ꓘꓴ ꓜꓲꓼ ꓞꓳ ꓐꓯ_ ꓟ ꓬꓲ ꓶꓻ ꓐꓬꓱ ꓡꓲ ꓫꓵ ꓙꓳ_ ꓡꓳ꓾ ꓘꓴ ꓜꓲꓼ ꓞꓳ ꓠꓬ ꓕꓲꓽ ꓟ ꓡꓰ ꓙꓳ_ ꓡꓳ꓾ ꓘꓴ ꓜꓲꓼ ꓞꓳ ꓠꓬ ꓢꓲ ꓫꓬ_ ꓡꓳ꓾ ꓘꓴ ꓜꓲꓼ ꓞꓳ ꓠꓬ ꓕꓲ ꓟꓵꓽ ꓡꓱꓼ ꓐꓰ ꓗꓳꓸ ꓙꓰ ꓙꓳ_ ꓡꓳ꓾ ꓘꓴ ꓜꓲꓼ ꓞꓳ ꓠꓬ ꓢꓲ ꓒ ꓬꓰ-ꓢꓴ ꓠꓯꓼ ꓗꓪ ꓐꓰ ꓬꓯꓼ ꓡ ꓟ꓾ ꓖꓳ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓠꓬ ꓕꓲꓽ ꓟ ꓡꓰ ꓙꓳ_ ꓡꓳ꓾ ꓐꓯ_ ꓟ ꓔꓯ ꓠ ꓡꓳꓹ ꓓꓴ ꓬꓰ ꓡꓯ= ꓮ ꓫꓵ ꓑꓶ ꓓꓴ ꓘꓴ ꓜꓲꓼ ꓞꓳ ꓠꓬ ꓕꓲ ꓟ ꓡꓰ ꓙꓳ_ ꓡ꓾ ꓘꓴ ꓜꓲꓼ ꓞꓳ ꓬꓲ ꓚꓰ ꓠꓬ ꓐꓹ ꓐ ꓪꓴ-ꓢ ꓥ ꓟ ꓑꓶ ꓓꓴ ꓥ ꓡꓳ= ꓪꓴ-ꓢ ꓠꓬ ꓐꓹ ꓐ ꓤ ꓔꓲ ꓢꓲ-ꓫꓬ-ꓟ-ꓦ ꓢ ꓣꓳ ꓔꓲ ꓙꓳ ꓥ ꓟꓲ ꓪꓴ-ꓢ ꓕꓲꓽ ꓟ ꓡꓰ ꓥ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓠꓬ ꓖꓳ ꓟ ꓠꓯꓼ ꓘꓴꓽ ꓗꓪ ꓔꓶꓻ ꓔ ꓟ ꓑꓶ ꓓꓴ ꓪꓴ-ꓢ ꓠꓬ ꓟꓲ ꓦꓲ ꓡꓰ ꓐꓰ ꓮ ꓗꓪ ꓥ ꓟ ꓔꓬ ꓟ ꓑꓶ ꓓꓴ ꓘꓴ ꓜꓲꓼ ꓞꓳ ꓥ ꓟꓲ ꓮ ꓡꓰ ꓗꓪ ꓥ ꓟꓲ ꓙꓳ_ ꓡꓳ= ꓝꓮꓲ ꓘꓴ ꓜꓲꓼ ꓞꓳ ꓬꓲ ꓦ ꓠꓬ ꓢꓲ-ꓫꓬ-ꓟ-ꓦ ꓥ ꓡꓳ= ꓡ ꓞꓳ ꓕꓲ ꓣꓳ ꓠꓯꓼ ꓗꓪ ꓬꓲ ꓦ ꓟꓽ ꓙꓳ ꓠꓬ ꓫꓵꓻ_ ꓡꓳ꓾ ꓖꓳ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓘꓴꓽ ꓠꓯꓼ ꓗꓪ ꓪꓴ-ꓢ ꓦ ꓥ ꓟ ꓢꓲ-ꓫꓬ-ꓟ-ꓦ ꓔꓬ ꓟ ꓑꓶ ꓓꓴ ꓮ ꓗꓪ ꓥ ꓟꓲ ꓕꓲ ꓫꓵ_ ꓙꓳ_ ꓡꓳ= ꓖꓳ ꓡꓱ ꓠꓬꓲ ꓠꓲꓹ ꓧꓳꓹ ꓫꓵ ꓧꓳꓹ ꓟ ꓠꓬ ꓘꓴ ꓜꓲꓼ ꓞꓳ ꓬꓲ ꓒꓬꓱ ꓥ ꓡꓳ꓾ ꓐꓰ ꓢꓷꓸ ꓠ ꓗꓹ ꓡꓳ= ꓮ ꓣꓳ ꓡꓳꓸ ꓒꓽ ꓕꓲ ꓣꓳ ꓠꓯꓼ ꓘꓴꓽ ꓗꓪ ꓣꓳ ꓠꓬ ꓕꓲ ꓠꓲꓹ ꓕꓲ ꓪ ꓠꓲꓹ ꓧꓳ ꓫꓵ ꓧꓳꓹ ꓔꓬ ꓟ ꓥ ꓡꓳ= ꓠꓴ ꓠꓴ ꓡꓲ-ꓢꓴ ꓥ ꓟ ꓑꓶ ꓓꓴ ꓠꓴ ꓠꓬ ꓮ ꓒꓴꓸ ꓥ ꓟ ꓑꓶ ꓓꓴ ꓠꓴ ꓠꓴ ꓮ ꓫꓵ ꓥ ꓟ ꓑꓶ ꓓꓴ ꓕꓱ ꓡꓱ ꓫꓵ ꓘꓶꓹ ꓟ ꓟꓽ ꓙꓳ꓾ ꓮ ꓙꓵ ꓠꓬ ꓕꓲ ꓠꓲꓹ ꓕꓲ ꓪ ꓥ ꓡꓳ= ꓖꓳ ꓡꓱ ꓥ ꓟꓲ ꓠꓲꓹ ꓧꓳꓹ ꓫꓵ ꓧꓳꓹ ꓡꓯꓽ ꓘꓳ_ ꓟ ꓔꓯ ꓘꓶꓽ ꓡꓰ ꓢꓴ ꓬꓰ_ ꓟ ꓠꓬ ꓮ ꓫꓵ ꓥ ꓡ ꓐꓰ ꓐꓯ ꓠꓬ ꓝꓴꓲ ꓥ ꓡꓳ= ꓖꓳ ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓕꓲ ꓟ ꓠꓯꓼ ꓘꓴꓽ ꓗꓪ ꓝꓴꓲ ꓐꓯ_ ꓟ ꓓꓵꓽ ꓡ ꓠꓬ ꓐꓶꓽ ꓓꓳ ꓙꓰ_ ꓟ ꓕꓲ ꓟ ꓒꓬꓱꓼ ꓡ ꓡꓳ=
ꓖꓳ ꓡꓱ ꓠꓬꓲ ꓣꓳ ꓘꓴ ꓜꓲꓼ ꓞꓳ ꓚꓺ ꓟꓲꓽ ꓔꓯ ꓡꓳꓸ ꓠꓬꓲ ꓥ ꓟꓲ ꓮꓽ ꓠꓱ ꓢꓲ ꓒ ꓬꓰ-ꓢꓴ ꓦꓬꓼ ꓠꓬꓲ ꓗꓪ ꓐꓰ 1517 ꓘꓳꓼ ꓗꓪ ꓛꓲ ꓕꓲ ꓠꓲꓹ ꓕꓲ ꓪ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵꓻ ꓡꓯ ꓘꓳ ꓢꓲ ꓠꓬꓲ ꓔꓬ ꓗꓳꓸ ꓡ ꓥ ꓟꓲ 1517 ꓘꓳꓼ ꓗ ꓠꓯꓸ ꓘꓶꓽ ꓓꓳ ꓙꓰ ꓫꓵ ꓮ ꓟꓬꓹ ꓙꓳ ꓡꓰꓳ= ꓖꓳ ꓡꓱ ꓠꓬꓲ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓠꓯꓼ ꓘꓴꓽ ꓗꓪ ꓔꓧꓰ ꓚꓧꓴꓣꓚꓧ ꓲꓢ ꓳꓠꓰ ꓐꓯ_ ꓟ ꓘꓴ ꓜꓲꓼ ꓞꓳ ꓠꓬ ꓕꓲ ꓟ ꓡꓰ ꓙꓳ_ ꓡꓳ꓾ ꓕꓲ ꓫꓵ ꓡꓰ ꓙꓳ_ ꓡꓳ꓾ ꓘꓶꓽ ꓙꓰ ꓟ ꓟꓽ ꓙꓳ꓾ ꓘꓴ ꓜꓲꓼ ꓞꓳ ꓔꓶꓻ ꓔ ꓟ ꓢꓲ ꓒ ꓬꓰ-ꓢꓴ ꓠꓬ ꓕꓲ ꓟ ꓡꓰ ꓙꓳ_ ꓟ ꓑꓶ ꓓꓴ ꓐꓹ ꓐ ꓤ ꓔꓲ ꓢꓲ-ꓫꓬ-ꓟ-ꓦ ꓠꓬ ꓕꓲ ꓫꓵ ꓡꓰ ꓙꓳ_ ꓟ ꓑꓶ ꓓꓴ ꓝꓮꓲ ꓘꓴ ꓜꓲꓼ ꓞꓳ ꓦ ꓠꓬ ꓢꓲ-ꓫꓬ-ꓟ-ꓦ ꓟ ꓑꓶ ꓓꓴ ꓣꓳ ꓠꓬ ꓮ ꓗꓪ ꓥ ꓟꓲ ꓮ ꓫꓵ ꓬꓰ ꓥ ꓟꓲ ꓕꓲ ꓪ ꓡꓰ ꓥ ꓡꓳ꓾ ꓐꓰ ꓙ ꓜꓲꓼ ꓓꓴ ꓬꓰ ꓡꓯ=
