ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓘꓴ ꓠꓯꓼ ꓗꓪ ꓬꓲ ꓚꓱꓹ (12) ꓚꓱꓹ ꓙꓳ_ꓡꓳ꓾ ꓢꓲ ꓒꓽ ꓬꓰ-ꓢꓴ ꓬꓲ ꓝꓲ ꓓꓴ ꓐꓴ ꓡꓰ ꓐꓰ ꓣꓷꓠꓸ ꓗꓴꓸ ꓡ ꓟ ꓙꓵꓻ ꓚꓱꓹ ꓬꓲ ꓪ ꓗꓪ ꓐꓰ ꓬꓯꓼ ꓡ ꓟ ꓙꓵꓻ ꓚꓱꓹ ꓕꓱ ꓡꓱ (12) ꓚꓱꓹ ꓙꓳ ꓡꓳ=
ꓬꓲ ꓪꓴꓸ ꓕꓲ ꓟ ꓟ ꓠꓬ꓾ ꓮ ꓫꓵ ꓟꓲ ꓬꓰ ꓐ ꓡ ꓢꓴ ꓟꓴ ꓗꓪ ꓐꓰ ꓟꓲ ꓠꓯ ꓚꓰꓼ ꓢꓴ ꓐꓹ ꓐ ꓪꓴ-ꓢ ꓔꓯ ꓥꓪ ꓙꓵꓻ ꓡꓳ= (2) ꓚꓱꓹ ꓠꓬ꓾ ꓪꓴ-ꓢ ꓬꓲ ꓤ ꓔꓲ ꓥꓪ ꓠꓴ ꓢꓲ ꓒꓽ ꓢꓲ ꓒꓽ ꓬꓰ-ꓢꓴ ꓔꓯ ꓥꓪ ꓙꓵꓻ ꓡꓳ ꓐꓰ ꓥ ꓡꓳ= (3) ꓝꓲꓸ ꓗꓪ ꓠꓬ꓾ ꓢꓲ ꓒ ꓬꓰ-ꓢꓴ ꓠꓬ ꓢꓲ-ꓫꓬ-ꓟ-ꓦ ꓢꓯꓼ ꓪ ꓗꓪ ꓐꓰ ꓤ ꓟꓶ ꓡꓯꓸ ꓚꓵ ꓟ-ꓡꓲ-ꓬ ꓢꓲ ꓫꓬ ꓟ-ꓡꓲ-ꓬ ꓠꓯꓼ ꓗꓪ ꓤ ꓶ ꓡꓰ_ ꓡꓳ= (4) ꓝꓲꓸ ꓠꓬ꓾ ꓢꓲ ꓒ ꓬꓰ-ꓢꓴ ꓠꓬ ꓬꓲ ꓤꓶ ꓑꓲ-ꓡ-ꓔꓴ ꓪ ꓔꓲ ꓦꓬꓼ ꓠꓬꓲ ꓗꓪ ꓬꓲ ꓡꓯ ꓒꓯꓹ ꓠꓯꓼ ꓗꓪ ꓫ ꓙꓵ ꓜꓲ ꓢꓲ ꓠꓬꓲ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓕꓯꓼ ꓢꓰꓼ ꓗꓷꓳ=ꓝꓮꓲ ꓬꓲ ꓔꓯ ꓔꓴꓸ ꓗꓷꓳ ꓐꓯ_ ꓟ ꓥ ꓡꓳ= (5) ꓝꓲꓸ ꓗꓪ ꓠꓬ꓾ ꓢꓲ ꓒ ꓬꓰ-ꓢꓴ ꓠꓬ ꓫꓵꓻ ꓢꓲ ꓠꓬꓲ ꓢꓽ ꓠꓬꓲ ꓕꓲ ꓠꓬꓲ ꓕꓯ ꓬꓲ ꓠꓬ ꓢꓯꓸ ꓬꓲꓼ ꓡ ꓡꓳ꓾ ꓐꓯ ꓟ ꓔꓯ ꓙꓵꓻ ꓡꓳ= (6) ꓝꓲꓸ ꓠꓬ꓾ ꓢꓯꓸ ꓬꓲꓼ ꓡ ꓟ ꓢꓲ ꓒ ꓬꓰ-ꓢꓴ ꓠꓬ ꓟꓴ ꓗꓪ ꓗꓪ ꓓꓯ ꓙꓰ ꓢꓲ ꓠꓬꓲ ꓪꓴ-ꓢ ꓬꓲ ꓡꓯꓼ ꓙ ꓕꓲ ꓛꓱ ꓗꓪ ꓠꓬꓲꓸ ꓠꓸ ꓔꓬ ꓡꓳ= (7) ꓝꓲꓸ ꓗꓪ ꓠꓬ꓾ ꓢꓲ ꓒ ꓬꓰ-ꓢꓴ ꓠꓬ ꓫꓵꓻ ꓢꓴ ꓐꓰ ꓫꓸ ꓢꓴ ꓮ ꓙꓵ ꓔꓯ ꓐꓯ ꓟꓴ ꓘꓶꓽ ꓠꓹ ꓟ ꓬꓲ ꓝꓮꓲ ꓕꓲ ꓧꓪꓹ ꓛꓲ ꓡ ꓫꓵ ꓥꓳ꓾ ꓐꓯ_ ꓟ ꓔꓯ ꓙꓵꓻ ꓡꓳ= (8) ꓝꓲꓸ ꓗꓪ ꓠꓬ ꓢꓲ-ꓫꓬ-ꓟ-ꓦ ꓔꓯ ꓙꓵꓻ ꓡꓳ꓾ (9) ꓝꓲꓸ ꓠꓬ꓾ ꓗ–ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓘꓴꓽ ꓠꓯꓼ ꓗꓪ ꓙꓲ ꓫꓬ ꓢꓴ ꓮ ꓙꓵ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓣꓱ ꓛꓰ ꓑꓯꓹ ꓟꓶ ꓡꓯ ꓘꓳ ꓟ ꓔꓯ ꓙꓵꓻ ꓡꓳ꓾ ꓕꓲ ꓣꓳ ꓪꓽ ꓘꓴ ꓙ ꓟ ꓕꓲ ꓣꓳ ꓪ ꓡꓳ꓾ (10) ꓝꓲꓸ ꓠꓬ꓾ ꓝꓴꓲ ꓖꓽ ꓖꓶ ꓟꓶ_ ꓟ ꓔꓯ ꓟꓲ ꓙꓵꓻ ꓡꓳ= (11) ꓝꓲꓸ ꓠꓬI ꓕꓲ ꓠꓬꓲ ꓙꓳ ꓠꓬ ꓫꓵꓺ ꓢꓴ ꓮ ꓙꓵ ꓢꓯꓸ ꓬꓲꓼ ꓡ ꓥꓳ꓾ (12) ꓝꓲꓸ ꓠꓬ꓾ ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓟꓶ ꓟ ꓔꓯ ꓙꓵꓻ ꓥꓳ=
ꓖꓳ ꓡꓱ ꓠꓬꓲ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓠꓬ ꓕꓱ ꓡꓱ 12 ꓙꓵ ꓔꓯ ꓙꓵꓻ ꓔꓬ ꓡꓳ=ꓠꓱꓸ ꓐꓯꓼ ꓮ ꓫꓵ ꓔꓯ ꓟꓲ ꓟꓽ ꓙꓵꓻ ꓔꓬ꓾ ꓗ-ꓕꓳ-ꓡꓲꓗ ꓙꓵꓻ ꓚꓱꓹ 12 ꓚꓱꓹ ꓥ ꓡꓳ= ꓕꓱ 12 ꓚꓱꓹ ꓠꓯꓼ ꓘꓴ ꓗꓪ ꓡꓰ ꓙꓵꓻ ꓔꓬ ꓟ ꓥ ꓡꓳ=
