ꓠꓬꓲ. ꓠꓬꓲ ꓗꓪ ꓣꓳꓽ ꓢꓯꓼ ꓪ ꓣꓴ ꓠ ꓔˍ ꓟ ꓢꓲꓽ ꓫꓬ ꓕꓳꓽ ꓶ ꓠꓬ (ꓡꓴ‐ꓘ꓿10ꓽ38‐42) ꓥ ꓡꓳ꓿ “ꓟ‐ꓡꓲ ꓠꓬ ꓟꓬꓽ ꓠꓬꓲ ꓙꓲˍ ꓟ ꓖꓳ ꓕꓲ ꓐꓱꓻ ꓔꓯ ꓢꓲ ꓣꓴ ꓗꓷ ꓠꓬꓲ꓾ ꓬꓲ ꓔꓯˍ ꓐꓰ ꓣꓴ ꓔꓯ, ꓙꓰ ꓟꓽ ꓓ”꓾ ꓐꓰ ꓬꓰ‐ꓢꓴ ꓡꓰ ꓟ‐ꓕ ꓔꓯ ꓐꓯ ꓖꓶˍ ꓡꓳ꓿ ꓐꓯ ꓘꓶ ꓕꓱ ꓟ ꓔꓯ ꓡꓳ. ꓠꓬꓲˍ ꓕꓯ ꓬꓰ‐ꓢꓴ ꓠꓬ ꓮ ꓫꓵꓽ ꓔꓯ ꓐꓯ ꓟꓳ. ꓖꓶ ꓡ ꓠꓲ, ꓫꓵˍ ꓡ ꓐꓰ ꓐꓯˍ ꓠꓬ꓾ ꓮ ꓡꓲ ꓫꓵꓽ ꓗꓪ ꓥˍ ꓟꓲ ꓬꓲ ꓙꓵ, ꓬꓲ꓾ ꓬꓲ ꓝꓲ. ꓬꓲ ꓙꓳˍ ꓡꓳ ꓐꓯˍ ꓟ ꓔꓯ ꓐꓯ ꓠꓲ, ꓫꓵˍ ꓟ ꓥ ꓡꓳ꓿ ꓠꓴ ꓪ ꓦꓲꓻ ꓗꓪ ꓥꓪ ꓔꓬ ꓕꓯ ꓥꓪ ꓐꓯ ꓘꓶꓽ ꓥꓪ ꓶꓼ ꓓꓳꓽ ꓫꓱ, ꓓꓳꓽ ꓚˍ ꓟ ꓔꓯ ꓠ ꓠ, ꓟ ꓬꓲ ꓙꓵ,꓾ ꓕꓱ ꓟ ꓔꓯ ꓟ‐ꓡꓲ ꓠꓬ ꓬꓰ ꓔꓬ ꓡꓳ꓾ ꓐꓰ ꓐꓯˍ ꓟ ꓥ ꓡꓳ꓿
ꓟꓬꓱꓽ ꓬꓰ ꓚꓰꓽ ꓔꓬ ꓟ ꓙꓵ, ꓟꓬꓱꓽ ꓮ ꓘꓶ. ꓟꓬꓽ ꓔꓬ ꓟ ꓕꓲ ꓛꓱꓽ ꓗꓪ ꓥˍ ꓟꓲ ꓪꓴ‐ꓢ ꓙꓳ ꓔꓬ ꓟ ꓔꓯ ꓚꓬ, ꓪ ꓠ, ꓟ꓾ ꓪꓴ‐ꓢ ꓔꓯ ꓓꓵꓽ ꓙꓽ ꓟꓶ ꓠ, ꓟ ꓐꓯ ꓖꓶ ꓡ ꓔꓬ ꓡꓳ꓿
ꓣꓳ ꓟꓲ ꓠꓯ ꓕꓱ ꓟ ꓗꓪ ꓞꓳ ꓙꓳ ꓔꓬ ꓟ ꓙꓵ, ꓗꓪ ꓣꓳ ꓞꓳ ꓙꓳ ꓓꓴ ꓐꓱ ꓶ ꓟꓬꓱꓽ ꓬꓰ ꓢꓯꓼ ꓕꓵꓼˍ ꓟ ꓡꓰ ꓐꓰ ꓣꓳ ꓦꓻ ꓕꓲ ꓒꓳ, ꓐꓱ ꓶ ꓥˍ ꓟꓲ ꓢꓯꓼ ꓕꓵꓼ ꓠ ꓔˍ ꓟ ꓥ ꓡꓳ꓿
ꓬꓰ‐ꓢꓴ ꓬꓲ ꓟ, ꓟ ꓟ‐ꓡꓲ ꓡꓰ ꓐꓰ “ꓥꓪ ꓶꓼ ꓟꓬ ꓠꓬ ꓢꓲ ꓒ ꓔꓯ ꓫꓱ. ꓖꓶ ꓔꓬ ꓡꓳ” ꓐꓰ ꓐꓯˍ ꓟ ꓢꓯꓼ ꓠꓬ ꓣꓳ ꓦ ꓕꓲ ꓒꓳ, ꓗꓪ ꓬꓳ. ꓚꓰꓽˍ ꓟ ꓕꓲ ꓙꓰꓽ ꓥ ꓡꓳ꓿ ꓟꓲ ꓠꓯ ꓗꓪ ꓣꓳ ꓞꓳ ꓙꓳ ꓢꓯ. ꓔꓬ ꓟ ꓙꓵ, ꓗꓪ ꓟꓴ ꓗꓪ ꓗꓴꓷꓼ ꓡꓯꓼ ꓫꓴ ꓔꓯ ꓮ ꓕꓯ ꓟꓲ ꓥꓳ ꓡꓳ. ꓗꓴ. ꓠ, ꓟ꓾ ꓟꓲ ꓠꓯ ꓗꓪ ꓧꓪꓽ ꓖꓳ ꓓꓱꓽ ꓢꓯ. ꓔꓬ ꓥˍ ꓟꓲ ꓠꓲ, ꓟ ꓠꓬ ꓪꓴ‐ꓢ ꓔꓯ ꓫꓱ. ꓖꓶ ꓗꓴ. ꓠ, ꓟ꓾ ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳ ꓔꓯ ꓟ. ꓖꓶ ꓡ ꓔꓬ ꓟ ꓥ ꓡꓳ꓿
