ꓞꓳ ꓤ ꓤꓶꓻ ꓐꓯ_ ꓟ ꓠꓬ ꓮ ꓫꓵ ꓥ ꓡ? ꓮ ꓗꓪ ꓐꓰ ꓡ_ ꓡ? ꓮ ꓗꓪ ꓙꓰ ꓔꓬ ꓡ? ꓮ ꓫꓵ ꓑꓶ ꓓꓴ ꓢꓯ. ꓔꓬ ꓡ? ꓕꓱ ꓕꓲ ꓠꓬꓲ ꓠꓽ ꓠꓬ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓞꓳ ꓤ ꓤꓶꓻ ꓐꓯ_ ꓟ ꓔꓯ ꓠ ꓠ, ꓓꓴ ꓬꓰ ꓡꓯ꓿ ꓣꓳ ꓟꓲ ꓠꓯ ꓞꓳ ꓤ ꓠꓬ ꓪꓴ‐ꓢ ꓦ ꓐꓬꓱ ꓗꓪ ꓐꓰ ꓚꓰꓼ ꓔ ꓟ ꓟꓶ_ ꓡꓳ꓾ ꓮ ꓙꓵ ꓠꓬ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓚꓰꓼ ꓔ ꓟ ꓟꓶ ꓢꓲ ꓠꓬꓲ ꓬꓲ ꓠꓯꓼ ꓗꓪ ꓫꓬ ꓓ ꓡꓳ꓿ ꓞꓳ ꓤ ꓠꓬ ꓪꓴ‐ꓢ ꓐꓯ ꓘꓶ ꓗꓪ ꓐꓰ ꓒꓬꓱꓼ ꓡ ꓡꓳ꓿ ꓬꓲ ꓔꓱ, ꓬꓲ ꓒꓬꓱꓼ ꓡ ꓫꓵ ꓟꓽ ꓙꓳ꓾ꓕꓱ ꓟ ꓠꓬ ꓥꓪ ꓠꓴ ꓙꓵꓻ ꓠꓲ, ꓥ ꓡꓳ꓾ ꓪꓴ‐ꓢ ꓠꓬ ꓬꓲ ꓒꓬꓱꓽ ꓔꓯ ꓫꓱ, ꓟ ꓚꓰꓼ ꓔ ꓟ ꓑꓶ ꓓꓴ ꓞꓳ ꓤ ꓮ ꓙꓵ ꓡꓱꓼ ꓠꓬ ꓪꓴ‐ꓢ ꓶꓻ ꓒꓬꓱꓽ ꓓ_ ꓡꓳ꓿ ꓖꓳ ꓡꓱ ꓠꓬꓲ ꓶꓻ ꓒꓬꓱ ꓕꓱ ꓟ ꓕꓲ ꓡꓲ, ꓐꓰ ꓦ ꓥ ꓟꓲ ꓙꓳ_ ꓡꓳ꓿ ꓦ ꓶ ꓒꓬꓱ ꓕꓱ ꓟ ꓠꓬ ꓕꓲ ꓞꓲꓼ ꓫꓵꓻ ꓟꓽ ꓓ꓾ ꓧꓪ ꓖꓳ ꓓꓱ ꓡꓳ. ꓬꓰ ꓥ ꓟꓲ ꓦ ꓖꓳ ꓟ ꓠꓬ ꓟꓽ ꓫꓵꓻ ꓪꓴ‐ꓢ ꓔꓬ ꓗꓪ ꓙꓰ_ ꓡꓳ꓿ ꓖꓳ ꓡꓱ ꓠꓬꓲ ꓞꓳ ꓤ ꓐꓰ ꓐꓯ_ ꓟ ꓠꓬ ꓪꓴ‐ꓢ ꓒꓬꓱ ꓔꓯ ꓫꓱ, ꓟ ꓚꓰꓼ ꓔ ꓢꓲ ꓠꓬꓲ ꓦ ꓕꓲ ꓟ ꓙꓳ_ ꓡꓳ꓾ ꓦ ꓐꓰ ꓖꓳ ꓓꓱ ꓠꓬ ꓠꓶꓼ ꓡꓯ ꓘꓳ ꓔꓬ ꓟ ꓙꓳ_ ꓡꓳ꓾ ꓖꓳ ꓡꓱ ꓠꓬꓲ ꓪꓴ‐ꓢ ꓠꓬ ꓞꓳ ꓤ ꓮ ꓙꓵ ꓟ ꓬꓲ ꓠꓲ, ꓟ ꓘꓴ ꓠꓯꓼ ꓗꓪ ꓬꓲ ꓔꓯ ꓢꓷ. ꓠ, ꓟ꓾ ꓬꓲ ꓔꓯ ꓠꓲ, ꓠꓵꓻ ꓠ, ꓟ ꓬꓲ ꓔꓯ ꓢꓲꓼ ꓠ, ꓟ ꓠꓲ, ꓟ ꓕꓲ ꓟ ꓖꓶ ꓔ ꓡꓳ꓾ ꓖꓳ ꓡꓱ ꓠꓬꓲ ꓞꓳ ꓤ ꓠꓬ ꓠꓲ, ꓟ ꓖꓳ ꓟ ꓗꓪ ꓐꓰ ꓮ ꓡꓰ ꓟ ꓙꓲ_ ꓥ꓾ꓟꓽ ꓙꓲ_ ꓟ ꓔꓯ ꓬꓲ ꓢꓷ. ꓡꓳ꓿ ꓮ ꓡꓲꓳ ꓐꓯ ꓠꓬ ꓖꓳ ꓟ ꓠꓬ ꓢꓲ‐ꓫꓬ‐ꓟ‐ꓦ ꓔꓬ ꓔꓶ. ꓥ ꓟ ꓑꓶ ꓓꓴ ꓙꓲ_ ꓟ ꓟꓽ ꓙꓲ_ ꓟ ꓔꓯ ꓬꓲ ꓢꓷ. ꓡꓳ꓿ ꓟꓽ ꓙꓲ_ ꓟ ꓬꓰ ꓗꓴ. ꓕꓯ ꓠꓲ, ꓟ ꓠꓯꓼ ꓘꓴ ꓗꓪ ꓘꓶ ꓡꓶ ꓗ ꓡ ꓡꓳ꓿ ꓙꓲ_ ꓟ ꓬꓰ ꓕꓯ ꓬꓲ ꓠꓲ, ꓟ ꓠꓯꓼ ꓗꓪ ꓗ, ꓛꓲ_ ꓡꓳ꓿
ꓖꓳ ꓡꓱ ꓠꓬꓲ ꓪꓴ‐ꓢ ꓠꓬ ꓟꓲ ꓠꓯ ꓞꓳ ꓤ ꓔꓯ ꓠꓲ, ꓠꓵꓻ ꓟ ꓑꓶ ꓓꓴ ꓬꓲ ꓠꓬ ꓟꓲ ꓠꓯ ꓞꓳ ꓤ ꓬꓰ_ ꓟ ꓮ ꓙꓵ ꓔꓯ ꓮ ꓫꓵ ꓗ ꓕ ꓟ ꓟꓽ ꓙꓳ꓾ꓞꓳ ꓤ ꓠꓬ ꓪꓴ‐ꓢ ꓠꓵꓻ ꓠꓲ, ꓔꓯ ꓶ ꓐꓬ, ꓗꓷ_ ꓡꓳ꓾ ꓮꓓꓯ ꓐꓰ ꓰꓦꓮ ꓠꓬ ꓪꓴ‐ꓢ ꓠꓵꓻ ꓠꓲ, ꓔꓯ ꓟꓽ ꓥ ꓗꓪ ꓣꓱꓽ ꓗꓷ ꓟ ꓑꓶ ꓓꓴ ꓞꓳ ꓤ ꓮ ꓙꓵ ꓠꓬ ꓠꓲꓽ ꓢ‐ꓓꓯ ꓛꓳ ꓞ, ꓟ ꓟꓶ ꓗꓷꓳ꓿ ꓖꓳ ꓡꓱ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓢꓲ ꓗꓪ ꓐꓰ ꓮ ꓙꓵ ꓔꓯ ꓚꓬꓴ ꓗꓷꓳ꓿ꓝꓮꓲ ꓕꓲ ꓧꓪ, ꓞꓳ ꓤ ꓮ ꓙꓵ ꓠꓬ ꓢꓲ ꓒ ꓬꓰ‐ꓢꓴ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓟꓶ ꓡꓰꓳ꓿ ꓞꓳ ꓤ ꓐꓯ_ ꓟ ꓠꓬ ꓪꓴ‐ꓢ ꓠꓯꓼ ꓗꓪ ꓐꓰ ꓡ ꓢꓲ ꓠꓬꓲ ꓪꓴ‐ꓢ ꓐꓱ ꓶ ꓢꓯ. ꓔꓬ ꓠ, ꓟ ꓐꓰ ꓪꓴ‐ꓢ ꓠꓯꓼ ꓘꓴ ꓗꓪ ꓛꓳ ꓞꓳ ꓠ, ꓟ ꓐꓰ ꓪꓴ‐ꓢ ꓔꓬ ꓗꓪ ꓙꓰ ꓠ, ꓟ ꓥ ꓡꓳ꓾
