ꓡꓴ‐ꓘ 12ꓽ13‐21
“ꓠꓲ, ꓦꓯ._ ꓟ ꓮ ꓙꓵꓽ ꓔꓯ ꓧꓪ. ꓛꓲ ꓐꓰ ꓤ ꓟꓳ꓿ ꓮ ꓡꓲꓳ ꓐꓯ ꓠꓬ ꓞꓳ ꓤ ꓠꓽ ꓬꓲ ꓖꓴꓽ ꓙꓴꓽ ꓮꓽ ꓟꓬ, ꓙꓳ_ ꓟ ꓗꓪ ꓐꓰ ꓢꓯ. ꓔꓬ ꓟꓶ_ ꓟ ꓟꓽ ꓥ꓾” ꓐꓰ ꓠꓬꓲ. ꓠꓬꓲ ꓟ ꓢꓲ ꓫꓬ ꓕꓳ ꓶ ꓗꓪ ꓢꓲ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ ꓥ ꓡꓳ꓿
ꓞꓳ ꓤ ꓦ ꓠꓬ ꓕꓲ ꓞꓲꓼ ꓕꓲ ꓑ ꓥ ꓟ ꓑꓶ ꓓꓴ ꓐꓬ ꓡꓰ ꓗꓴ._ ꓟ ꓕꓲ ꓑ, ꓞ ꓡꓰ ꓥ ꓟ ꓒꓴ ꓫꓵ ꓖꓴ ꓙꓴ ꓠꓲ, ꓫꓬ, ꓠꓯꓼ ꓗꓪ ꓟꓽ ꓓꓯ, ꓟ ꓥ ꓡꓳ꓿ ꓕꓶ ꓞ, ꓟ ꓕꓲ ꓞꓲꓼ ꓕꓲ ꓑ ꓥ ꓟ ꓑꓶ ꓓꓴ ꓕꓲ ꓞꓲꓼ ꓕꓲ ꓑ ꓥ ꓟ ꓗꓪ ꓐꓰ ꓡꓰ ꓓꓯ, ꓟ ꓥꓳ꓿ ꓖꓳ ꓟ ꓑꓶ ꓓꓴ ꓕꓲ ꓞꓲꓼ ꓕꓲ ꓑ ꓥ ꓟ ꓔꓯ ꓡꓰ ꓣꓳ ꓠꓬ ꓧꓪ ꓜꓲꓼ ꓠ ꓔ ꓡꓳ꓿ ꓬꓲ ꓙꓵ, ꓙꓳ ꓕꓯ ꓡ ꓠ, ꓟ ꓤꓶꓻ ꓐꓱ ꓶ ꓣꓳ ꓠꓯꓼ ꓗꓪ ꓐ ꓡꓰ ꓗꓴ._ ꓟ꓾ ꓔꓯ, ꓙꓲ_ ꓟ ꓔꓯ ꓡꓰ ꓧꓪ ꓜꓲꓼ ꓠ ꓔ ꓡꓳ꓿
ꓮ ꓟꓶ ꓤꓶꓻ ꓐꓱ ꓶ ꓡꓰ ꓓꓵ ꓙ ꓢꓲ ꓠꓬꓲ ꓕꓲ ꓑ, ꓞ ꓗ, ꓛꓲ ꓓꓴ ꓐꓱ ꓶ ꓡꓰ ꓧꓪ ꓜꓲꓼ ꓔ ꓢꓴ ꓔꓯ ꓢꓲ ꓒ ꓬꓰ‐ꓢꓴ ꓡꓰ “ꓞꓳ ꓙꓲꓽ” ꓐꓰ ꓠꓬꓲ ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓐꓯ ꓔ ꓟ ꓡꓳ. ꓟꓳ ꓪ ꓡꓳ꓿ ꓖꓳ ꓟ ꓑꓶ ꓓꓴ ꓪꓴ‐ꓢ ꓟꓲ ꓙꓬ ꓗꓪ ꓐꓲ ꓜꓲꓼ ꓠ꓾ ꓦ ꓕꓲ ꓒꓳ, ꓚꓬꓴ ꓙ ꓟꓶ ꓠ, ꓟ ꓣꓳ ꓠꓬ ꓮ ꓫꓵ ꓔꓯ ꓧꓪ ꓜꓲꓼ ꓓꓳ ꓡꓰ ꓡ꓾ ꓐꓰ ꓓꓵꓽ ꓙ ꓔꓱ, ꓕ ꓠ, ꓟ ꓥ ꓡꓳ꓾
ꓖꓳ ꓟ ꓡꓰ ꓐꓰ ꓢꓲ ꓫꓬ ꓢꓴ ꓓꓳꓠ ꓐꓳꓢꓚꓳ ꓠꓬ ꓬꓲ ꓤꓶꓻ ꓠꓯꓼ ꓗꓪ “ꓦ ꓕꓲ ꓒꓳ, ꓠꓬ ꓬꓲ. ꓪꓴ. ꓥ ꓢꓲ ꓞꓰ ꓞ, ꓟ ꓮ ꓙꓵ ꓠꓬ ꓗ. ꓠꓯ. ꓢꓲ ꓥ ꓡꓳ꓾” ꓐꓰ ꓐꓯ ꓢꓲ ꓚꓲ ꓛꓬ ꓐꓱ ꓶ ꓡꓰ ꓟꓽ ꓥ꓾ ꓞꓳ ꓡꓯ. ꓤ ꓐꓴ ꓦ ꓚꓬꓴ ꓙ ꓟꓶ ꓠ, ꓟ ꓐꓱ ꓶ ꓥ ꓟꓲ ꓮ ꓘꓶ. ꓢꓯꓼ ꓕꓵꓼ ꓢꓴ ꓥ ꓡꓳ꓾ ꓥ ꓡꓳ꓾ ꓚꓲ ꓛꓬ ꓐꓱ ꓶ ꓡꓰ ꓟꓽ ꓥ꓾ ꓙꓻ ꓡꓯ ꓘꓳ_ ꓟ꓾ ꓫꓱ. ꓤ ꓟ꓾ ꓪꓴ‐ꓢ ꓠꓯꓼ ꓗꓪ ꓙꓵꓻ ꓠꓲ, ꓕꓶ ꓞ, ꓟ ꓠꓬ ꓚꓵ ꓚꓵ ꓢꓯꓼ ꓟꓬ ꓥ ꓡꓳ꓿ ꓦ ꓕꓲ ꓒꓳ, ꓐꓱ ꓶ ꓐꓳ ꓞ, ꓟ ꓠꓬ ꓒꓴ ꓫꓵ ꓖꓴꓽ ꓙꓴ ꓠꓲ, ꓫꓬ, ꓟꓽ ꓥ꓾ ꓕꓱ ꓟ ꓔꓯ ꓓꓵꓽ ꓙ ꓢꓲ ꓣꓳ ꓢꓯ. ꓔꓬ ꓟ ꓤꓶꓻ ꓗꓪ ꓦ ꓐꓱ ꓶ ꓮ ꓫꓵ ꓙ ꓖꓶ ꓓꓳ ꓡꓰ ꓡ꓾? ꓐꓰ ꓓꓵꓽ ꓙ ꓔꓱ, ꓕ ꓓꓴ ꓬꓰ ꓡꓯ ꓐꓰ ꓠꓬꓲ. ꓠꓬꓲ. ꓟ ꓢꓲ ꓫꓬ ꓕꓳ ꓶ ꓗꓪ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿
