ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓒ‐ꓡꓲ‐ꓢꓷ ꓐꓴ ꓐꓰ ꓙꓵꓽ ꓗ ꓟ. ꓒꓽ ꓐꓴ ꓔꓯ ꓕꓼ_ ꓟ ꓚꓱ, ꓥ ꓡꓳ꓿ ꓬꓲ ꓪ ꓠꓬ ꓔꓱ, ꓜꓳ_ ꓟ ꓐꓰ ꓠꓵꓻ ꓠꓲ, ꓔꓯ ꓟꓳ. ꓠꓱ. ꓐꓯꓼ ꓞꓰ ꓞ, ꓟ ꓮ ꓙꓵ ꓔꓯ ꓛꓳ ꓟ ꓥ ꓡꓳ꓿ ꓬꓲ ꓪ ꓠꓬ ꓙꓵꓽ ꓗ ꓗꓪ ꓐꓰ ꓡꓰ ꓪꓽ ꓘꓴ_ ꓟ꓾ ꓢꓴ ꓔꓯ ꓬꓰ ꓙ_ ꓟ ꓢꓴ ꓡꓰ ꓟꓳ ꓡꓰ ꓠ ꓬꓰ_ ꓟ ꓥ ꓡꓳ꓾ ꓬꓲ ꓪ ꓠꓬ ꓠꓵꓻ ꓠꓲ,꓾ ꓫꓱ. ꓤ ꓠꓲ,꓾ ꓔꓱ, ꓜꓳ_ ꓟ ꓔꓯ ꓟꓽ ꓛꓳ꓾ ꓬꓲ ꓪ ꓠꓬ ꓮ ꓟꓴ ꓕꓲ ꓕ ꓔꓯ ꓡꓰ ꓐꓲ ꓜꓲꓼ ꓠ ꓬꓰ ꓢꓲ꓾ ꓠꓲ, ꓟ ꓘꓴꓽ ꓗꓪ ꓠꓬ ꓐꓲ ꓜꓲꓼ ꓠ ꓟꓽ ꓬꓰ ꓟ ꓥ ꓡꓳ꓿
ꓕꓱ ꓟ ꓠꓬ ꓣꓳ ꓔꓯ ꓥ ꓟꓲ ꓢꓷ. ꓡꓰ ꓓꓴ ꓕꓲ ꓟ ꓖꓶ_ ꓡꓳ꓾ ꓕꓲꓽ ꓧꓪ, ꓧꓪ, ꓣꓳ ꓥ ꓟꓲ ꓪꓽ ꓘꓴ ꓦꓲꓻ ꓙꓰ_ ꓟ꓾ ꓪꓽ ꓘꓴ_ ꓟ꓾ ꓬꓰ ꓙ_ ꓟ꓾ ꓐꓰ ꓣꓳ ꓙꓵꓻ ꓠꓲ, ꓔꓯ ꓟ. ꓖꓶ ꓔ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓕꓱ ꓟ ꓗꓪ ꓣꓳ ꓠꓲ, ꓟ ꓘꓴꓽ ꓗꓪ ꓐꓰ ꓟꓽ ꓥ ꓠꓬ ꓪꓴ‐ꓢ ꓐꓰ ꓠꓶꓽ ꓞ, ꓟ ꓟꓽ ꓥ꓾ ꓪꓴ‐ꓢ ꓠꓬ ꓙꓵꓽ ꓗ ꓔꓯ ꓟꓽ ꓠꓬꓲ. ꓠ.꓾ ꓠꓲ, ꓟ ꓔꓯ ꓠꓬꓲ. ꓠ. ꓔ ꓡꓳ꓿ ꓠꓲ, ꓟ ꓘꓴꓽ ꓗꓪ ꓠꓵꓻ ꓠꓲ, ꓫꓱ. ꓤ ꓠꓲ, ꓔꓱ, ꓟ ꓟꓽ ꓙꓳ ꓠꓬ ꓙꓵꓻ ꓠꓲ, ꓠꓬ ꓢꓯꓼ ꓟꓬ ꓟꓽ ꓙꓳ ꓟ ꓡꓰ ꓗꓷ ꓡꓰ ꓟ ꓥꓳ꓿
