ꓮꓽ ꓟ ꓠꓬ ꓖꓳ ꓓꓱ ꓔꓲꓹ ꓖꓶ_ ꓡ꓾
ꓮꓽ ꓟ ꓠꓬ ꓖꓳ ꓓꓱ ꓔꓲꓹ ꓖꓶ ꓐ ꓡ ꓡ꓾
ꓖꓳ ꓓꓱ ꓔꓲꓹ ꓠꓬ ꓮ ꓫꓵ ꓡꓯꓼ ꓫꓴ ꓟꓶ_ ꓡ꓾
ꓣꓳ ꓘꓴ ꓞꓲꓼ ꓞꓳ ꓠꓯꓼ ꓗꓪ ꓐꓰ ꓔꓲꓹ ꓔ ꓟ ꓔꓲꓺ ꓒ ꓓꓽ ꓐꓴ ꓔꓲꓺ ꓒ ꓐꓴ ꓓꓰꓮꓚꓳꓠ ꓐꓴ ꓮ ꓙꓵ ꓖꓳ ꓓꓱ ꓔꓲꓹ ꓓ_ ꓡꓳ꓾ ꓞꓳ ꓤ ꓕꓲ ꓣꓳ ꓢꓯꓼ ꓟꓬ ꓤꓶꓻ ꓦ ꓟ ꓕꓲ ꓠꓬꓲ ꓗꓪ ꓮꓽ ꓟ ꓥ ꓟꓲ ꓖꓳ ꓓꓱ ꓔꓲꓹ ꓓ ꓡꓳ= ꓮꓽ ꓟ ꓥ ꓟꓲ ꓖꓳ ꓓꓱ ꓔꓲꓹ ꓓ ꓡꓳ꓾ ꓖꓳ ꓡꓱ ꓥ ꓟꓲ ꓐꓹ ꓐ ꓤ ꓔꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓘꓴ ꓜꓲꓼ ꓞꓳ ꓮ ꓡꓰ ꓔꓶꓻ ꓔ ꓮ ꓡꓰ ꓐꓰ ꓬꓲ ꓚꓱꓹ ꓗꓪ ꓐꓰ ꓔꓲꓹ ꓠ ꓔ ꓡꓳ= ꓢꓽ ꓣꓳ ꓕꓲ ꓖꓳ ꓓꓱ ꓪꓴ-ꓢ ꓟꓬꓱ ꓗꓪ ꓐꓰ ꓔꓲꓹ ꓠꓬ ꓮꓽ ꓟ ꓥ ꓟꓲ ꓖꓳ ꓓꓱ ꓔꓲꓹ ꓐ ꓡ ꓡꓳ= ꓖꓳ ꓡꓱ ꓥ ꓟꓲ ꓫꓵꓻ ꓝꓲ ꓕꓯ ꓢꓯꓼ ꓟꓬ ꓖꓼ ꓡꓯ ꓘꓳ ꓕꓯ ꓡꓰ ꓮꓽ ꓟ ꓥ ꓟꓲ ꓔꓲꓹ ꓓ_ ꓡꓳ= ꓔꓲꓺ ꓒ ꓐꓴ ꓓꓰꓮꓚꓳꓠ ꓐꓴ ꓕꓱ ꓡꓱ ꓐꓰ ꓔꓲꓹ ꓟ ꓥ ꓡꓳ= ꓝꓮꓲ ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓮ ꓫꓵ ꓟꓶ_ ꓡ꓾ ꓬꓲ ꓪꓴꓸ ꓕꓲ ꓟ ꓟ ꓠꓬ ꓬꓲ ꓚꓰ ꓬꓲ ꓪꓴꓸ ꓝꓴꓲ ꓗꓪ ꓐꓰ ꓮ ꓙꓵ ꓢꓲ ꓫꓬ ꓖꓶ_ ꓡꓳ=ꓮꓽ ꓠꓱ ꓮ-ꓓꓯ ꓰ-ꓪ ꓬꓰ ꓗꓷ ꓟ ꓬꓲꓪꓴ ꓰ ꓪꓴ ꓝꓴꓲ ꓐꓰ ꓚꓲ ꓛꓬ ꓬꓰ ꓗꓷ ꓟ ꓝꓴꓲ ꓮ ꓙꓵ ꓔꓯ ꓠꓬ ꓖꓳ ꓓꓱ ꓔꓲꓹ ꓗꓷ ꓟ ꓗꓪ ꓐꓰ ꓮ ꓙꓵ ꓡꓱꓼ ꓢꓲ ꓫꓬ ꓖꓶ_ ꓟ ꓥ ꓡꓳ꓾ ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓣꓳ ꓠꓬ ꓞꓳ ꓤ ꓫꓵꓼ ꓒꓬꓱꓼ ꓡ ꓡꓳ= ꓢꓲ ꓒ ꓬꓰ-ꓢꓴ ꓠꓯꓼ ꓘꓴ ꓗꓪ ꓣꓳ ꓠꓬ ꓞꓳ ꓤ ꓫꓵꓼ ꓒꓬꓱꓼ ꓡ ꓡꓳ= ꓖꓳ ꓓꓱ ꓔꓲꓹ ꓗꓷ ꓟ ꓗꓪ ꓐꓰ ꓣꓳ ꓠꓬ ꓢꓲ ꓒ ꓬꓰ-ꓢꓴ ꓬꓲ ꓫꓵ ꓬꓲ ꓧꓪ ꓢꓲ ꓒ ꓬꓰ-ꓢꓴ ꓬꓲ ꓛꓲ ꓒꓯꓹ ꓡꓯ ꓒꓯꓹ ꓠꓯꓼ ꓘꓴꓽ ꓗꓪ ꓣꓳ ꓐ ꓡꓰꓳ= ꓢꓲ ꓒ ꓬꓰ-ꓢꓴ ꓠꓬ ꓘꓴ ꓜꓲꓼ ꓞꓳ ꓬꓲ ꓪꓴ ꓓꓵ ꓥ ꓡꓳ= ꓣꓳ ꓮ ꓙꓵ ꓠꓬ ꓬꓲ ꓛꓲ ꓒꓯꓹ ꓡꓯ ꓒꓯꓹ ꓖꓳ ꓓꓱ ꓥ ꓡꓳ=ꓖꓳ ꓟ ꓡꓰ ꓟꓽ ꓞꓲ ꓣꓳ ꓕꓲ ꓣꓳ ꓛꓳ ꓕꓲ ꓣꓳ ꓠꓯꓼ ꓗꓪ ꓥ ꓟꓲ ꓠꓵꓻ ꓠꓲꓹ ꓗꓳ ꓙꓰ ꓙꓳ ꓡꓯ ꓘꓳ ꓡꓰ_ ꓡꓳ= ꓔꓲ ꓣꓳ ꓛꓳ ꓕꓲ ꓣꓳ ꓦ ꓡꓱ ꓚꓱꓹ ꓪ_ ꓟ꓾ ꓦꓲꓻ ꓘꓴ ꓠꓯꓼ ꓗꓪ ꓕꓲ ꓪ ꓒꓬꓱꓼ ꓡꓰ_ ꓡꓳ=ꓕꓱ ꓟ ꓠꓬ ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓶ ꓤ ꓫꓱꓸ ꓤ ꓥ ꓡꓳ= ꓕꓱ ꓟ ꓡꓰ ꓟꓽ ꓞꓲ ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓣꓳ ꓠꓯꓼ ꓘꓴꓽ ꓗꓪ ꓮ ꓕꓯ ꓥ ꓟꓲ ꓮꓽ ꓟ ꓥ ꓟꓲ ꓒꓬꓹ ꓗꓷ ꓟꓽ ꓓ꓾ ꓡꓳ ꓗꓷ ꓟꓽ ꓓ ꓟ ꓢꓲ-ꓫꓬ-ꓟ-ꓦ ꓶ ꓒꓬꓱ ꓕꓲ ꓟ ꓠꓶꓼ ꓗꓷ ꓡꓳ= ꓮꓽ ꓟ ꓥ ꓟꓲ ꓒꓬꓹ ꓗꓷ ꓟꓽ ꓓ ꓫꓵ ꓣꓳ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓢꓲ-ꓫꓬ-ꓟ-ꓦ ꓬꓲ ꓢꓯꓼ ꓪ ꓐꓰ ꓶ ꓒꓬꓱ ꓕꓲ ꓟ ꓔꓳꓹ ꓠꓷꓼ ꓗꓷ_ ꓡꓳ= ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓖꓳ ꓓꓱ ꓔꓲꓹ ꓟ ꓗꓪ ꓐꓰ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓡꓳ=ꓣꓳ ꓝꓴꓲ ꓮ ꓙꓵ ꓔꓯ ꓖꓽ ꓖꓶ ꓟꓶ_ ꓟ ꓟꓶ_ ꓡꓳ=
