ꓕꓲ ꓐꓱ ꓠꓬ ꓚꓲ ꓛꓬ ꓫꓵꓽ ꓒꓴꓽ ꓒ ꓚꓺ ꓟꓲꓽ ꓔꓯ ꓢꓷ. ꓠꓲ, ꓫꓵ ꓟ ꓑꓶ ꓓꓴ ꓙ ꓜꓲꓼ ꓡꓳ꓾ ꓠꓱ. ꓐꓯꓼ ꓫꓵꓽ ꓚꓺ ꓟꓲꓽ ꓔꓯ ꓥ ꓟꓲ ꓢꓷ. ꓠꓲ, ꓫꓵ_ ꓫꓵ ꓙꓳ_ ꓡꓳ꓾ ꓚꓲ ꓛꓬ ꓫꓵꓽ ꓚꓺ ꓟꓲꓽ ꓔꓯ ꓠꓬꓲ. ꓠ. ꓢꓲ ꓣꓳ ꓮ ꓑ ꓮ ꓬ ꓒꓵꓽ ꓒ ꓐꓴ ꓠꓬ ꓮ ꓗꓪ ꓐꓰ ꓡ ꓡ꓾ ꓮ ꓫꓵ ꓟꓬꓱꓽ ꓬꓰ_ ꓡ꓾ ꓟꓲ ꓠꓯ ꓞꓳ ꓙꓳ ꓚꓱ, ꓗꓪ ꓮ ꓡꓰ ꓕꓲ ꓔꓶ. ꓗꓪ ꓐꓰ ꓐ_ ꓡ꓾ ꓮ ꓫꓵ ꓢꓯꓼ ꓪ ꓙꓳ_ ꓡ꓾ ꓮ ꓫꓵ ꓢꓯꓼ ꓐ_ ꓡ꓾ ꓕꓱ ꓟ ꓔꓯ ꓙ ꓜꓲꓼ ꓡꓳ꓿ ꓕꓱ ꓡꓱ ꓬꓲ ꓚꓺ ꓟꓲꓽ ꓙꓲ ꓥ ꓟꓲ ꓟꓬꓱꓽ ꓓꓳ ꓧꓪ, ꓡꓳ꓿
ꓬꓰ‐ꓢꓴ ꓙꓲ‐ꓢꓴ ꓬꓲ ꓫꓵꓽ ꓒꓴꓽ ꓒ ꓚꓺ ꓟꓲꓽ ꓥ ꓟꓲ ꓮ‐ꓐ‐ꓡ‐ꓦ ꓗꓪ ꓐꓰ ꓙꓲ‐ꓢꓴ ꓗꓪ ꓛꓲ ꓞꓲ ꓡꓲ ꓤꓶꓻ ꓥ ꓡꓳ꓾ ꓬꓲ ꓟꓬꓱꓽ ꓮ ꓟꓬ, ꓫꓵ ꓬꓰ ꓢꓲ ꓢꓯ. ꓔꓬ ꓟ ꓥ ꓡꓳ꓾ ꓕꓱ ꓐꓱ ꓠꓬ ꓢꓲ ꓫꓬ ꓢꓴ ꓡꓰ ꓐꓰ ꓛꓳ ꓡꓳ꓾ ꓕꓲ ꓐꓱ ꓠꓬ ꓝꓴꓲ ꓓꓰ ꓟ ꓗꓪ ꓐꓰ ꓡꓰ ꓗ, ꓛꓲ ꓢꓲ ꓔꓬ ꓡꓳ꓾ ꓖꓳ ꓡꓱ ꓥ ꓟꓲ ꓬꓲ ꓪ ꓮ ꓙꓵ ꓠꓬ ꓪꓴ‐ꓢ ꓡꓰ ꓚꓬꓴ ꓙ ꓟ ꓟꓬꓱꓽ ꓗꓪ ꓐ ꓢꓴ ꓥ ꓡꓳ꓿ꓕꓱ ꓟ ꓔꓯ ꓠꓬꓲ. ꓠ. ꓠꓬ ꓪꓴ‐ꓢ ꓠꓵꓻ ꓠꓲ, ꓠꓬ ꓪꓴꓽ ꓓꓰ ꓡꓰ ꓟ ꓥꓳ꓿ ꓪꓴ‐ꓢ ꓠꓵꓻ ꓠꓲ, ꓠꓬ ꓟꓲ ꓠꓯ ꓡ ꓞꓳ ꓮ ꓙꓵ ꓐꓱ ꓶ ꓥ ꓡꓳ꓿ ꓙꓲ ꓢꓴ ꓟꓽ ꓙꓲ ꓢꓴ ꓔꓱ, ꓢꓴ ꓟꓽ ꓔꓱ, ꓢꓴ ꓮ ꓙꓵ ꓔꓯ ꓠꓲ, ꓠꓵꓻ ꓟ ꓪꓴ‐ꓢ ꓥ ꓡꓳ꓾ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿
