ꓪꓴ-ꓢ ꓡꓰ ꓢꓲꓺ ꓔ ꓟ ꓞꓳ ꓫꓵ꓾ ꓪꓴ-ꓢ ꓡꓰ ꓢꓲꓺ ꓔ ꓟ ꓡ ꓞꓳ ꓠꓬ ꓮ ꓡꓰ ꓫꓫ ꓬꓲ ꓢꓷꓸ ꓡꓰ ꓓꓴ ꓙꓳ_ ꓡ꓾ ꓬꓲ ꓪꓴꓸ ꓕꓲ ꓫꓵ ꓟ ꓠꓬ꓾ ꓪꓴ-ꓢ ꓡ ꓞꓳ ꓪꓴ-ꓢ ꓞꓳ ꓤ ꓐꓰ ꓐꓯ ꓟ ꓠꓬ ꓞꓳ ꓫꓵ ꓕꓲ ꓫꓵ ꓔꓯ ꓡꓰ ꓐꓯ_ ꓟ ꓟꓽ ꓥ꓾ ꓞꓳ ꓫꓵ ꓕꓲ ꓫꓵ ꓔꓯ ꓡꓰ ꓗꓴ ꓢꓲ ꓠꓬꓲ ꓕꓱ ꓟ ꓠꓬ ꓪꓴ-ꓢ ꓡ ꓞꓳ ꓥꓳ ꓐꓰ ꓘꓶꓽ ꓫꓵꓼ ꓫꓵꓼ ꓗꓪ ꓣꓳ ꓐꓯ ꓟꓽ ꓙꓲ꓾ ꓪꓴ-ꓢ ꓠꓬ ꓮ ꓙꓵ ꓟ ꓪꓴ-ꓢ ꓥꓳ꓾ ꓬꓲ ꓠꓯꓼ ꓘꓴꓽ ꓗꓪ ꓞꓳ ꓫꓵ ꓞꓳ ꓙꓰ꓾ ꓥꓳꓽ ꓫꓵ ꓥꓳꓽ ꓙꓰ ꓕꓱ ꓡꓱ ꓟꓽ ꓪꓽ ꓥ ꓟꓲ ꓕꓲ ꓫꓵ ꓔꓯ ꓡꓰ ꓕꓱ ꓟ ꓠꓬ ꓪꓴ-ꓢ ꓡ ꓞꓳ ꓥꓳ ꓐꓰ ꓐꓯ ꓟꓽ ꓙꓲ꓾ ꓞꓳ ꓫꓵ ꓞꓳ ꓙꓰ ꓮ ꓟꓬꓹ ꓐ_ ꓟ ꓕꓱ ꓡꓱ ꓫꓵ ꓥ ꓡꓳ=
ꓝꓮꓲ ꓠꓬꓲꓽ ꓟ ꓕꓲ ꓟ ꓟ ꓠꓬ ꓪꓴ-ꓢ ꓞꓳ ꓤ ꓢꓲꓺ ꓟꓶ ꓐꓯ ꓟ ꓠꓬ ꓦꓵꓻ ꓡ ꓟ ꓗꓪ ꓐꓰ ꓟꓽ ꓥ꓾ ꓒꓬꓱ ꓟꓳ ꓡ ꓟ ꓗꓪ ꓐꓰ ꓟꓽ ꓥ꓾ ꓢꓲ-ꓫꓬ-ꓟ-ꓦ ꓐꓰ ꓬꓲ ꓙꓬ ꓗꓪ ꓐꓰ ꓣꓳ ꓠꓬ ꓪꓴ-ꓢ ꓤ ꓠꓱ ꓪꓴ-ꓢ ꓢꓲꓺ ꓔ ꓟ ꓞꓳ ꓫꓵ ꓒꓬꓱꓼ ꓡ ꓡꓳ= ꓣꓳ ꓠꓬ ꓢꓲ ꓒ ꓬꓰ-ꓢꓴ ꓔꓯ ꓙꓵꓻ ꓟ ꓙꓵꓻ ꓠꓲꓹ ꓐꓰ ꓖꓳ ꓓꓱ ꓔꓲꓹ ꓟꓶ ꓕꓯ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓡꓳ= ꓠꓴ ꓠꓬ ꓮ ꓡꓰ ꓫꓵ ꓞꓳ ꓫꓵ ꓥ ꓢꓷ ꓥ꓾ ꓮ ꓡꓰ ꓫꓵ ꓶ ꓖꓪ ꓥ ꓢꓷ ꓥ꓾ ꓠꓴ ꓠꓬ ꓙꓵꓻ ꓢꓲ ꓠꓬꓲ ꓖꓳ ꓓꓱ ꓔꓲꓹ ꓗꓷ ꓕꓯ ꓐꓹ ꓐ ꓤ ꓔꓲ ꓢꓲ-ꓫꓬ-ꓟ-ꓦ ꓗꓪ ꓐꓰ ꓖꓳ ꓓꓱ ꓔꓲꓹ ꓗꓷ ꓕꓯ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓡꓳ=
