ꓮ ꓙꓵꓽ ꓔꓯ ꓧꓪ. ꓧꓪ.꓾ ꓢ. ꓠꓯ. ꓠꓬ The Exaltation of the Holy Cross ꓐꓯˍ ꓟ ꓢꓲ ꓒ ꓬꓰ‐ꓢꓴ ꓬꓲ. ꓡꓯꓼ ꓐꓳ ꓔꓶ. ꓓꓴ ꓔꓯ ꓫꓱ. ꓖꓶˍ ꓟ ꓑꓮꓲꓽ ꓓꓽ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓤ ꓔꓯ ꓚꓬꓴ. ꓠ, ꓟ ꓐꓱ ꓶ ꓡꓯꓼ ꓐꓳ ꓔꓶ. ꓓꓴ ꓕꓯꓽ ꓢꓲ ꓗꓪ ꓫꓵꓳ꓿ ꓠꓱ. ꓐꓯ ꓚꓱ, ꓮ ꓟꓬ, ꓙꓳˍ ꓥ ꓟꓲ ꓬꓲ ꓠꓬ ꓡꓯꓼ ꓐꓳ ꓔꓶ. ꓓꓴ ꓚꓱ, ꓔꓯ ꓬꓲ ꓚꓲ. ꓛꓬ ꓠꓲ, ꓡꓶ ꓡꓰ ꓢꓲꓺ ꓢꓲ ꓠꓬꓲ ꓕꓱ ꓕꓲ ꓚꓱ, ꓗꓪ ꓐꓰ ꓞꓳ ꓤ ꓐꓱ ꓶ ꓢꓯꓼ ꓟꓬ ꓖꓶ ꓗꓷꓳ꓿
ꓬꓲ ꓪ ꓦꓬꓼ ꓠꓬꓲ ꓗꓪ ꓫꓵꓻ ꓓꓴ ꓚꓱ, ꓝꓴꓲ. ꓖꓶˍ ꓟ ꓚꓱ, ꓮ ꓟꓬ, ꓙꓳˍ ꓥ ꓟꓲ꓾ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓠꓲ, ꓡꓶꓽ ꓗꓪ ꓐꓰ ꓞꓳ ꓤ ꓐꓴ ꓫ. ꓓꓰ ꓡꓰˍ ꓟ ꓙꓳꓺ ꓓꓰ ꓡꓰˍ ꓟ ꓡꓯꓼ ꓐꓳ ꓔꓶ. ꓓꓴ ꓕꓱ ꓟ ꓔꓯ ꓠꓲ, ꓒꓵꓽ ꓠꓲ, ꓡꓱꓻ ꓞꓳ ꓤ ꓐꓱ ꓶ ꓠꓵꓻ ꓠꓲ, ꓟꓳ. ꓖꓶˍ ꓟ ꓚꓱ, ꓔꓯ ꓬꓲ ꓬꓰ ꓗꓷꓳ꓿ ꓖꓳ ꓡꓱ ꓠꓬꓲ ꓡꓯꓼ ꓐꓳ ꓔꓶ. ꓓꓴ ꓚꓱ, ꓔꓯ ꓣꓳ ꓫꓱ. ꓖꓶˍ ꓟ ꓥ ꓡꓳ꓿ ꓥ ꓡꓳ꓾ ꓡꓯꓼ ꓐꓳ ꓔꓶ. ꓓꓴ ꓠꓬ ꓢꓲ ꓒ ꓬꓰ‐ꓢꓴ ꓟꓽ ꓚꓬꓼ ꓠꓬ ꓮ ꓫꓵꓽ ꓫꓱ. ꓖꓶ ꓟꓽ ꓒꓵꓽ꓿ ꓖꓳ ꓡꓱ ꓐꓯˍ ꓥ ꓟꓲ ꓡꓯꓼ ꓐꓳ ꓔꓶ. ꓓꓴ ꓕꓱ ꓟ ꓠꓯꓸꓼ ꓘꓴꓽ ꓗꓪ ꓢꓲ ꓒ ꓬꓰ‐ꓢꓴ ꓢꓲꓺˍ ꓟ ꓢꓲ ꓒ ꓬꓰ‐ꓢꓴ ꓬꓲ ꓚꓱ, ꓕꓱ ꓟ ꓔꓯ ꓬꓲ ꓚꓲ. ꓛꓬ ꓡꓰ ꓙ ꓫꓱꓽ ꓔꓬ ꓟ ꓠꓬ ꓬꓲ. ꓬꓲ ꓢꓲ ꓙꓳˍ ꓡꓳ꓾ ꓐꓯˍ ꓟ ꓣꓳ ꓔꓯ ꓢꓷ. ꓡꓰ ꓝꓲˍ ꓡꓳ꓿
