ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓠꓯ, ꓗꓪ ꓐꓰ (24) ꓫꓵꓽ ꓠꓽ ꓟ ꓢꓲꓺ ꓒ ꓦꓬꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓬꓳ‐ꓦ ꓕꓳ ꓶ 4ꓽ13‐17 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓥ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓪ ꓔꓬ ꓢꓲ  ꓟꓴ ꓗꓪ ꓗꓪ ꓐꓰ ꓬꓯꓼ ꓡ ꓢꓴ ꓡ ꓞꓳ ꓮ‐ꓐꓲ ꓟꓽ ꓥ ꓠꓬ ꓟꓴ ꓗꓪ ꓕꓯ ꓢꓲ ꓗꓪ ꓮ ꓟˍ ꓟꓲ ꓟꓽ ꓓꓯ ꓙꓰ ꓠꓬꓲ꓿ ꓬꓲ ꓔꓯ ꓙꓵꓻ ꓢꓴ ꓮꓽ ꓟ ꓟꓲ꓾ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓟꓶꓠ, ꓟ ꓡ ꓛꓲ ꓟꓵꓽ ꓛꓱ, ꓗꓪ ꓟꓳ‐ꓫꓲ ꓡꓰ ꓩꓴ ꓔꓯ ꓔꓳ, ꓔꓴ ꓗꓷ ꓟ ꓡ ꓰ ꓐꓰ ꓡ‐ꓞꓳ‐ꓮ‐ꓐꓲ ꓔꓯ ꓟꓲ ꓔꓳ, ꓔꓴ ꓗꓷ ꓠ ꓗ, ꓥꓳ꓿ ꓐꓰ ꓐꓯ ꓔꓯ ꓟ ꓥ ꓡꓳ꓿

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓛꓲ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓢꓲꓽ ꓫꓬ ꓟ ꓡꓯꓼ ꓐꓳ ꓔꓶ. ꓓꓴ ꓑꓮꓲꓽ ꓔꓯ ꓬꓰ ꓔꓬ ꓟ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓣꓳ ꓡꓳ. ꓟꓳ ꓓꓽ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓚꓵ ꓚꓵ ꓪꓴ‐ꓢ ꓥ ꓟ ꓐꓰ ꓬꓲ ꓔꓯ ꓡꓯꓼ ꓐꓳ ꓔꓶ. ꓓꓴ ꓗꓪ ꓕꓯꓼ ꓔꓶ. ꓗꓷ ꓡ ꓟ ꓚꓱ, ꓔꓯ ꓐꓯ ꓟ ꓥ ꓡꓳ꓿

ꓡꓯꓼ ꓐꓳ ꓔꓶ. ꓓꓴ ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓧꓪ. ꓡꓰ ꓟ ꓚꓵˍ ꓟꓶ ꓓꓴ ꓓꓽ ꓟ ꓥ ꓡꓳ꓿ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓐ, ꓐ ꓤ ꓔꓲ ꓢ‐ꓫꓬ‐ꓟ‐ꓦ ꓢꓽ ꓣꓳ ꓕꓲ ꓖꓳ ꓓꓱꓽ ꓪꓴ‐ꓢ ꓔꓯ ꓚꓵ. ꓚꓵ ꓦꓻ ꓡꓱ ꓔꓬ ꓟ ꓚꓱ, ꓔꓯ ꓡꓯꓼ ꓐꓳ ꓔꓶ. ꓓꓴ ꓐꓬꓱ ꓬꓰ ꓢꓲ ꓠꓬꓲ ꓘꓳ, ꓣꓴ ꓔꓬ ꓟ ꓥ ꓡꓳ꓿

ꓣꓳ ꓚꓬꓴ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓝꓴꓲ ꓐꓱ ꓶ ꓡꓯꓼ ꓐꓳ ꓔꓶ. ꓓꓴ ꓗꓪ ꓣꓳ ꓐꓱ ꓶ ꓕꓯꓼ ꓔꓶ. ꓗꓷ ꓢꓲ ꓠꓬꓲ ꓫꓵꓻ ꓗꓷ ꓟ ꓥ ꓡꓳ꓿ ꓡꓯꓼ ꓐꓳ ꓔꓶ. ꓓꓴ ꓠꓬ ꓟꓽ ꓙꓲ ꓟ ꓬꓲ ꓐꓬꓱ ꓟꓽ ꓥ ꓝꓮꓲ ꓫ. ꓔꓳ ꓓꓴ ꓬꓲ ꓐꓬꓱ ꓟꓽ ꓥ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓧꓪ. ꓡꓰ ꓓꓴ ꓐꓰ ꓚꓬꓴ ꓙ ꓖꓶ ꓟ ꓢꓷ. ꓡ ꓓꓴ ꓕꓲ ꓫꓵꓽ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓡꓯꓼ ꓐꓳ ꓔꓶ. ꓓꓴ ꓔꓯ ꓞꓳ ꓒꓵꓽ ꓠ, ꓟ ꓐꓰ ꓣꓳ ꓚꓵ. ꓟ ꓔꓯ ꓟ. ꓖꓶ ꓡ ꓟ ꓥ ꓡꓳ꓿

