sꓢꓮꓚꓣꓮꓟꓰꓠꓔ ꓕꓱ ꓟ ꓔꓯ ꓠꓬ ꓢꓮꓚꓣꓮꓟꓰꓠꓔ ꓳꓝ ꓚꓳꓠꓝꓰꓢꓢꓲꓳꓠ ꓥ ꓟꓲ ꓘꓴ_ ꓡꓳ= ꓮ ꓫꓵ ꓑꓶ ꓓꓴ ꓐꓯ ꓠꓬ ꓢꓲ ꓒ ꓬꓰ-ꓢꓴ ꓬꓲ ꓗꓸ ꓠꓯꓸ ꓖꓼ ꓢꓴ ꓬꓲ ꓔꓯ ꓙꓵꓻ ꓢꓴ ꓔꓯ ꓠꓲꓹ ꓟ ꓒꓳꓹ ꓡꓲꓼ ꓡ ꓠꓹ ꓟ ꓐꓱ ꓶ ꓠꓲꓹ ꓟ ꓡꓶꓸ ꓠꓹ ꓟ ꓐꓱ ꓶ ꓘꓴ_ ꓕꓯ ꓠꓲꓹ ꓟ ꓡꓶꓸ ꓢꓴ ꓛꓲ ꓡ ꓟ ꓚꓱꓹ ꓔꓯ ꓓꓵꓽ ꓙ ꓟꓶ ꓢꓲ ꓠꓬꓲ ꓣꓳ ꓥ ꓟꓲ ꓠꓲꓹ ꓟ ꓡꓶꓸ ꓢꓲ ꓠꓬꓲ ꓢꓲ ꓒꓽ ꓔꓯ ꓙꓵꓻ ꓟ ꓚꓱꓹ ꓥ ꓟ ꓑꓶ ꓓꓴ ꓕꓱ ꓟ ꓠꓬ ꓢꓮꓚꓣꓮꓟꓰꓠꓔ ꓳꓝ ꓚꓳꓠꓝꓰꓢꓢꓲꓳꓠ ꓐꓰ ꓐꓯ ꓔ ꓡꓳ= ꓝꓮꓲ ꓕꓲ ꓫꓵ ꓟ ꓠꓬ ꓢꓮꓚꓣꓮꓟꓰꓠꓔ ꓳꓝ ꓑꓰꓠꓮꓠꓚꓰ ꓕꓱ ꓟ ꓠꓬ ꓣꓳ ꓬꓰ ꓛꓬ ꓗꓷ ꓟ ꓬꓰ ꓥꓳ ꓗꓷ ꓟ ꓔꓯ ꓛꓬ ꓖꓳꓼ ꓟ ꓑꓶ ꓓꓴ ꓠꓲꓹ ꓟ ꓡꓶꓸ ꓟ ꓑꓶ ꓓꓴ ꓥ ꓡꓳ= ꓢꓮꓚꓣꓮꓟꓰꓠꓔ ꓳꓝ ꓝꓳꓣꓖꓲꓦꓰꓠꓰꓢꓢ ꓥ ꓟꓲ ꓘꓴ_ ꓡꓳ=ꓝꓴꓲ ꓖꓽ ꓖꓶ ꓟꓶ_ ꓟ ꓑꓶ ꓓꓴ ꓥ ꓡꓳ=ꓪꓴ-ꓢ ꓚꓱꓹ ꓪꓴ-ꓢ ꓠꓵꓻ ꓠꓲꓹ ꓢꓲ ꓒ ꓬꓰ-ꓢꓴ ꓗꓪ ꓐꓰ ꓝꓴꓲ ꓖꓽ ꓖꓶ ꓖꓶ_ ꓟ ꓕꓲ ꓟ ꓥ ꓡꓳ= ꓪꓴ-ꓢ ꓐꓰ ꓝꓮꓲ ꓕꓲ ꓧꓪꓹ ꓙꓻ ꓡꓯ ꓘꓳ ꓟꓶ_ ꓟ ꓪꓴ-ꓢ ꓐꓰ ꓝꓮꓲ ꓠꓶꓽ ꓡꓯ ꓘꓳ ꓟꓶ_ ꓟ ꓣꓳ ꓬꓰ ꓛꓬ ꓬꓰ ꓥꓳꓽ ꓗꓸ ꓠꓯꓸ ꓪꓴ-ꓢ ꓠꓬ ꓝꓴꓲ ꓖꓽ ꓖꓶ ꓗꓷ ꓗꓸ ꓠꓯꓸ ꓠꓬ ꓪꓴ-ꓢ ꓐꓰ ꓣꓳ ꓝꓮꓲ ꓕꓲ ꓧꓪꓹ ꓠꓶꓽ ꓡꓰ_ ꓟ ꓥ ꓡꓳ=
ꓮ ꓫꓵ ꓑꓶ ꓓꓴ ꓣꓳ ꓖꓳ ꓓꓱ ꓔꓲꓹ ꓕꓯ ꓝꓴꓲ ꓮ ꓙꓵ ꓔꓯ ꓢꓲ ꓫꓬ ꓗꓷ ꓥ ꓟꓲ ꓮ ꓫꓵ ꓑꓶ ꓓꓴ ꓝꓴꓲ ꓣꓷꓠꓸ ꓠ ꓔ ꓡ? ꓥ ꓡꓳ꓾ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓙꓲ ꓫꓬ ꓢꓴ ꓬꓳ-ꓦ ꓕꓳ ꓶ ꓐꓳ ꓔ ꓟ ꓟꓲ ꓙꓳ ꓡꓳ= ꓣꓳ ꓠꓬ ꓝꓴꓲ ꓟꓽ ꓙꓳ ꓐꓰ ꓐꓯ ꓥꓳ ꓐꓯ ꓠꓬ꓾ ꓚꓲ ꓛꓬ ꓗꓶꓸ ꓔꓬ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ= ꓮꓽ ꓟ ꓥ ꓟꓲ ꓝꓴꓲ ꓙꓳ ꓫꓵ ꓡꓰ ꓥ ꓡꓳ= ꓝꓮꓲ ꓢꓲ ꓒ ꓬꓰ-ꓢꓴ ꓥ ꓟꓲ ꓣꓳ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓖꓽ ꓖꓶ ꓡꓯ ꓘꓳ ꓐꓰ ꓐꓯ ꓔ ꓡꓳ= ꓕꓱ ꓟ ꓡꓰ ꓟꓽ ꓝꓲ ꓢꓲ ꓒ ꓡꓰ ꓟꓸ ꓔ ꓟ ꓪꓽ ꓘꓴ ꓓꓴ ꓗꓪ ꓢꓲ ꓒ ꓬꓰ-ꓢꓴ ꓠꓬ ꓥꓪ ꓠꓴ ꓝꓴꓲ ꓔꓯ ꓟꓲ ꓖꓽ ꓖꓶ ꓡꓯ꓾ ꓐꓰ ꓐꓯ ꓔ ꓡꓳ= ꓖꓳ ꓡꓱ ꓠꓬꓲ ꓣꓳ ꓠꓬ ꓖꓳ ꓓꓱ ꓔꓲꓹ ꓗꓷ ꓢꓲ ꓒ ꓬꓰ-ꓢꓴ ꓬꓲ ꓫꓵ ꓗꓪ ꓐꓰ ꓣꓳ ꓮ ꓙꓵ ꓢꓲ ꓫꓬ ꓗꓷ ꓡꓰ ꓥ ꓟꓲ ꓣꓳ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓙꓳ_ ꓟ ꓝꓴꓲ ꓬꓰ ꓠꓲꓹ ꓫꓵ_ ꓟ ꓕꓱ ꓟ ꓔꓯ ꓠꓬ ꓬꓰ ꓟꓽ ꓒꓬꓹ ꓗꓷ꓾ ꓖꓳ ꓡꓱ ꓠꓬꓲ ꓣꓳ ꓠꓬ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓞꓳ ꓙꓳ ꓟ ꓗꓪ ꓝꓴꓲ ꓬꓰ ꓔꓬ ꓡꓳ= ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓴ ꓬꓰ ꓛꓬ ꓗꓷ ꓟ ꓝꓴꓲ ꓬꓰ ꓥꓳꓽ ꓗꓷ ꓟ ꓝꓴꓲ ꓔꓯ ꓓꓵꓽ ꓙ ꓒꓳꓹ ꓡꓲꓼ ꓢꓲ ꓠꓬꓲ ꓢꓲ ꓒꓽ ꓔꓬ ꓗꓪ ꓙꓰ꓾ ꓬꓲ ꓠꓬ ꓮ ꓕꓯ ꓟꓲ ꓣꓳ ꓔꓯ ꓡꓳꓸ ꓔꓬ ꓡꓳ ꓐꓯ_ ꓟ ꓢꓷꓸ ꓢꓲ ꓠꓬꓲ ꓮ ꓡꓰ ꓫꓵ ꓝꓴꓲ ꓙꓳ ꓥ ꓟꓲ ꓙ ꓣꓳ ꓟ ꓡꓰ ꓐꓰ ꓪꓴ-ꓢ ꓟꓲ ꓙꓬ ꓗꓪ ꓙꓰ ꓬꓲ ꓔꓯ ꓣꓳ ꓔꓯ ꓖꓽ ꓖꓽ ꓠꓹ ꓟ ꓮ ꓕꓯ ꓟꓲ ꓘꓳꓹ ꓣꓴ ꓔꓬ ꓡꓳ=
