ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓑꓮꓲ ꓦꓬꓼ ꓠꓬꓲ

ꓞꓳ ꓜꓴ ꓞꓳ ꓟꓯꓼ ꓠꓬ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓜꓲꓼ ꓡ ꓟ ꓥꓳ꓿ ꓢꓲ ꓒ ꓬꓰ‐ꓢꓴ ꓔꓯ ꓟꓳ ꓠ, ꓟ꓾ ꓬꓰ‐ꓢꓴ ꓠꓯꓼ ꓗꓪ ꓠꓻ ꓫꓬ, ꓟꓶ ꓠ, ꓟ ꓐꓱ ꓶ ꓬꓰ‐ꓢꓴ ꓐꓰ ꓕꓲ ꓪ ꓢꓽ ꓠꓬꓲ ꓡꓱꓼ ꓔꓬ ꓗꓷ ꓟ ꓥꓳ꓿ ꓖꓳ ꓟ ꓑꓶ ꓓꓴ ꓬꓲ ꓪ ꓠꓬ ꓪꓴ ꓧꓶ ꓡ ꓡꓳ꓾ ꓦꓰꓼ ꓟꓷꓼ ꓠꓬꓲ ꓢꓯꓼ ꓐ ꓡ ꓡꓳ꓾ ꓖꓳ ꓟ ꓑꓶ ꓓꓴ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓜꓴ ꓓꓽ ꓟ ꓔꓯ ꓫꓱ. ꓤ ꓔꓬ ꓟ ꓥꓳ꓿ ꓕꓱ ꓡꓱ “ꓫꓱ. ꓤ ꓠꓲ,” ꓐꓯ_ ꓟ ꓔꓯ ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓡꓰ ꓮ ꓕꓯ ꓟꓲ ꓣꓱꓽ ꓟ ꓥ ꓡꓳ꓾ ꓐꓳ ꓔ ꓡꓳ꓾ ꓬꓲ ꓚꓲ ꓛꓬ ꓥ ꓟꓲ ꓛꓳ_ ꓡꓳ꓿ꓬꓲ ꓟꓬꓱꓽ ꓬꓰ ꓛꓳ ꓒꓯ, ꓐꓴ ꓠꓯꓼ ꓗꓪ  ꓫꓱ. ꓤ ꓠꓲ, ꓙꓳ_ ꓡꓳ꓿ ꓬꓲ ꓚꓺ ꓟ. ꓖꓶ_ ꓟ ꓟ. ꓟꓲꓽ ꓔꓯ ꓘꓳ, ꓣꓴ ꓢꓴ ꓟꓽ ꓘꓳ, ꓣꓴ ꓢꓴ ꓐꓴ ꓮ ꓙꓵ ꓕꓯ ꓢꓲ ꓫꓱ. ꓤ ꓠꓲ, ꓙꓳ ꓗꓷ ꓟ ꓥꓳ꓿ ꓖꓳ ꓟ ꓑꓶ ꓓꓴ ꓬꓲ ꓢ‐ꓢꓲ‐ꓠ ꓬꓰ_ ꓟ ꓟꓬꓱꓽ ꓠꓬ ꓧꓪ. ꓡꓰ ꓟ ꓥꓳ꓿ ꓖꓳ ꓟ ꓡꓰ ꓐꓰ ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓠꓬ ꓞꓳ ꓤ (3000) ꓣꓳ ꓟꓽ ꓞꓲ ꓔꓯ ꓥ ꓟꓲ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓒꓳ, ꓡꓶ. ꓡ ꓝꓲ ꓟ ꓥꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓠꓵꓻ ꓠꓲ, ꓥ ꓢꓲ꓾ ꓠꓵꓻ ꓠꓲ, ꓟ. ꓖꓶ ꓗꓷ ꓟ ꓥꓳ꓿ ꓢꓲ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓥ ꓟꓲ ꓢꓲ ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓟ ꓡꓰ ꓐꓰ ꓢꓯ. ꓔꓬ ꓛꓳ ꓫꓱ_ ꓟ ꓒꓶ ꓓꓴ ꓬꓲ ꓢ‐ꓢꓲ‐ꓠ ꓟꓬꓱꓽ ꓠꓬ ꓢꓲ, ꓪꓰ ꓢꓶ. ꓢꓶꓽ ꓓꓱꓼ ꓢꓲ ꓧꓪ. ꓡꓰ ꓟ ꓥꓳ꓿