ꓣꓳ ꓟꓶˍ ꓟ ꓪˍ ꓟ ꓗ ꓠꓯ. ꓢꓲ ꓗꓪ ꓶꓻ ꓐꓯˍ ꓟ ꓠꓬ ꓮ ꓕꓯ ꓟꓲ ꓖꓼ ꓛꓳ ꓓ, ꓡꓳ꓿ (ꓡ ꓞꓳ ꓕꓲ ꓣꓳ ꓔꓬ ꓗꓪ ꓚꓳ. ꓣꓳ ꓕꓲꓽ ꓫꓵꓽ ꓟꓶ ꓔ ꓠꓬ ꓖꓳ ꓟ ꓐꓱ ꓶ ꓣꓳ ꓠꓬ ꓠꓱ. ꓐꓯ ꓕꓲꓽ ꓙꓰꓽ ꓚꓱ, ꓡꓲ. ꓖꓶ ꓠ, ꓟ ꓶꓻ ꓙꓳˍ ꓟ ꓥ ꓡꓳ꓿ ꓦ ꓐ ꓪꓽ ꓒꓵꓽ ꓗ ꓠꓯ. ꓢꓲ ꓗꓪ ꓟꓬꓱꓽ ꓬꓰ ꓙꓵ, ꓐꓲ ꓡꓰ ꓠ ꓬꓰˍ ꓟ ꓠꓬ ꓖꓼ ꓛꓳ ꓓ, ꓡꓳ꓿ ꓢꓷ. ꓠꓲ, ꓕꓳꓽ ꓶ ꓢꓳ ꓪ ꓢꓴ ꓐꓴ ꓥ ꓟꓲ ꓕꓳꓽ ꓶ ꓢꓳ ꓪˍ ꓟ ꓬꓲ ꓒꓵꓽ ꓐꓱ ꓶ ꓕꓳꓽ ꓶ ꓔꓯ ꓟꓬꓽ ꓠꓬꓲ ꓢꓯꓼ ꓕꓵꓼ ꓠ ꓔ ꓡꓳ ꓟꓽ ꓥ ꓡ꓿ ) ꓣꓱꓽ ꓛꓰꓽ ꓮ ꓟꓬ, ꓘꓳ ꓣꓴ ꓟꓶˍ ꓠꓬ ꓶꓻ ꓠꓬ ꓪ ꓜꓲ ꓪꓴꓽˍ ꓟ ꓥ ꓡꓳ꓿
ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓥ ꓟ (ꓟ‐ꓕꓲ 11ꓽ20‐24) ꓗꓪ ꓢꓲ ꓒ ꓬꓰ‐ꓢꓴ ꓡꓰ ꓡꓳ ꓒꓱ ꓢ ꓟ ꓔꓯ ꓶꓼ ꓟꓽ ꓙꓳ ꓫꓱ, ꓟꓽ ꓙꓳ ꓟ ꓡꓳ ꓒꓱ꓾ ꓪꓴ‐ꓢ ꓡꓰ ꓐꓯ ꓟꓳ ꓘꓶˍ ꓟ ꓟꓶˍ ꓟ ꓡꓳ ꓒꓱ ꓥ ꓡꓳ꓾ ꓐꓰ ꓐꓯˍ ꓡꓳ꓿ ꓮ ꓫꓵꓽ ꓪꓴ. ꓠꓬꓲ ꓕꓱ ꓡꓱ ꓐꓯˍ ꓡ? ꓡꓳ ꓒꓱ ꓖꓳ ꓢ ꓟ ꓗꓪ ꓔꓬ ꓢꓴ ꓐꓴ ꓠꓬ ꓢꓲ ꓒ ꓬꓰ‐ꓢꓴ ꓐꓯ ꓘꓶꓽ ꓔꓯ ꓟꓽ ꓘꓳ ꓣꓴ꓾ ꓟꓽ ꓛꓳ ꓫꓱꓽ꓾ ꓢꓷ. ꓙ ꓟꓳ ꓙˍ ꓟˍ ꓟꓲ ꓟꓽ ꓬꓰ ꓟ ꓑꓶ. ꓓꓴ ꓥ ꓡꓳ꓾ ꓐꓰ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓯ ꓔ ꓡꓳ꓿
ꓢꓲ ꓒ ꓬꓰ‐ꓢꓴ ꓠꓬ ꓡꓳ ꓒꓱ ꓖꓳ ꓟ ꓗꓪ ꓟ. ꓟꓲꓽ ꓚˍ ꓡꓳ꓾ ꓪꓽ ꓠꓬꓲˍ ꓟ ꓢꓷ. ꓡꓰ ꓓꓴ ꓟꓳ. ꓖꓶˍ ꓡꓳ꓿ ꓖꓳ ꓡꓱ ꓥ ꓟꓲ ꓡꓳ ꓒꓱ ꓑ ꓫꓬ ꓐꓴ ꓠꓬ ꓟꓽ ꓠ ꓠ,꓾ ꓟꓽ ꓘꓳ ꓣꓴ꓾ ꓓꓵꓽ ꓙ ꓒꓳ, ꓬꓲꓼ ꓡˍ ꓟˍ ꓟꓲ ꓟꓽ ꓙꓳ꓿ ꓘꓳ ꓣꓴ ꓟꓶˍ ꓟ ꓣꓱꓽ ꓛꓰꓽ ꓙꓳ ꓔꓬ ꓥ ꓟꓲ ꓒꓳ, ꓬꓲꓼ ꓡˍ ꓟ꓾ ꓙꓵꓻ ꓠꓲ, ꓕꓱ ꓟꓬ ꓫꓵꓽ ꓔꓯ ꓟꓽ ꓟꓳꓻ ꓪ ꓟ ꓑꓶ. ꓓꓴ ꓢꓲ ꓒ ꓬꓰ‐ꓢꓴ ꓡꓰ ꓝꓴꓲ. ꓓꓰˍ ꓟ ꓔꓯ ꓟꓶˍ ꓡꓳ꓿ ꓣꓱꓽ ꓛꓰꓽ ꓔꓯ ꓟꓽ ꓟꓳꓻ ꓟꓳꓻ꓾ ꓥꓶˍ ꓟ ꓔꓯ ꓟꓳˍ ꓡꓳ꓿
ꓖꓳ ꓡꓱ ꓠꓬꓲ ꓣꓳ ꓠꓬ ꓪꓴ‐ꓢ ꓶꓼ ꓤ ꓫꓱ, ꓤ ꓪꓴ‐ꓢ ꓣꓱꓽ ꓛꓰꓽ ꓮ ꓕꓯ ꓟꓲ ꓘꓳ ꓣꓴ ꓟꓶ ꓠ, ꓟ ꓐꓱ ꓶ ꓪꓴ‐ꓢ ꓡꓰ ꓖꓶ ꓡˍ ꓟ ꓣꓱꓽ ꓛꓰꓽ ꓐꓰ꓾ ꓬꓲ ꓡꓰ ꓣꓳ ꓔꓯ ꓖꓶ ꓡˍ ꓟ ꓪ ꓙꓵꓽ ꓪ ꓬꓰ ꓙꓵꓽ ꓪ ꓐꓴ ꓔꓯ ꓒꓵꓽ ꓠꓲ, ꓗꓪ ꓐꓰ ꓫ. ꓟꓳ ꓠꓲ, ꓗꓪ ꓐꓰ ꓪꓴ‐ꓢ ꓔꓯ ꓣꓳꓽ ꓒꓳ, ꓖꓶ ꓓꓴ ꓬꓰ ꓡꓯ꓿