ꓢ ꓫꓵ ꓕꓲ ꓫꓵ ꓟ ꓠꓬ꓾ ꓪꓴꓸ ꓓꓵ ꓣꓱ ꓢꓴ ꓠꓬ ꓪꓴ-ꓢ ꓢꓲꓺ ꓔ ꓟ ꓞꓳ ꓫꓵ ꓥ ꓡꓳ= ꓣꓳ ꓠꓬ ꓞꓳ ꓫꓵ ꓞꓳ ꓙꓰ ꓮ ꓟꓬꓹ ꓕꓱ ꓡꓱ ꓟꓽ ꓪ ꓥ ꓟꓲ ꓣꓳ ꓔꓯ ꓣꓱ ꓙ ꓔꓬ ꓟ ꓣꓳ ꓔꓯ ꓧꓳꓽ ꓣꓱ ꓔꓬ ꓟ ꓠꓬ ꓘꓴ ꓜꓲꓼ ꓞꓳ ꓟ ꓠꓬ ꓢꓲ ꓒ ꓬꓰ-ꓢꓴ ꓥ ꓡꓳ ꓐꓰ ꓢꓷꓸ ꓡꓰ ꓝꓲ ꓡꓳ=
ꓡꓲ ꓫꓵ ꓕꓲ ꓫꓵ ꓟ ꓠꓬ꓾ ꓣꓳ ꓞꓳ ꓙꓳ ꓚꓱꓹ ꓠꓬ ꓠꓱꓸ ꓐꓯꓼ ꓟꓽ ꓙꓲ ꓢꓴ ꓡꓰ ꓐꓰ ꓟꓽ ꓞꓳ ꓙꓳ꓾ ꓪꓴ-ꓢ ꓤ ꓠꓱ ꓬꓲ ꓚꓱꓹ ꓪꓴ-ꓢ ꓤ ꓠꓱ ꓬꓲ ꓚꓬꓼ ꓡꓰ ꓐꓰ ꓕꓲ ꓡꓲꓹ ꓠꓵꓻ ꓠꓲꓹ ꓠꓯꓼ ꓗꓪ ꓛꓳ ꓫꓱꓽ_ ꓡꓳ= ꓪꓴ-ꓢ ꓤ ꓠꓱ ꓕꓲ ꓡꓰꓹ ꓐꓰ ꓣꓳ ꓠꓬ ꓜꓲ ꓘꓴꓽ ꓠꓲꓹ ꓟꓳꓸ ꓖꓶ_ ꓟ꓾ ꓪꓴ-ꓢ ꓤ ꓠꓱ ꓡꓰ ꓐꓰ ꓛꓳ ꓫꓱꓽ_ ꓡꓳ= ꓝꓮꓲ ꓠꓬ ꓢꓲ ꓒ ꓬꓰ-ꓢꓴ ꓖꓶ ꓔ ꓟ ꓕꓵꓼ ꓪ ꓬꓲ ꓫꓵꓼ ꓥ ꓟ ꓥꓪ ꓠꓬ ꓠꓴ ꓪ ꓔꓯ ꓠꓲꓹ ꓠꓵ ꓟ ꓡꓰ ꓐꓰ ꓠꓴ ꓪ ꓥ ꓟꓲ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵꓻ ꓐꓰ ꓢꓲ ꓒ ꓬꓰ-ꓢꓴ ꓐꓯ ꓔ ꓟ ꓡꓰ ꓐꓰ ꓪꓴ-ꓢ ꓤ ꓠꓱ ꓪꓴ-ꓢ ꓢꓲꓺ ꓔ ꓟ ꓟꓶ ꓢꓴ ꓪꓴ-ꓢ ꓡ ꓞꓳ ꓐꓴ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵꓻ ꓡꓯ ꓘꓳ ꓟ ꓥꓳ=
