ꓢꓲꓺ ꓒ ꓬꓰ‐ꓢꓴ ꓜꓲꓼ ꓦꓲꓻ ꓗꓪ ꓢꓲꓽ ꓫꓬ ꓕꓳ ꓶ ꓵꓻ ꓟ (Sunday reflection)
ꓠꓬꓲ. ꓠꓬꓲ. ꓠꓬ 9 ꓦ ꓟ 1 ꓠꓬꓲ ꓠꓽ ꓕꓲ ꓠꓬꓲꓽ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓡꓴ‐ꓘ ꓕꓳ ꓶ 4ꓽ16‐30 ꓝꓲ. ꓗꓪ ꓛꓲ ꓥ ꓢꓲ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓜꓲꓼ ꓦꓲꓻ ꓗꓪ ꓬꓰ‐ꓢꓴ ꓢꓲꓽ ꓫꓬ ꓕꓳ ꓶ ꓵꓻ ꓟ ꓐꓰ ꓟ. ꓟꓲꓽ ꓚꓺ ꓟ. ꓖꓶ ꓟ ꓢꓲꓼ ꓫꓬ ꓕꓳ ꓶ ꓝꓲ. ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟꓷꓽ ꓠꓷ, ꓝ. ꓢꓴ ꓬꓲ‐ꓢ‐ꓬ ꓕꓳ ꓶ ꓡꓲ ꓔꓯ ꓵꓻ ꓗꓷ ꓠꓬ ꓢꓲ ꓒꓽ ꓦꓬꓼ ꓠꓬꓲ ꓥꓪ ꓠꓯ.ꓼ ꓗꓪ ꓔꓬ ꓡꓳ ꓮ ꓡꓲꓳ ꓐꓯ ꓠꓬ ꓞꓳ ꓫ. ꓔꓯ ꓶꓼ ꓓꓳ ꓫꓱ, ꓓꓳꓽ ꓚ ꓟ. ꓖꓶ ꓠ ꓟ ꓬꓲ ꓡꓰ ꓥꓪ ꓔꓯ ꓟꓰ ꓞꓶ ꓟꓰ ꓗꓷꓳ꓿
ꓪꓳꓽ ꓞ, ꓢꓴ ꓔꓯ ꓩꓴ ꓗꓷˍ ꓟ ꓓꓳꓽ ꓚ ꓟ. ꓠ, ꓟ ꓟꓬ ꓔꓶ ꓠꓬꓲ ꓟꓳ ꓡ ꓠ, ꓟ ꓠꓬꓲ. ꓬꓯꓼ ꓢꓴ ꓔꓯ ꓩꓴ ꓗꓷ ꓠ, ꓟ ꓐꓰ ꓢꓲꓺ ꓒ ꓡꓰ ꓬꓲ ꓣꓱꓽ ꓛꓰ ꓟꓳ. ꓖꓶ ꓟ ꓘꓳꓼ ꓚ ꓟ. ꓖꓶ ꓠ, ꓟ ꓬꓲ ꓥꓪ ꓔꓯ ꓝꓲ ꓩꓴ ꓡꓺ ꓳ ꓐꓰ ꓵꓻ ꓗꓷ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓥ ꓡꓳ꓿ ꓝ
ꓝꓮꓲ ꓢꓲꓺ ꓒ ꓬꓰ‐ꓢꓴ ꓔꓬ ꓔꓶ. ꓥ ꓟ ꓬꓲ ꓞꓳ ꓘ, ꓥ ꓟ ꓠ‐ꓢ‐ꓡꓰ ꓢꓴ ꓬꓰ‐ꓢꓴ ꓔꓯ ꓠꓲ, ꓜꓳˍ ꓟ ꓢꓲꓽ ꓫꓬ ꓕꓳ ꓶ ꓝꓲ. ꓥ ꓡꓳ꓿
ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓠꓴ ꓥꓪ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ ꓠꓬ ꓚꓵ ꓚꓵ ꓪꓴ‐ꓢ ꓥ ꓟ ꓚꓱ, ꓔꓯ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓢꓲꓺ ꓒ ꓡꓰ ꓣꓳ ꓔꓯ ꓮ ꓡꓰ ꓐꓰ ꓫ. ꓕꓱ ꓡ ꓟ ꓔꓯ ꓠ ꓠ, ꓟ ꓬꓲ ꓔꓯ ꓘꓴ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿
ꓠꓬꓲ. ꓠꓬꓲ ꓟ ꓦꓬꓼ ꓠꓬꓲ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓫ. ꓕꓱ ꓡ ꓟ ꓔꓯ ꓛꓳꓽ ꓒꓯ ꓗꓪ ꓐꓰ ꓥ ꓟꓲ ꓕꓲ ꓣꓳ ꓣꓳ ꓗꓪ ꓐꓰ ꓥ ꓟꓲ ꓣꓳ ꓔꓯ ꓢꓲꓺ ꓒ ꓡꓰ ꓫ. ꓕꓱ ꓡ ꓟ ꓔꓯ ꓣꓳ ꓠ ꓡꓳ ꓠ, ꓟ ꓢꓯꓼ ꓕꓵꓼ ꓡꓯ꓿
ꓝꓮꓲ ꓠꓬ ꓣꓳ ꓠꓲ, ꓟ ꓗ ꓘꓶꓽ ꓔꓯ ꓒꓴ ꓔ ꓢꓲ ꓠꓬꓲ ꓢꓲꓺ ꓒ ꓐꓯ ꓘꓶꓽ ꓔꓯ ꓠ ꓠ, ꓟ ꓠꓬꓲ. ꓠꓬꓲ ꓠꓴ ꓥꓪ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓟ. ꓖꓶ ꓔ ꓟ ꓥ ꓡꓳ꓿
ꓠꓬꓲ. ꓠꓬꓲ ꓗꓪ ꓐꓰ ꓢꓲꓺ ꓒ ꓐꓰ ꓫ. ꓕꓱ ꓠ, ꓟ ꓬꓲ ꓐꓰ ꓬꓲ ꓙꓵ, ꓣꓳ ꓢꓲ ꓠꓬꓲ ꓪꓽ ꓘꓴ ꓡꓯ꓿ ꓝꓮꓲ ꓣꓳ ꓘꓳ, ꓣꓴ ꓟꓶ ꓡꓰ ꓟ ꓦꓻ ꓢꓯꓼ ꓪ ꓔꓯ ꓠꓱ. ꓐꓯꓼ ꓢꓴ ꓔꓯ ꓝꓮꓲ ꓚꓺ ꓟ. ꓖꓶ ꓓꓴ ꓬꓰ ꓡꓯ꓿
ꓕꓱ ꓡꓰ ꓐꓰ ꓙꓵ, ꓟ ꓟꓬꓱꓽ ꓪꓴ‐ꓢ ꓟꓬꓱꓽ ꓬꓰ ꓟ ꓙꓵ, ꓕꓯ ꓢꓴ ꓡꓰ ꓣꓳ ꓔꓯ ꓗꓽ ꓕꓽ ꓡ ꓟ ꓝꓴꓲ ꓧꓪ ꓡ ꓟ ꓔꓯ ꓣꓳ ꓔꓳ, ꓜꓳ ꓡ ꓓꓴ ꓥꓳ꓿ ꓖꓳ ꓡꓱ ꓥ ꓟꓲ ꓢꓲꓺ ꓒ ꓐꓰ ꓕꓲ ꓪ ꓣꓳ ꓞꓳ ꓫꓱ, ꓠꓬ ꓣꓳ ꓧꓪ ꓡꓰ ꓟ ꓔꓯ ꓘꓳ, ꓣꓴ ꓪ ꓓꓴ ꓥꓳ꓿ ꓫ. ꓟꓳ ꓪ꓿
ꓧꓶꓽ ꓗꓴꓷꓼ ꓗꓪ ꓙꓰꓢꓴꓲꓔ ꓔꓲꓺ ꓒ ꓜꓴꓻ ꓐꓴ ꓪꓴ‐ꓢ ꓶꓼ ꓓꓳ ꓫꓱ, ꓓꓳꓽ ꓚꓺ ꓟ ꓚꓱ, (The Jesuit in China)
ꓧꓶꓽ ꓗꓴꓷꓼ ꓗꓪ ꓙꓰꓢꓴꓲꓔ ꓔꓲꓺ ꓒ ꓜꓴꓻ ꓗꓪ ꓐꓰ ꓪꓴ‐ꓢ ꓶꓼ ꓓꓳ ꓫꓱ, ꓓꓳꓽ ꓚꓺ ꓟ ꓚꓱ, ꓥ ꓡꓳ꓿ ꓙꓲꓻ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓪꓴ‐ꓢ ꓟꓬꓱꓽ ꓬꓰˍ ꓠ, ꓟ ꓧꓶꓽ ꓗꓴꓷꓼ ꓗꓪ ꓙꓰ ꓥ ꓟꓲ ꓬꓲ ꓠꓬ ꓧꓶꓽ ꓗꓴꓷꓼ ꓗꓪ ꓟꓽ ꓛꓲ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓙꓲꓻ ꓫꓬ ꓢꓴ ꓝꓣꓮꓠꓚꓲꓢ ꓬꓲ ꓚꓵ. ꓧꓶꓽ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓔꓲꓺ ꓒ ꓣꓲꓚꓧꓮꓣꓓ ꓠꓬ ꓧꓶꓽ ꓗꓴꓷꓼ ꓙꓰ ꓗꓷ ꓟ ꓥ ꓡꓳ꓿ ꓬꓲ ꓔꓯ ꓧꓶꓽ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓙꓵꓽ ꓪ ꓖꓶ ꓗꓷꓳ꓿
ꓮꓓ 1578 ꓘꓳꓼ ꓕꓯ ꓑꓳ‐ꓔꓴ‐ꓗꓰ ꓶꓻ ꓡꓯꓼ ꓬꓰ ꓜꓴꓻ ꓠꓬ ꓧꓶꓽ ꓗꓴꓷꓼ ꓙꓰ ꓠ ,ꓟ ꓙꓵꓽ ꓪ ꓡꓰꓳ꓿ ꓖꓳ ꓕꓯ ꓔꓲꓺ ꓒ ꓣꓲꓚꓧꓮꓣꓓ ꓥ ꓟꓲ ꓑꓳ‐ꓔꓴ‐ꓗꓰ ꓶꓻ ꓡꓯꓼ ꓬꓰ ꓜꓴꓻ ꓐꓰ ꓕꓲ ꓪ ꓙꓰ ꓗꓷ ꓟ ꓥ ꓡꓳ꓿ ꓧꓶꓽ ꓞꓳ ꓫꓵꓽ ꓐꓴ ꓐꓱ ꓶ ꓮ ꓘꓶ. ꓛꓲ ꓙꓲ ꓟ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓠꓬ ꓬꓲ ꓪ ꓡꓲꓽ ꓒꓰꓼ ꓘꓴꓽ ꓗꓪ ꓓꓵ ꓡꓰ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓣꓲꓚꓧꓮꓣꓓ ꓧꓶꓽ ꓥꓳꓽ ꓔꓯ ꓓꓽ ꓪꓴ. ꓢꓳꓻ ꓣꓴ ꓗꓷꓳ꓿
ꓔꓲꓺ ꓒ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓧꓶꓽ ꓥꓳꓽ ꓗꓪ ꓐꓰ ꓐꓳ ꓗꓷꓳ꓿ ꓧꓶꓽ ꓞꓳ ꓫꓵꓽ ꓐꓴ ꓮ ꓘꓶ. ꓛꓲ ꓞꓳ ꓒꓴ ꓔꓬ ꓢꓴ ꓠꓬ ꓚꓳꓠꓝꓴꓚꓲꓴꓢ ꓥ ꓡꓳ꓿ ꓔꓲꓺ ꓒ ꓡꓰ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓚꓱ, ꓥ ꓟꓲ ꓚꓳꓠꓝꓴꓚꓲꓴꓢ ꓡꓰ ꓐꓰ ꓕꓲ ꓡꓰ ꓥ ꓡꓳ ꓐꓰ ꓐꓯ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓔꓯ ꓟ. ꓖꓶ ꓗꓷꓳ꓿
ꓕꓱ ꓡꓱ ꓐꓰ ꓧꓶꓽ ꓗꓴꓷꓼ ꓗꓪ ꓙꓰꓢꓴꓲꓔ ꓔꓲꓺ ꓒ ꓐꓴ ꓠꓬ ꓮ ꓘꓶ. ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓗꓷ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓟꓬꓽ ꓡ ꓟ ꓥ ꓡꓳ꓿ ꓫ. ꓟꓳ ꓪ꓿