ꓢꓲꓽ ꓫꓬ ꓢꓴ ꓡꓰꓳ ꓔꓧꓰ ꓖꓣꓰꓮꓔ ꓡꓰ ꓮ ꓡꓰ ꓫ. ꓕꓱ ꓔ ꓥ ꓐꓯ ꓠꓬ ꓡꓯꓼ ꓐꓳ ꓔꓶ. ꓓꓴ ꓮ ꓙꓵꓽ ꓠꓬ ꓣꓱ ꓛꓰ ꓡꓯ ꓐꓴ ꓬꓲ ꓜꓳ ꓟꓶ ꓥ ꓟ ꓐꓰ ꓣꓱ ꓛꓰ ꓡꓯꓼ ꓫꓴ ꓓꓽ ꓟ ꓥ ꓡꓳ ꓐꓰ ꓐꓯ ꓔ ꓟ ꓐꓯ ꓘꓶꓽ ꓙꓳ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ ꓠꓬ ꓢꓲꓺ ꓒ ꓫꓵꓻ ꓗꓷ ꓟ ꓡꓯꓼ ꓐꓳ ꓔꓶ. ꓓꓴ ꓔꓯ ꓟꓽ ꓫ. ꓔꓳ, ꓔꓳ, ꓮ ꓕꓯ ꓟꓲ ꓣꓱ ꓓꓴ ꓬꓰ ꓡꓯ꓿ ꓡꓯꓼ ꓐꓳ ꓔꓶ. ꓓꓴ ꓔꓯ ꓠꓬ ꓟꓽ ꓙꓲ ꓠꓲ꓾ ꓢ‐ꓓꓯ ꓮ ꓘꓶ. ꓙꓳꓺ ꓟ ꓥ ꓡꓳ꓿

ꓠꓬꓲ. ꓠꓬꓲ ꓣꓳ ꓠꓯ, ꓗꓪ ꓫ. ꓓꓴ ꓟꓷꓽ ꓓꓴ ꓠꓲ, ꓫ. ꓟꓬ ꓫ. ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓡꓯꓼ ꓐꓳ ꓔꓶ. ꓓꓴ ꓠꓬ ꓣꓳ ꓐꓱ ꓶ ꓥꓳꓽ ꓡꓳ ꓓꓴ ꓣꓳ ꓐꓱ ꓶ ꓢꓯꓼ ꓪ ꓙꓳ ꓡ ꓝꓲ ꓟ ꓢꓲꓺ ꓒ ꓠꓬ ꓣꓳ ꓐꓰ ꓕꓲ ꓪ ꓔꓬ ꓡꓳ ꓐꓰ ꓣꓳ ꓢꓷ. ꓡ ꓓꓴ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓫꓵꓻ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓢꓲꓺ ꓒ ꓥ ꓟ ꓔꓯ ꓣꓳ ꓙꓵꓻ ꓠꓬ ꓣꓳ ꓥ ꓟꓲ ꓬꓲ ꓟꓶ ꓕꓲ ꓠꓬꓲ ꓕꓯ ꓚꓵ ꓚꓵ ꓢꓯ. ꓬꓲꓼ ꓡ ꓓꓴ ꓥꓳ꓿ ꓬꓲ ꓠꓬ ꓪꓴ‐ꓢ ꓚꓵ ꓚꓵ ꓥ ꓟ ꓔꓯ ꓣꓳ ꓔꓯ ꓙꓵꓻ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓣꓳ ꓔꓯ ꓥꓳꓽ ꓡꓳ ꓓꓴ ꓖꓶ ꓔ ꓟ ꓥ ꓡꓳ꓿ ꓢꓽ ꓣꓳ ꓕꓲ ꓖꓳ ꓓꓱꓽ ꓪꓴ‐ꓢ ꓔꓯ ꓣꓳ ꓘꓳ, ꓣꓴ ꓓꓴ ꓬꓰ ꓡꓯ꓿

ꓠꓬꓲ. ꓠꓬꓲ ꓗꓪ ꓐꓰ ꓡꓯꓼ ꓐꓳ ꓔꓶ. ꓓꓴ ꓔꓯ ꓣꓳ ꓡꓳ. ꓟꓳ ꓠꓬ ꓣꓳ ꓞꓳ ꓒꓵꓽ ꓓꓴ ꓬꓰ ꓡꓯ꓿ ꓢꓲꓺ ꓒ ꓠꓬ ꓣꓳ ꓐꓱ ꓶ ꓫꓵꓻ ꓗꓷ ꓟ ꓡꓯꓼ ꓐꓳ ꓔꓶ. ꓓꓴ  ꓔꓯ ꓣꓱ ꓢꓲ ꓠꓬꓲ ꓫ. ꓓꓴ ꓟꓷ ꓓꓴ ꓠꓲ, ꓫ. ꓟꓬ ꓫ. ꓓꓴ ꓔꓯ ꓧꓪ. ꓡꓰ ꓠ, ꓟ ꓡꓯꓼ ꓐꓳ ꓔꓶ. ꓓꓴ ꓗꓪ ꓪꓽ ꓘꓴ ꓓꓴ ꓬꓰ ꓡꓯ꓿

https://youtu.be/YFv8x3tzuv8

Leave a Reply

Your email address will not be published. Required fields are marked *