ꓝꓮꓲ ꓟꓲꓢꓢꓲꓳꓠ ꓐꓰ ꓐꓯ_ ꓟ ꓪꓴ-ꓢ ꓤ ꓠꓱ ꓒꓬꓱꓼ ꓡ꓾ꓳ ꓐꓯ ꓠꓬ꓾ ꓪꓴ-ꓢ ꓠꓬ ꓮ ꓡꓰ ꓫꓵ ꓪꓴ-ꓢ ꓥ ꓟ꓾ ꓠꓱꓸ ꓐꓯꓼ ꓢꓴ ꓔꓯ ꓐꓯ ꓟꓳꓸ ꓖꓶ ꓠꓹ ꓟ ꓣꓳꓸ ꓚꓵ_ ꓡꓳ= ꓣꓳ ꓙꓵꓻ ꓔꓬ ꓟ ꓪꓴ-ꓢ ꓠꓬ ꓕꓱ ꓡꓱ ꓥ ꓐꓰ ꓐꓯ ꓟ ꓠꓬ ꓪꓴ-ꓢ ꓢꓲꓺ ꓔ ꓟ ꓞꓳ ꓫꓵ ꓐꓴ ꓬꓰ ꓔ ꓟ ꓶꓻ ꓕꓲ ꓟ ꓥ ꓡꓳ= ꓟꓬꓱꓽ ꓕꓲ ꓟ ꓥ ꓡꓳ=
ꓬꓲꓸ ꓟꓶꓽ ꓕꓲ ꓟ ꓟ ꓠꓬ꓾ ꓣꓳ ꓡꓳꓹ ꓬꓰ ꓟ ꓦꓬꓼ ꓠꓬꓲ ꓗꓪ ꓮ ꓡꓰ ꓗꓪ ꓙꓰ ꓡ꓾ ꓐꓯ_ ꓟ ꓢꓷꓸ ꓢꓴ ꓥ ꓡꓳ= ꓣꓳ ꓮ ꓙꓵ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓡꓳ= ꓙꓵꓻ ꓠꓲꓹ ꓕꓱ ꓟ ꓗꓪ ꓐꓰ ꓣꓳ ꓛꓳ ꓫꓱꓽ ꓢꓲ ꓣꓳ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓡꓳ= ꓖꓳ ꓡꓱ ꓠꓬꓲ ꓢꓷꓸ ꓡꓰ ꓓꓴ ꓕꓱ ꓟꓬ ꓫꓵ ꓔꓯ ꓣꓳ ꓢꓷꓸ ꓡꓰ ꓢꓲ ꓠꓬꓲ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓞꓳ ꓙꓳ ꓟ ꓚꓱꓹ ꓗꓪ ꓪꓴ-ꓢ ꓤ ꓠꓱ ꓒꓬꓱꓼ ꓡ ꓟ ꓑꓶ ꓓꓴ ꓗꓹ ꓛꓲ ꓟ꓾ ꓠꓲꓹ ꓒꓴ ꓟ ꓡꓰ ꓟꓽ ꓞꓲ ꓚꓲ ꓛꓬ ꓬꓰ ꓠ ꓔ ꓟ ꓟꓬꓱꓽ ꓔꓯ ꓬꓰ ꓐ ꓡ ꓢꓲ ꓕꓲ ꓠꓬꓲ ꓙꓳ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓒꓵ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ=
