ꓪꓴ-ꓢ ꓠꓬ ꓘꓴ ꓜꓲꓼ ꓞꓳ ꓕꓱ ꓟ ꓔꓯ ꓙ ꓖꓴ ꓫꓵꓽ ꓚꓱꓹ ꓢꓲ ꓒ ꓬꓰ-ꓢꓴ ꓠꓯꓼ ꓘꓴ ꓗꓪ ꓐꓰ ꓬꓯꓼ ꓡ ꓟ ꓶ ꓤ ꓫꓱꓸ ꓤ ꓠꓬ ꓢꓮꓚꓣꓮꓟꓰꓠꓔꓴ ꓐꓯ_ ꓟ ꓙ ꓖꓴ ꓫꓵꓽ ꓚꓱꓹ ꓗꓪ ꓐꓰ ꓬꓲ ꓤ ꓠꓱ ꓐꓴ ꓔꓯ ꓖꓶ ꓔꓬ ꓡꓳ꓾ ꓗ ꓕꓳ ꓡꓲꓗ ꓘꓴ ꓜꓲꓼ ꓞꓳ ꓠꓯꓼ ꓘꓴꓽ ꓗꓪ ꓟ ꓟꓽ ꓓ ꓣꓳꓸ ꓚꓵ ꓓꓰ ꓡꓰ_ ꓟ ꓥ ꓡꓳ= ꓕꓱ ꓡꓱ ꓢꓮꓚꓣꓮꓟꓰꓔꓴ 7 ꓟ ꓗꓪ ꓐꓰ ꓘꓴ ꓜꓲꓼ ꓞꓳ ꓠꓬ ꓦꓰꓼ ꓞꓹ ꓔꓬ ꓡꓳ= ꓘꓴ ꓜꓲꓼ ꓞꓳ ꓠꓬ ꓕꓱ 7 ꓟ ꓗꓪ ꓐꓰ ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓛꓳ ꓙꓳ ꓟ꓾ ꓬꓰ_ ꓡꓳ= ꓢꓲ ꓒ ꓬꓰ-ꓢꓴ ꓬꓲ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓐꓰ ꓡ ꓟ ꓛꓵꓹ ꓟꓶ_ ꓟ ꓣꓱ ꓛꓰ ꓔꓯ ꓠꓬ ꓮ ꓟꓶ ꓢꓮꓚꓣꓮꓟꓰꓠꓔꓴ 7 ꓟ ꓗꓪ ꓐꓰ ꓘꓳꓹ ꓣꓴ ꓔꓬ ꓟ ꓥ ꓡꓳ=ꓢꓮꓚꓣꓮꓟꓰꓠꓔꓴ ꓐꓰ ꓐꓯ_ ꓟ ꓠꓬ ꓣꓳ ꓡꓲ-ꓢꓴ ꓥꓳꓽ ꓠꓬ ꓣꓱ ꓛꓰ ꓶ ꓐꓬꓱ ꓐꓯ_ ꓥ ꓟꓲ ꓜꓳ ꓡꓳ=ꓣꓱ ꓛꓰ ꓙ ꓖꓴ ꓐꓯ ꓥ ꓟꓲ ꓔꓱꓹ ꓡꓳ= ꓮ ꓫꓵ ꓑꓶ ꓓꓴ ꓥ ꓡ꓾ ꓶ ꓤ ꓫꓱꓹ ꓤ ꓬꓲ ꓓꓵ ꓡ ꓟ꓾ꓶ ꓤ ꓫꓱꓸ ꓤ ꓬꓯꓼ ꓡ ꓟ ꓬꓲ ꓚꓱꓹ ꓥ ꓟ ꓑꓶ ꓓꓴ ꓥ ꓡꓳ= (1) ꓖꓳ ꓓꓱ ꓔꓲꓹ ꓟ꓾ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓡꓳ꓾ ꓝꓴꓲ ꓥ ꓔ ꓑꓳꓸ ꓔꓯ ꓢꓲ ꓫꓬ ꓖꓶ_ ꓟ ꓟꓶ_ ꓡꓳ= (2) ꓢꓲ-ꓫꓬ-ꓟ-ꓦ ꓟꓰ ꓞꓶ ꓟꓰ ꓖꓶ_ ꓟ꓾ ꓢꓲ ꓒ ꓬꓰ-ꓢꓴ ꓬꓲ ꓝꓲ ꓓꓴ ꓐꓴ ꓠꓬ ꓙꓳꓺ ꓠꓬꓲ꓾ ꓶꓹ ꓠꓬꓲ ꓗꓸ ꓘꓶꓽ ꓝꓲꓸ ꓢꓲ ꓔꓬ ꓕꓯ ꓢꓲ-ꓫꓬ-ꓟ-ꓦ ꓬꓯꓼ ꓡ ꓟ ꓡꓰ ꓐꓰ ꓖꓳ ꓓꓱ ꓔꓲꓹ ꓗꓷ ꓗꓸ ꓠꓯꓸ ꓮ ꓟ ꓥ ꓟꓲ ꓔꓲꓺ ꓒ ꓓꓽ ꓡꓯꓽ ꓒꓯꓹ ꓗꓪ ꓐꓰ ꓢꓲ-ꓫꓬ-ꓟ-ꓦ ꓟꓰ ꓞꓶ ꓔꓯ ꓟꓰ ꓠ ꓗꓹ ꓡꓳ= (3) ꓢꓲ ꓫꓬ ꓑ ꓑ ꓔꓯ ꓘꓳꓹ ꓣꓴ ꓠ ꓗꓹ ꓡꓳ꓾ ꓣꓱ ꓛꓰ ꓚꓱꓹ ꓮ ꓙꓵ ꓟ ꓕꓯ ꓢꓲ ꓗꓪ ꓪꓴꓽ ꓓꓰ ꓡꓰ ꓟ ꓙꓲ ꓫꓬ ꓓꓰ ꓡꓰ_ ꓟ ꓥ ꓡꓳ꓾ ꓢꓲ ꓫꓬ ꓑ ꓑ ꓠꓯꓼ ꓘꓴꓽ ꓗꓪ ꓢꓲ ꓒ ꓬꓰ-ꓢꓴ ꓔꓬ ꓡꓳ꓾ (4) ꓝꓴꓲ ꓖꓽ ꓖꓶ ꓖꓶ_ ꓟ꓾ ꓢꓲ ꓒ ꓬꓰ-ꓢꓴ ꓬꓲ ꓙꓵꓽ ꓪ ꓗꓪ ꓐꓰ ꓔꓲꓺ ꓒ ꓐꓴ ꓠꓬ ꓝꓴꓲ ꓖꓽ ꓖꓶ ꓐ ꓡ ꓡꓳ= (5) ꓠꓻ ꓢꓴ ꓑꓬ ꓢꓴ ꓔꓯ ꓟꓰ ꓞꓶ ꓟꓰ ꓖꓶ_ ꓟ꓾ ꓙꓲ ꓫꓬ ꓢꓴ ꓬ-ꓗꓴ ꓐꓯ ꓔ ꓟ ꓡꓰ ꓐꓰ ꓠꓴ ꓪ ꓗꓪ ꓟ ꓮꓽ ꓟ ꓠꓻ ꓔꓬ ꓠꓬ ꓬꓲ ꓪ ꓔꓯ ꓟꓰ ꓞꓶ ꓟꓰ ꓖꓶ ꓐꓰ ꓐꓯ ꓔ ꓟ ꓡꓰ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓠꓬ ꓠꓻ ꓔꓬ ꓟ ꓑꓬ ꓔꓬ ꓟ ꓔꓯ ꓢꓲ ꓒ ꓬꓰ-ꓢꓴ ꓟꓬꓱ ꓗꓪ ꓐꓰ ꓟꓰ ꓞꓶ ꓟꓰ ꓖꓶ_ ꓡꓳ= (6) ꓔꓲꓺ ꓒ ꓙꓵꓽ ꓪ ꓖꓶ_ ꓟ꓾ ꓢꓲ ꓒ ꓬꓰ-ꓢꓴ ꓠꓬ ꓞꓳ ꓤ ꓮ ꓟꓬꓹ ꓘꓴ ꓠꓯꓼ ꓗꓪ ꓐꓰ ꓝꓲ ꓓꓴ ꓐꓴ ꓒꓬꓱꓼ ꓡ ꓠꓹ ꓟ ꓐꓱ ꓶ 12 ꓣꓳ ꓔꓯ ꓢꓲ ꓟ ꓡꓰ ꓐꓰ ꓮ ꓟꓶ ꓡ ꓞꓳ ꓮ ꓟꓬꓹ ꓔꓬ ꓥ ꓟꓲ ꓕꓱ ꓟ ꓗꓪ ꓐꓰ ꓬꓲ ꓗ ꓠꓯꓸ ꓖꓼ ꓢꓴ ꓬꓲ ꓟꓻꓱꓽ ꓡꓯ ꓫꓵ ꓬꓰ ꓢꓴ ꓢꓲ ꓡꓳ= ꓕꓱ ꓟ ꓔꓯ ꓔꓲꓺ ꓒ ꓐꓰ ꓐꓯ ꓔ ꓟ ꓥ ꓡꓳ= (7) ꓡꓯ ꓒꓯ ꓹ ꓝꓸ ꓟ ꓚꓱꓹ ꓥ ꓡꓳ= ꓪꓴ-ꓢ ꓟꓲ ꓙꓬ ꓞꓳ ꓤ ꓟꓲ ꓙꓬ ꓗꓪ ꓘꓶꓽ ꓫꓵ ꓣꓴ ꓟ ꓚꓱꓹ ꓗꓪ ꓐꓰ ꓪꓴ-ꓢ ꓠꓬ ꓬꓲ ꓶ ꓤ ꓫꓱꓸ ꓤ ꓖꓶ ꓔꓬ ꓡꓳ=
