ꓢꓲ ꓒ ꓬꓰ-ꓢꓴ ꓠꓯꓸꓼ ꓗꓪ ꓮ ꓙꓵꓽ ꓢꓴ ꓔꓯ ꓧꓪꓸ ꓧꓪꓸꓼ꓾ ꓠꓬꓲꓸ ꓠꓬꓲ ꓠꓬ ꓢꓲ ꓒ ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓔꓯ ꓡꓳꓸ ꓟꓳˍ ꓕꓯ ꓬꓲ ꓮ ꓘꓶꓸ ꓟꓬ ꓐꓲ ꓞꓰ ꓠꓬꓲ ꓥꓴˍ ꓡꓳ ꓐꓰ ꓐꓯˍ ꓟ ꓟꓸ ꓟꓲꓽ ꓝꓲꓸ ꓔꓯ ꓣꓳ ꓠ ꓡꓳꓸ ꓓꓴ ꓥꓳ= ꓠꓬꓲꓸ ꓠꓬꓲ ꓟ ꓟꓸ ꓟꓲꓽ ꓝꓲꓸ ꓠꓬ ꓡꓴ ꓘ ꓕꓳꓽ ꓶ 19ꓽ41-44 ꓗꓪ ꓥ ꓡꓳ= ꓟꓸ ꓟꓲꓽ ꓝꓲꓸ ꓗꓪ ꓠꓬ ꓢꓲ ꓒ ꓬꓰ-ꓢꓴ ꓠꓬ ꓙꓱ-ꓣꓴ-ꓢ- ꓡꓱ ꓡꓳ ꓒꓱ ꓗꓪ ꓛꓲ ꓡˍ ꓐꓰ ꓓꓹ ꓕꓯ ꓡꓳ ꓒꓱ ꓔꓯ ꓟꓳꓻ ꓗꓷˍ ꓠꓬ ꓡꓳ ꓒꓱ ꓐꓱ ꓶ ꓮ ꓘꓶꓸ ꓥꓴꓻ ꓢꓲ ꓕꓱ ꓡꓱ ꓐꓯˍ ꓡꓳ= ꓠꓬꓲꓸ ꓠꓬꓲ ꓥˍ ꓟꓲ ꓠꓴ ꓔꓯ ꓢꓲ ꓡꓲ ꓡꓰ ꓝꓲ ꓠꓹ ꓟ ꓔꓯ ꓠꓴ ꓢꓷꓸˍ ꓕꓯ ꓠꓽ ꓙꓲˍ ꓡꓳ ꓫꓵꓽ ꓥꓳ= ꓮ ꓟꓶ ꓠꓽ ꓠꓴ ꓟꓬ ꓢꓶꓽ ꓔꓯˍ ꓐꓰ ꓚꓵꓸ ꓔ ꓟ ꓥ ꓡꓳ=
ꓠꓲꓹ ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲꓸ ꓠꓬꓲ ꓠꓬ ꓢꓲ ꓒ ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓔꓯ ꓬꓲ ꓟꓳꓻ ꓡꓰˍ ꓕꓯ ꓠꓬ ꓙꓱ-ꓣꓴ-ꓢ-ꓡꓱ ꓡꓳ ꓒꓱ ꓐꓱ ꓶ ꓥꓴˍ ꓡꓳ= ꓕꓰ ꓡꓰ ꓥꓴꓻ ꓢꓲˍ ꓟꓲ ꓕꓰ ꓡꓰ ꓐꓯˍ ꓡꓳ= ꓢꓲ ꓡꓲ ꓟ ꓖꓶ ꓢꓴ ꓔꓯ ꓠꓴ ꓪ ꓢꓷꓸˍ ꓠꓬ ꓮ ꓘꓶꓸ ꓙꓲˍ ꓡꓳ ꓫꓵꓽ ꓥꓳ= ꓮ ꓟꓶ ꓕꓯ ꓠꓽ ꓠꓴ ꓪ ꓠꓽ ꓬꓲ ꓔꓯ ꓟꓽ ꓟꓳꓻ= ꓟꓬ ꓢꓶꓽˍ ꓟꓲ ꓚꓵꓸ ꓔ ꓡꓳ꓾ ꓐꓰ ꓐꓯ ꓢꓲ ꓥꓴꓻˍ ꓟ ꓥ ꓡꓳ=
