ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓮ ꓙꓵꓽ ꓢꓴ ꓧꓪ. ꓧꓪ.꓾ ꓢ. ꓠꓯ ꓠꓬ ꓑꓰꓠꓔꓰꓚꓳꓢꓔ ꓐꓰ ꓐꓯˍ ꓟ ꓢꓲꓽ‐ꓪꓬ‐ꓟ‐ꓦ‐ꓪꓴ‐ꓢ ꓬꓯꓼ ꓡˍ ꓟ ꓑꓮꓲꓽ ꓔꓯ ꓣꓳꓽ ꓬꓰˍ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓕꓱ ꓟ ꓗꓪ 40 ꓦꓬꓽ 40 ꓠꓬꓲ ꓔꓬ ꓗꓷ ꓗ ꓠꓯ. ꓟꓴꓽ ꓗꓪ ꓗꓪ ꓓꓯꓻ ꓙꓰꓳ꓿ ꓬꓲ ꓓꓯꓻ ꓙꓰ ꓗꓷ ꓗ ꓠꓯ. ꓢꓲ ꓒ ꓬꓰ‐ꓢꓴ ꓠꓬ ꓢꓲꓽ‐ꓫꓬ‐ꓟ‐ꓦ ꓔꓯ ꓝꓲ ꓩꓴ ꓡˍ ꓡꓳ꓿ ꓬꓲ ꓡꓰ ꓟꓽ ꓠꓽ ꓠꓽ ꓘꓶ. ꓖꓶꓽ ꓡˍ ꓟ ꓡꓰ ꓐꓰ “ꓠꓴ ꓪ ꓔꓯ ꓢꓲꓽ‐ꓫꓬ‐ꓟ‐ꓦ ꓔꓯ ꓝꓲ ꓩꓴ ꓖꓶ ꓡˍ ꓥꓳ꓿ ꓠꓴ ꓪ ꓔꓯ ꓬꓰ ꓙ ꓢꓴ꓾ ꓠꓴ ꓪ ꓔꓯ ꓠꓬꓲ ꓡꓳ. ꓢꓴ꓾ ꓠꓴ ꓪ ꓔꓯ ꓠꓲ, ꓗꓴ ꓟꓬ ꓗꓴ ꓖꓶ ꓢꓴ ꓢꓲꓽ‐ꓫꓬ‐ꓟ‐ꓦ ꓔꓯ ꓥꓪ ꓝꓲ ꓩꓴ ꓖꓶ ꓡˍ ꓥꓳ” ꓐꓰ ꓐꓯ ꓔ ꓡꓳ꓿
ꓬꓳ‐ꓦ 14:15-16, 23-26
ꓠꓴ ꓪꓽ ꓥꓪ ꓔꓯ ꓠꓲꓹ ꓠꓵˍ ꓠꓬ꓾ ꓥꓪ ꓕꓵꓼ ꓪ ꓠꓴ ꓪꓽ ꓒꓵꓽ ꓛꓳˍ ꓥꓳ꓿ ꓖꓳ ꓡꓱ ꓢꓲ ꓐꓹ ꓐ ꓡꓰ ꓠꓲꓹ ꓗꓴꓺ ꓖꓶ ꓢꓴ ꓬꓲ ꓔꓱꓹ ꓬꓲ ꓕꓲ ꓣꓳ ꓠꓴ ꓪꓽ ꓔꓯ ꓖꓶ ꓡ ꓠꓹ ꓟ ꓥꓪ ꓡꓰ ꓬꓲ ꓔꓯ ꓓꓰꓽˍ ꓥꓳ꓿ ꓬꓲ ꓠꓬ ꓠꓴ ꓪꓽˍ ꓐꓰ ꓕꓲ ꓞꓲꓼ ꓕꓲ ꓑ ꓔꓬ ꓥꓳ꓿
ꓬꓰ-ꓢꓴ ꓡꓰ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓮꓽ ꓟ ꓥ ꓟꓲ ꓥꓪ ꓔꓯ ꓠꓲꓹ ꓠꓵ ꓢꓴ ꓠꓬ ꓥꓪ ꓐꓯ ꓘꓶ ꓒꓵꓽ ꓛꓳˍ ꓥꓳ꓿ ꓥꓪ ꓐꓹ ꓐˍ ꓟꓲ ꓬꓲ ꓔꓯ ꓠꓲꓹ ꓠꓵ ꓢꓲ꓾ ꓥꓪ ꓠꓴꓽ ꓠꓬ ꓬꓲ ꓔꓯ ꓡ ꓢꓲ ꓠꓬꓲ ꓬꓲꓸˍ ꓐꓰ ꓔꓬ ꓡ ꓥꓳ꓿ꓥꓪ ꓔꓯ ꓟꓽ ꓠꓲꓹ ꓠꓵ ꓢꓴ ꓠꓬ ꓥꓪ ꓐꓯ ꓘꓶ ꓟꓽ ꓒꓵꓽ ꓛꓳ꓿ ꓠꓴ ꓪꓽ ꓑ ꓙꓽˍ ꓟ ꓐꓯ ꓘꓶ ꓠꓬ ꓥꓪ ꓚꓲꓸ ꓛꓬ ꓔꓯꓸ ꓟ ꓟꓽ ꓥ꓿ ꓥꓪ ꓔꓯ ꓝꓲ ꓩꓴ ꓡ ꓢꓴ ꓐꓹ ꓐ ꓐꓯ ꓘꓶꓽ ꓥ ꓡꓳ꓿ ꓕꓱ ꓟꓬ ꓙꓰꓽ ꓟ ꓠꓬ꓾ ꓠꓴ ꓪꓽˍ ꓐꓰ ꓔꓬ ꓕꓯˍ ꓡꓰ ꓠꓴ ꓪꓽ ꓔꓯ ꓥꓪ ꓐꓯ ꓖꓶ ꓗꓷꓳ꓿ꓖꓳ ꓡꓱ ꓥ ꓟꓲ ꓐꓹ ꓐ ꓡꓰ ꓥꓪ ꓟꓬꓱꓺ ꓗꓪ ꓐꓰ ꓝꓲ ꓩꓴ ꓡ ꓠ ꓟ꓾ ꓠꓲꓹ ꓟ ꓗꓴ ꓖꓶ ꓢꓴ ꓢꓲ-ꓫꓬ-ꓟ-ꓦ ꓡꓰ ꓠꓴ ꓪꓽ ꓔꓯ ꓮꓽ ꓙꓵ ꓡꓱꓸꓼ ꓟꓸ ꓖꓶ ꓡ ꓢꓲ꓾ ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓟ ꓮꓽ ꓙꓵ ꓓꓵꓽ ꓙ ꓛꓲ ꓡ ꓝꓲˍ ꓥꓳ꓿
