓬ ꓞꓳ ꓜꓴꓻ ꓘꓴꓽ ꓞꓳ ꓙꓳ ꓚꓱ, ꓗꓪ ꓥ ꓟꓲ ꓣꓱ ꓬꓯꓼ ꓟ ꓬꓲ ꓚꓰ ꓓꓽ ꓟ ꓥ ꓡꓳ꓾ ꓖꓳ ꓟ ꓑꓶ ꓓꓴ ꓢꓲ ꓫꓬ ꓢꓴ ꓬꓳ‐ꓦ ꓡꓰ ꓔꓱ, ꓟ ꓔꓯ ꓒꓳ, ꓔꓴ ꓢꓴ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓒꓳ, ꓔꓴ ꓢꓴ ꓥ ꓡꓳ꓾ ꓐꓰ ꓐꓯ ꓔ ꓟ ꓥ ꓡꓳ꓾ ꓢꓲ ꓒ ꓬꓰ‐ꓢꓴ ꓠꓬ ꓔꓱ, ꓟ ꓥ ꓟ ꓑꓶ ꓓꓴ ꓥ ꓡꓳ꓿
“ꓥꓪ ꓠꓬ ꓙ ꓖꓴ ꓐꓰ ꓔꓱ, ꓟ ꓐꓰ ꓢꓯꓼ ꓟꓬ ꓥ ꓡꓳ꓿” ꓐꓰ ꓬꓳ‐ꓦ ꓕꓳ ꓶ 14ꓽ6 ꓗꓪ ꓡꓳ. ꓟꓳ ꓪ ꓡꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓬꓲ ꓟꓬꓱ ꓗꓪ ꓐꓰ ꓢꓯ. ꓔꓬ ꓠ, ꓟ꓾ ꓛꓳ ꓫꓱꓽ ꓠ, ꓟ ꓘꓴ ꓔ ꓡꓳ꓿ ꓐꓯ ꓠꓬ ꓔꓱ, ꓟ ꓗꓪ ꓐꓰ ꓢꓯ. ꓔꓬ ꓛꓳ ꓫꓱꓽ ꓠ, ꓟ꓾ ꓔꓱ, ꓟ ꓠꓯꓼ ꓗꓪ ꓛꓳ ꓫꓱꓽ ꓠ, ꓟ ꓘꓴ ꓔ ꓟ ꓥꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓘꓴ ꓔ ꓟ ꓡꓰ ꓐꓰ ꓣꓳ ꓢꓯ. ꓔꓬ ꓟ ꓤꓶꓻ ꓗꓪ ꓛꓳ ꓫꓱ ꓔꓬ ꓡ ꓐꓰ ꓓꓵꓽ ꓙ ꓠ, ꓟ ꓥ ꓡꓳ꓾ ꓠꓬꓲ. ꓠꓬꓲ ꓗꓪ 2025 ꓘꓳꓼ ꓕꓲ ꓘꓳꓼ ꓡꓱꓼ ꓗꓪ ꓐꓰ ꓬꓲ. ꓟꓶꓽ ꓕꓲ ꓠꓬꓲ ꓟ ꓥ ꓡꓳ꓾ ꓣꓳ ꓗꓳ. ꓡꓳ, ꓬꓰ ꓟ ꓔꓯ ꓝꓮꓲ ꓫꓬ, ꓔꓱ, ꓟꓽ ꓐ ꓡ꓾ꓳ ꓖꓳ ꓡꓱ ꓥ ꓟꓲ ꓡꓳ, ꓬꓰ ꓟ ꓗꓪ ꓣꓳ ꓛꓬ ꓥꓳꓽ ꓡꓰ ꓟ ꓔꓯ ꓣꓳ ꓓꓵꓽ ꓙ ꓔꓱ, ꓕ ꓙ ꓜꓲꓼ ꓢꓲ ꓡ ꓠ, ꓟ ꓤꓶꓻ ꓦꓬꓼ ꓠꓬꓲ ꓗꓪ ꓔꓱ, ꓟ ꓠꓯꓼ ꓗꓪ ꓢꓯ. ꓔꓬ ꓛꓳ ꓫꓱꓽ ꓢꓴ ꓒꓬꓱꓼ ꓡꓰ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿
