ꓖꓴ ꓟꓶ. ꓗꓳꓣꓰꓮꓠ ꓗꓴꓷꓼ ꓗꓪ ꓟꓲ ꓠꓯ ꓡꓲꓼ ꓒꓰꓼ ꓶꓼ ꓖꓪ ꓔꓯꓺ ꓡꓯꓽ ꓘꓳ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓗꓪ ꓐꓰ Azalea Stars ꓜꓴꓻ ꓠꓬ ꓡꓲ‐ꓢꓴ ꓡꓲꓼ ꓒꓰꓼ ꓖꓪꓽ ꓫꓵꓽ ꓖꓪ ꓢꓲ ꓔꓯꓺ ꓡꓯꓽ ꓘꓳ ꓗꓷ ꓕꓯ ꓡꓯꓼ ꓫꓴꓻ ꓧꓪ. ꓡꓰ ꓟ

7 ꓦ ꓟ 3 ꓠꓬꓲ ꓖꓴ ꓟꓶ. ꓗꓳꓣꓰꓮꓠ ꓗꓴꓷꓼ ꓗꓪ ꓟꓲ ꓠꓯ ꓡꓲꓼ ꓒꓰꓼ ꓶꓼ ꓖꓪ ꓔꓯꓺ ꓡꓯꓽ ꓘꓳ, ꓑꓮꓲꓽ ꓬꓰ ꓗꓷ ꓟ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ Azalea Stars ꓜꓴꓻ ꓠꓬ ꓡꓲ‐ꓢꓴ ꓡꓲꓼ ꓒꓰꓼ ꓶꓼ ꓖꓪ ꓖꓪ ꓢꓲ ꓠꓬꓲ ꓔꓯꓺ ꓡꓯꓽ ꓘꓳ ꓗꓷ ꓟ ꓪꓴ. ꓠꓬꓲ ꓫꓵꓺ ꓡꓯꓼ ꓫꓴꓻ ꓓꓽ ꓪ ꓡꓰꓳ ꓐꓰ ꓐꓯ ꓔ ꓡꓳ꓿

Azalea Stars ꓜꓴꓻ ꓠꓬ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓗꓴꓷꓼ (60) ꓗꓴꓷꓼ ꓔꓯꓺ ꓡꓯ ꓘꓳ ꓗꓷ ꓟ ꓗꓪ ꓐꓰ ꓡꓯ ꓫꓴꓻ ꓪ ꓡꓰ ꓟ ꓥ ꓡꓳ꓿ ꓬꓲ ꓪ ꓜꓴꓻ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓪ ꓔꓯꓺ ꓡꓯ ꓘꓳ_ ꓟ ꓬꓲ ꓔꓶꓻ ꓙꓱꓼ ꓠꓬ ꓝꓮꓲ ꓕꓲ ꓧꓪ, ꓔꓴ ꓡꓯ ꓐꓰ ꓟꓬꓱꓺ ꓔ ꓟ ꓟꓴ ꓖꓪ ꓗꓪ ꓐꓰ ꓔꓯꓺ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓟꓴ ꓖꓪꓽ ꓗꓪ ꓟꓬ‐ꓟ ꓗꓴꓷꓼ ꓗꓪ ꓔꓬ ꓟ ꓞꓳ ꓫꓵꓽ ꓐꓴ ꓮ ꓡꓰ ꓐꓰ ꓡꓲꓼ ꓒꓰꓼ ꓟꓽ ꓪ_ ꓥ ꓟꓲ ꓕꓲ ꓪ ꓔꓬ ꓟ ꓐꓰ ꓟꓵꓽ ꓙꓴ ꓚꓵ, ꓟ ꓐꓰ ꓗꓴꓷꓼ ꓫꓵꓽ ꓪꓴꓽ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓠꓲ, ꓕꓲ ꓪꓼ ꓪꓽ ꓡꓯ ꓘꓳ ꓫꓱ, ꓡꓯꓽ ꓘꓳ ꓠ, ꓟ꓾ ꓥꓳ ꓡꓳ. ꓓꓴ ꓙꓳ ꓠ, ꓟ꓾ ꓠꓲ, ꓫ. ꓟꓬ ꓫ ꓟ ꓔꓯ ꓢꓯꓼ ꓪ ꓝꓮꓲ ꓣꓴ ꓢꓲ ꓠꓬꓲ ꓗꓴꓷꓼ ꓫꓬ, ꓤꓶꓻ ꓠ, ꓟ ꓬꓲ ꓔꓶꓻ ꓙꓱꓼ ꓥ ꓡꓳ ꓐꓰ ꓫ. ꓕꓱ ꓔ ꓡꓳ꓿ ꓬꓲ ꓪ ꓜꓴꓻ ꓡꓯꓼ ꓫꓴꓻ ꓓꓽ ꓪ ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓠꓲ, ꓘꓪ ꓫꓵˍ ꓡꓳ ꓐꓰ ꓝꓮꓚꓰꓐꓳꓳꓗ ꓗꓪ ꓐꓰ ꓢꓷ. ꓪ ꓡꓳ꓿

https://youtu.be/JzNH3eI-5Uc