ꓪꓴ‐ꓢ ꓠꓬ ꓬꓲ ꓒꓬꓱꓽ ꓔꓯ ꓫꓱ.ˍꓟ ꓟꓲ ꓠꓯ ꓞꓳ ꓤ ꓮ ꓙꓵꓽ ꓦ ꓕꓲ ꓒꓳ, ꓟꓽ ꓟꓶ ꓡꓰ ꓠ, ꓟ ꓮ ꓕꓯ ꓥˍꓟꓲ ꓬꓰ ꓡꓳ. ꓙ ꓔꓬ ꓟ ꓥ ꓡꓳ꓿ꓠꓬꓲꓽ ꓠꓬꓲꓽ ꓟ ꓢꓲ ꓫꓬ ꓕꓳꓽ ꓶ ꓗꓪ ꓮ ꓣꓳ ꓕꓲ ꓦꓬ ꓟ ꓙꓳ ꓢꓲ ꓕꓲ ꓟ ꓒꓲꓼ ꓬꓰ ꓠꓬ꓾ꓗꓴ ꓞꓲ ꓗꓴ ꓟ ꓔꓯ ꓡꓲ ꓛꓲ ꓗꓪ ꓗꓶ ꓔ ꓬꓰ ꓢꓲ ꓒꓲꓼ ꓬꓰ ꓟ ꓖꓳ ꓕꓲ ꓟ ꓟꓽ ꓧꓪ ꓟꓶ ꓕ ꓑꓳ. ꓧꓪ ꓙꓰ ꓡꓳ꓿ꓧꓪ ꓟꓶ ꓗꓷ ꓠꓬ ꓬꓲ ꓠꓽ ꓬꓲ ꓮ ꓣꓳ ꓔꓯ ꓡꓯꓼ ꓒꓶ ꓗꓪ ꓑꓱ. ꓔ ꓢꓲ ꓗ, ꓛꓲˍ ꓥꓳ꓿ꓖꓳ ꓡꓰ ꓢꓲ ꓦꓲ., ꓗꓪ ꓬꓲ ꓛꓲ ꓡ ꓠꓬ ꓬꓲ ꓗꓪ ꓛꓳꓽˍ ꓐꓰ ꓠꓶꓽ ꓛꓳ ꓕꓲ ꓛꓳꓽ ꓐꓴ ꓔꓯ ꓘꓴ ꓜꓲꓼ ꓡ ꓢꓲ ꓠꓬꓲ꓾ ꓥꓪ ꓮ ꓣꓳ ꓒꓲꓼ ꓬꓰ ꓟ ꓧꓪ ꓟꓶ ꓡꓰꓳ꓾ ꓖꓳ ꓡꓰ ꓠꓬꓲ ꓥꓪˍꓐꓰ ꓕꓲꓽ ꓡꓰ,ˍ ꓗ, ꓛꓲ ꓡꓯ꓾ ꓐꓰ ꓥꓳ ꓕꓯ ꓗꓪ ꓐꓰ ꓐꓯ ꓟ. ꓖꓶ ꓔ ꓡꓳ꓿ ꓝꓮꓲ ꓡꓴ‐ꓘ ꓕꓳꓽ ꓶ 15ꓽ 11‐32 ꓝꓲ. ꓔꓯ ꓵ ꓠꓬꓲꓽ ꓕꓯ ꓥˍꓟꓲ ꓐꓯ ꓟꓽ ꓕ ꓟ ꓬꓲ ꓤ ꓠꓬ ꓓꓵ ꓙ ꓒꓳ, ꓡꓰ ꓡ ꓢꓲ꓾ ꓬꓲ ꓐꓽ ꓐ ꓔꓬ ꓗꓪ ꓡꓽ ꓡ ꓕꓯ ꓬꓲ ꓐꓽ ꓐ ꓥˍꓟꓲ ꓠꓲ., ꓠꓵ ꓟ ꓠꓲ, ꓟ ꓡꓰ ꓘꓴ ꓣꓴ ꓖꓶ ꓢꓲ ꓗ, ꓛꓲ ꓑꓮꓲ ꓬꓰ ꓖꓶˍꓟ ꓔꓯ ꓡꓳ. ꓠꓬꓲ ꓕꓯ ꓐꓽ ꓐ ꓪꓴ‐ꓢ ꓠꓬ ꓣꓳ ꓟꓲ ꓠꓯ ꓞꓳ ꓤ ꓔꓯ ꓮ ꓟꓬ ꓛꓲ ꓠꓲ., ꓠꓵ ꓟ ꓠꓵ, ꓠꓲ., ꓔꓯ ꓡꓳ. ꓟꓳ ꓪ ꓕ ꓡꓳ꓿
ꓐꓽ ꓐ ꓪꓴ‐ꓢ ꓠꓬ ꓝꓴꓲ. ꓕꓯ ꓟꓽ ꓠꓲ., ꓫꓵ ꓥˍꓟꓲ ꓟꓲ ꓠꓯ ꓞꓳ ꓤ ꓮ ꓙꓵꓽ ꓬꓲ ꓠꓯ, ꓗꓪ ꓛꓳ ꓙ ꓑꓳ, ꓡꓰ ꓡ ꓢꓲ꓾ ꓡ ꓢꓴ ꓣꓳ ꓐꓴ ꓮ ꓙꓵꓽ ꓔꓯ ꓠꓲ., ꓠꓵ ꓢꓲ ꓐꓽ ꓐ ꓪꓴ‐ꓢ ꓬꓲ ꓠꓵ, ꓠꓲ., ꓔꓯ ꓢꓷ. ꓡꓰ ꓠ, ꓟ ꓠꓬꓲꓽ ꓠꓬꓲꓽ ꓟ ꓢꓲ ꓫꓬ ꓕꓳꓽ ꓶ ꓗꓪ ꓐꓰ ꓦ ꓢꓯꓼ ꓪ ꓖꓶ ꓡ ꓟ ꓥ ꓡꓳ꓿ ꓮ ꓙꓵꓽ ꓢꓴ ꓔꓯ ꓫ. ꓟꓳ ꓪ꓿
