ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓢ. ꓠꓯ ꓠꓬ All Souls Day ꓐꓰ ꓐꓯˍ ꓟ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶˍ ꓟ ꓠꓬꓲ ꓕꓲ ꓠꓬꓲ ꓦ ꓡꓳ꓿ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓘꓴꓽ ꓠꓯꓸꓼ ꓗꓪ (11) ꓦ ꓟ 2 ꓠꓬꓲ ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶˍ ꓟ ꓑꓮꓲꓽ ꓕꓲ ꓟ ꓬꓰ ꓔ ꓡꓳ꓿ ꓖꓳ ꓡꓱ ꓠꓬꓲ ꓮ ꓫꓵꓽ ꓑꓶ. ꓓꓴ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶˍ ꓡ ꓐꓰ ꓣꓳ ꓡꓳ. ꓠꓬꓲˍ ꓕꓯ ꓣꓳ ꓘꓴ ꓜꓲꓼ ꓞꓳ ꓗꓪ ꓐꓰ ꓮ ꓠꓱ ꓟ ꓦꓬꓼ ꓠꓬꓲ ꓗꓪ ꓐꓰ ꓮ ꓟꓶ ꓗꓪ ꓛꓲ ꓬꓰ ꓗꓳ. ꓡˍ ꓡꓳ꓿ ꓝꓮꓲ ꓢꓲꓽ ꓫꓬ ꓕꓳꓽ ꓶ ꓥ ꓟ 2 ꓟ‐ꓘ‐ꓐꓲ ꓕꓳꓽ ꓶ ꓗꓪ 12ꓽ46 ꓗꓪ ꓕꓯ ꓡꓱ ꓐꓳ ꓔ ꓡꓳ꓿ “ꓬꓴ‐ꓓ ꓠꓬ ꓬꓲ ꓬꓲꓼ ꓤ ꓠꓬꓲ ꓤ ꓐꓴ ꓐꓱ ꓶ ꓦ ꓚꓬꓴ. ꓟꓶ ꓠ, ꓟ ꓐꓱ ꓶ ꓬꓲ ꓠꓬ ꓙꓲˍ ꓟ ꓬꓰ ꓖꓶˍ ꓡꓳ꓾ ꓪꓽ ꓘꓴ ꓖꓶˍ ꓡꓳ꓾ ꓐꓰ ꓐꓳ ꓔ ꓡꓳ꓿

ꓖꓳ ꓡꓱ ꓠꓬꓲ ꓣꓳ ꓘꓴ ꓜꓲꓼ ꓞꓳ ꓠꓯꓸꓼ ꓘꓴꓽ ꓗꓪ ꓠꓬ ꓟ‐ꓘ‐ꓐꓲ ꓟ. ꓟꓲꓽ ꓖꓳ ꓟ ꓔꓯ ꓠꓬ ꓣꓳ ꓢꓲꓽ ꓫꓬ ꓕꓳꓽ ꓶ ꓠꓯꓸꓼ ꓘꓴꓽ ꓗꓪ ꓣꓱꓽ ꓔꓬ ꓟ ꓥ ꓡꓳ꓿ ꓖꓳ ꓟ ꓡꓰꓽ ꓟꓽ ꓞꓲ ꓟ‐ꓕꓲ 12ꓽ32 ꓗꓪ ꓥˍ ꓟꓲ ꓢꓲ ꓒ ꓬꓰ‐ꓢꓴ ꓬꓲ ꓚꓲ. ꓛꓬ ꓡꓰ ꓮꓽ ꓟ ꓥˍ ꓟꓲ ꓥꓪ ꓔꓯ ꓛꓬ ꓗꓷ ꓢꓴ꓾ ꓥꓪ ꓔꓯ ꓐꓯ ꓗ. ꓢꓴ ꓠꓬ ꓖꓽ ꓖꓶ ꓟꓶˍ ꓥꓳ꓿ ꓖꓳ ꓡꓱ ꓐꓯˍ ꓥ ꓟꓲ ꓢꓲ‐ꓫꓬ‐ꓟ‐ꓦ ꓔꓯ ꓛꓬ ꓗꓷ ꓢꓴ ꓠꓬ ꓮ ꓟꓶ ꓕꓲ ꓤꓶꓻ ꓗꓪˍ ꓡꓰꓽ ꓟꓽ ꓞꓲ ꓡ ꓠ, ꓟ ꓕꓲ ꓤꓶꓻ ꓗꓪ ꓥˍ ꓟꓲ ꓖꓽ ꓖꓶ ꓟꓶ ꓟꓽ ꓓꓻ ꓐꓰ ꓐꓯ ꓔ ꓡꓳ꓿ ꓬꓲ ꓡꓰ ꓐꓯ ꓔ ꓟ ꓠꓬ ꓮ ꓟꓶ ꓕꓱ ꓕꓲ ꓤꓶꓻ ꓗꓪˍ ꓡꓰꓽ ꓟꓽ ꓞꓲ ꓢ. ꓖꓶ ꓕꓲ ꓤꓶꓻ ꓗꓪ ꓛꓲˍ ꓟꓲ ꓖꓽ ꓖꓶ ꓟꓽ ꓟꓶ ꓐꓰ ꓐꓯ ꓔ ꓡꓳ꓿

ꓕꓱ ꓟˍ ꓡꓰꓽ ꓟꓽ ꓞꓲ ꓢꓲ ꓒ ꓬꓰ‐ꓢꓴ ꓠꓬ ꓔꓱ, ꓔꓱ, ꓡꓰꓽ ꓟꓽ ꓐꓯ ꓥˍ ꓟꓲ ꓚꓳ ꓢꓲ ꓠꓬꓲ ꓐꓯ ꓔ ꓫꓵꓽ ꓮ ꓟꓬ, ꓙꓳˍ ꓡꓳ꓿