ꓡꓴꓗꓰ 11ꓽ46 ꓗꓪ ꓙꓵꓽ ꓗ ꓟ. ꓒꓽ ꓐꓴ ꓠꓴ ꓪ ꓠ ꓫ. ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓢꓴ ꓔꓯ ꓫ. ꓟ ꓶꓻ ꓟꓯꓻ ꓝꓲ ꓢꓲ ꓠꓴ ꓪ ꓚꓲ ꓛꓬ ꓠꓽ ꓶꓻ ꓟꓯꓻ ꓙ ꓠ, ꓟ ꓡꓯꓼ ꓠꓬꓲ ꓕꓲ ꓠꓬꓲ_ ꓟꓲ ꓡꓵ ꓠꓲ, ꓟꓽ ꓫꓵ꓿ ꓐꓰ ꓢꓲ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ ꓥ ꓡꓳ꓿ ꓕꓱ ꓟ ꓠꓬ ꓣꓳ ꓔꓯ ꓥ ꓟꓲ ꓓꓵꓽ ꓙ ꓢꓷ. ꓡꓰ ꓓꓴ ꓕꓲꓽ ꓟ ꓥ ꓡꓳ꓿ ꓕꓲ ꓧꓪ, ꓧꓪ, ꓣꓳ ꓥ ꓟꓲ ꓠꓱ. ꓐꓯꓼ ꓢꓴ ꓔꓯ ꓟ. ꓖꓶ ꓔ ꓥ ꓟꓲ ꓚꓲ ꓛꓬ ꓠꓬ ꓚꓵ ꓚꓵ ꓛꓳ ꓫꓱꓽ ꓐ ꓡ ꓫꓵ ꓟꓲ ꓟꓽ ꓙꓳ ꓫꓵ ꓙꓳ_ ꓡꓳ꓿ ꓖꓳ ꓟ ꓑꓶ ꓓꓴ ꓙꓵꓽ ꓗ ꓔꓯ ꓢꓷ. ꓟ ꓡꓰ ꓪꓽ ꓘꓴ_ ꓟ ꓡꓰ ꓪꓽ ꓘꓴ ꓦꓲꓻ ꓙꓰ_ ꓟ ꓡꓰ ꓠꓬ ꓟꓽ ꓐꓲ ꓜꓲꓼ꓾ ꓪꓴ‐ꓢ ꓠꓯꓼ ꓗꓪ ꓣꓳ ꓠꓲ, ꓟ ꓘꓴ ꓗꓪ ꓐꓰ ꓛꓳ ꓫꓱꓽ ꓠ ꓔ ꓡꓳ꓿ ꓖꓳ ꓟ ꓑꓶ ꓓꓴ ꓙꓵꓻ ꓠꓲ, ꓠꓬ ꓙꓵꓽ ꓗ ꓐꓰ ꓕꓲ ꓪ ꓢꓲ ꓢꓲ ꓫꓬ ꓫꓬ ꓐꓰ ꓠꓵꓻ ꓠꓲ, ꓐꓰ ꓔꓱ, ꓜꓳ_ ꓟ ꓐꓰ ꓣꓳ ꓤꓶꓻ ꓘꓴ ꓗꓪ ꓢꓯ. ꓔꓬ ꓝꓲ ꓢꓲ꓾ ꓢꓲ ꓒ ꓬꓰ‐ꓢꓴ ꓡꓰ ꓐꓰ ꓫꓱ. ꓤ ꓠꓲ,꓾ ꓠꓵꓻ ꓠꓲ, ꓔꓱ, ꓟ ꓠꓲ꓾ ꓠꓲ, ꓟ ꓔꓯ ꓢꓲ ꓫꓬ_ ꓟ ꓗꓪ ꓐꓰ ꓡꓰ ꓪꓴ‐ꓢ ꓐꓰ ꓠꓶꓽ ꓞ, ꓟ ꓗꓪ ꓔꓬ ꓐ ꓡ ꓟ ꓙꓵꓻ ꓠꓲ, ꓥ ꓡꓳ꓾
