ꓓꓰꓖꓣꓰꓰꓢ ꓢ ꓫꓵꓽ ꓙꓳ_ ꓡꓳ꓾ ꓬꓲ ꓪꓴꓸ ꓕꓲꓽ ꓟ ꓟ ꓠꓬ ꓮꓽ ꓐ ꓮ ꓟ ꓐꓰ ꓮꓸ ꓗꓳ ꓠꓬꓲ ꓟ ꓠꓬꓲ ꓤ ꓕꓱ ꓡꓱ ꓫꓵ ꓔꓯ ꓐꓯ_ ꓡꓳ꓾ ꓕꓱ ꓟ ꓠꓬ ꓪꓴ-ꓢ ꓡꓰ ꓚꓰꓼ ꓔ ꓟ ꓔꓶꓻ ꓔ ꓟ ꓥ ꓟ ꓑꓶ ꓓꓴ ꓮ ꓡꓰ ꓥ ꓟꓲ ꓓꓵꓽ ꓙ ꓟꓽ ꓓ꓾ꓠꓬꓲ ꓤ ꓠꓬꓲ ꓟ ꓔꓯ ꓣꓴ ꓠꓹ ꓟ ꓓꓵ ꓡꓲ ꓓꓵꓽ ꓙ ꓡꓲ ꓟꓽ ꓚꓰꓼ ꓟ ꓥ ꓡꓳ꓾ ꓝꓮꓲ ꓠꓬꓲ ꓟ ꓕꓲ ꓟ ꓠꓬ꓾ ꓣꓳ ꓮꓸ ꓪꓳ ꓮꓸ ꓠꓬ ꓔꓯ ꓐꓯ_ ꓡꓳ꓾ ꓮꓽ ꓐ ꓬꓲ ꓠꓬꓲ ꓟ ꓟꓽ ꓥ ꓠꓬ ꓮꓽ ꓐ ꓬꓲ ꓮꓸ ꓗꓳ ꓔꓯ ꓠꓴ ꓣꓴ ꓟꓽ ꓓ꓾ ꓕꓱ ꓟ ꓡꓰ ꓐꓰ ꓣꓳ ꓮ ꓟ ꓬꓲ ꓠꓬꓲ ꓟ ꓬꓲ ꓮꓸ ꓗꓳ ꓔꓯ ꓥ ꓟꓲ ꓣꓴ ꓟꓽ ꓓ꓾ ꓡꓯꓽ ꓒꓯꓹ ꓝꓸ ꓟꓽ ꓓ꓾ ꓮ ꓡꓰ ꓥ ꓟꓲ ꓪꓴ-ꓢ ꓟꓲ ꓙꓬ ꓗꓪ ꓡꓯꓽ ꓒꓯꓹ ꓝꓸ ꓟꓽ ꓚꓰꓼ꓾ ꓟ ꓥ ꓡꓳ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓟꓸ ꓖꓶ ꓔ ꓡꓳ= ꓢꓽ ꓟ ꓕꓲ ꓟ ꓟ ꓠꓬ꓾ ꓣꓳ ꓐꓰ ꓠꓶꓽ ꓥ ꓟꓲ ꓠꓶꓽ ꓡꓳ ꓖꓳ ꓡꓱ ꓥ ꓟꓲ ꓮ ꓘꓶꓸ ꓟꓽ ꓠꓶꓽ_ ꓟ꓾ꓔꓯ ꓥꓳꓽ ꓐꓯ ꓠꓬ ꓣꓳ ꓮ ꓟ ꓬꓲ ꓠꓬꓲ ꓟ ꓬꓲ ꓮꓸ ꓗꓳ ꓗꓪ ꓐꓰ ꓦꓵꓻ ꓡ ꓟ꓾ ꓤ ꓫꓵꓸ ꓤ ꓠꓱ ꓣꓳ ꓢꓸ ꓤ꓾ ꓣꓳ ꓮꓽ ꓐ ꓮꓸ ꓗꓳ ꓥ ꓠꓬ ꓬꓲ ꓠꓬꓲ ꓟ ꓗꓪ ꓐꓰ ꓦꓵꓻ ꓡ ꓟ ꓤ ꓫꓵꓸ ꓤ ꓠꓱ ꓐꓰ ꓣꓴ ꓡꓯ ꓘꓳ ꓥꓳ ꓐꓯ ꓠꓬ ꓔꓲꓺ ꓒ ꓓꓽ ꓟ ꓔꓬ ꓗꓪ ꓙꓰ ꓢꓲ ꓠꓬꓲ ꓓꓲꓢꓑꓰꓠꓢꓮꓔꓲꓳꓠ ꓐꓯ_ ꓟ ꓓꓰ ꓠ ꓔ ꓡꓳ=ꓮ ꓡꓲꓳ ꓐꓮ ꓠꓬ ꓣꓳ ꓫꓵ ꓠꓶꓽ_ ꓟ ꓑꓶ ꓓꓴ ꓣꓴ ꓟꓽ ꓚꓰꓼ ꓟ ꓥ ꓟ ꓑꓶ ꓓꓴ ꓪꓴ-ꓢ ꓟꓲ ꓙꓬ ꓗꓪ ꓙꓵꓽ ꓪ ꓕꓲ ꓟ ꓣꓴ ꓠ ꓔ ꓟ ꓥ ꓡꓳ꓾ ꓕꓲ ꓚꓱꓹ ꓐꓯ ꓠꓬ ꓣꓳ ꓘꓶ ꓫꓵꓼ ꓣꓴ ꓐꓯ ꓟ ꓠꓬ ꓙꓲ_ ꓡꓳ꓾ ꓖꓳ ꓡꓱ ꓥ ꓟꓲ ꓣꓳ ꓣꓴ ꓟꓽ ꓓ ꓟ ꓓꓰꓖꓣꓰꓰ ꓢ ꓫꓵꓽ ꓙꓳ_ ꓡꓳ꓾ ꓐꓰ ꓐꓯ_ ꓟ ꓚꓱꓹ ꓔꓯ ꓐꓯ ꓟꓳꓸ ꓖꓶ ꓗꓷ ꓟ ꓥ ꓡꓳ=
