ꓡ ꓞꓳ ꓕꓲꓽ ꓣꓳ ꓒꓬꓱꓼ ꓡ ꓠꓬ ꓓꓵꓽ ꓙ ꓞꓷꓹ ꓓꓴ ꓐꓰ ꓫꓬꓹ ꓔꓶ ꓠ ꓹ ꓟ ꓥ ꓡꓳ꓾ ꓕꓱ ꓡꓱ ꓓꓵꓽ ꓙ ꓞꓷꓹ ꓓꓴ ꓠꓬ ꓣꓳ ꓮ ꓡꓰ ꓫꓵ ꓡ ꓞꓳ ꓥ ꓡ ꓐꓯ ꓟ ꓔꓯ ꓟꓸ ꓖꓶ_ ꓡꓳ= ꓔꓱꓹ ꓜꓳ ꓟ ꓓꓵꓽ ꓙ ꓞꓷꓹ ꓓꓴ ꓗꓪ ꓐꓰ ꓙꓲ_ ꓟ ꓡ ꓞꓳ ꓕꓲ ꓣꓳ ꓒꓬꓱꓼ ꓡ ꓟ ꓡꓰ ꓐꓰ ꓓꓵꓽ ꓙ ꓞꓷꓹ ꓓꓴ ꓥꓳꓽ ꓡꓰ ꓟ ꓗꓪ ꓐꓰ ꓥ ꓟꓲ ꓟꓽ ꓙꓲ_ ꓟ ꓡ ꓞꓳ ꓕꓲꓽ ꓣꓳ ꓒꓬꓱꓼ ꓡꓰ ꓗꓴꓸ_ ꓡꓳ= ꓙꓲ_ ꓟ ꓓꓵꓽ ꓙ ꓞꓷꓹ ꓓꓴ ꓞꓷꓹ ꓐ ꓡ ꓠꓹ ꓟ ꓑꓶꓸ_ ꓟ ꓠꓲꓹ ꓟ ꓣꓱ ꓬꓯꓼ_ ꓡꓳ=
ꓟꓲ ꓠꓯ ꓗꓪ ꓦꓶ_ ꓟ ꓔꓯ ꓔꓳꓹ ꓠꓹ ꓟ ꓘꓳꓹ ꓣꓴ ꓟꓽ ꓐ ꓡ ꓠꓬ ꓟꓲ ꓠꓯ ꓗꓪ ꓐꓰ ꓓꓳꓻ ꓙꓰ꓾ ꓕꓱ ꓟ ꓔꓯ ꓘꓳꓹ ꓣꓴ ꓕꓯ ꓢꓲ ꓑꓶꓸ ꓔ ꓟ ꓥ ꓡꓳ꓾ ꓑꓶꓸ ꓔ ꓢꓴ ꓠꓬ ꓔꓳꓹ ꓢꓯꓼ ꓔꓯ ꓘꓳꓹ ꓣꓴ ꓢꓴ꓾ ꓟꓽ ꓑꓶꓸ ꓢꓴ ꓠꓬ ꓟꓲ ꓠꓯ ꓗꓪ ꓬꓲ ꓔꓶꓸ ꓟꓽ ꓙꓳ꓾ ꓕꓱ ꓡꓱ ꓦꓶ_ ꓟ ꓔꓯ ꓔꓳꓹ ꓓꓴ ꓢꓯꓼ ꓟꓽ ꓙꓳ ꓟꓽ ꓘꓳꓹ ꓣꓴ ꓠꓬ ꓕꓱ ꓟꓲ ꓠꓯ ꓗꓪ ꓞꓳ ꓤ ꓕꓽ ꓬꓰ ꓐꓰ ꓐꓯ ꓘꓶꓽ ꓙꓳ_ ꓟ ꓥ ꓡꓳ=
ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓛꓳ_ ꓟ ꓥ ꓟꓲ ꓦꓶ_ ꓟ ꓔꓯ ꓘꓳꓹ ꓣꓴ ꓢꓲ꓾ ꓑꓶꓸ ꓑꓶꓸ ꓡꓰ ꓟꓲ ꓠꓯ ꓗꓪ ꓔꓳꓹ ꓜꓳ ꓡ ꓟ ꓔꓯ ꓘꓳꓹ ꓣꓴ_ ꓟ ꓥ ꓡꓳ= ꓑꓶꓸ ꓟ ꓠꓬ ꓪꓴ-ꓢ ꓔꓯ ꓠꓵꓻ ꓠꓲꓹ ꓐꓰ ꓬꓲ ꓫꓱꓸ ꓤ ꓠꓵꓻ ꓠꓲꓹ ꓔꓯ ꓐꓲ ꓞꓹ ꓢꓲ ꓙꓵꓻ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓢꓲ ꓒ ꓬꓰ-ꓢꓴ ꓔꓯ ꓛꓳ_ ꓟ ꓠꓬ ꓢ_ ꓫꓵ ꓟꓽ ꓥ꓾ ꓖꓳ ꓟ ꓑꓶ ꓓꓴ ꓦ ꓟꓲ ꓟꓽ ꓓꓴ ꓢꓲꓹ ꓖꓳꓼ ꓣꓴ ꓔ ꓢꓲ ꓔꓲꓸ ꓒꓳꓹ ꓡꓳꓸ ꓢꓴ ꓟꓽ ꓬꓰ ꓠꓹ ꓟ ꓐꓰ ꓣꓳ ꓬꓰ ꓔꓬ ꓟ ꓕꓲ ꓫꓵꓽ ꓣꓳ ꓥꓳ ꓡꓳꓸ ꓔꓬ ꓟ ꓠꓬ ꓕꓲꓽ ꓫꓵ ꓕꓱ ꓡꓱ ꓟꓽ ꓗꓷ ꓡꓰ ꓠꓹ ꓟ ꓣꓱ ꓬꓯꓼ_ ꓡꓳ꓾
