ꓕꓱ ꓕꓲ ꓫꓵ ꓠ ꓠꓬ꓾ ꓢꓲ ꓒ ꓬꓰ-ꓢꓴ ꓬꓲꓸ ꓟꓹ ꓟ꓾ ꓣꓳ ꓟꓹ ꓟ ꓢꓲ ꓫꓬ ꓟ-ꓡꓲ-ꓬ ꓚꓱꓹ ꓔꓯ ꓠ ꓠꓹ ꓓꓴ ꓬꓰ ꓡꓯ꓾ ꓬꓲ ꓠꓬ ꓲꓟꓮꓚꓴꓡꓮꓔꓰ ꓚꓳꓠꓚꓰꓑꓔꓲꓳꓠ ꓐꓯ_ ꓟ ꓝꓴꓲ ꓟꓽ ꓙꓳ ꓖꓳ ꓓꓱꓽ ꓠꓬꓲꓽ ꓔꓱꓹ ꓐꓲ_ ꓟ ꓤ ꓟꓶ ꓡꓯꓸ ꓚꓵ ꓥ ꓡꓳ= ꓪꓴ-ꓢ ꓠꓬ ꓟꓲ ꓠꓯ ꓞꓳ ꓤ ꓔꓯ ꓢꓲꓺ ꓣꓴ ꓠꓹ ꓟ ꓐꓱ ꓶ ꓤ ꓔꓲ ꓔꓯ ꓟꓲ ꓠꓯ ꓕꓱ ꓟ ꓗꓪ ꓝꓲ ꓩꓴ ꓗꓷ_ ꓡꓳ= ꓕꓱ ꓡꓱ ꓐꓰ ꓝꓲ ꓩꓴ ꓗꓷ ꓟ ꓗꓪ ꓤ ꓟꓶ ꓡꓯꓸ ꓚꓵ ꓕꓲ ꓣꓳ ꓔꓯ ꓟꓵꓽ ꓟꓽ ꓚꓰꓼ ꓕꓯ ꓡꓰ ꓬꓲ ꓢꓲꓺ ꓔ ꓡꓳ= ꓮ-ꓓꓯ ꓐꓰ ꓰ-ꓪ ꓠꓬ ꓝꓴꓲ ꓬꓰ ꓗꓷ ꓗꓸ ꓠꓯꓸ ꓪꓴ-ꓢ ꓠꓬ ꓐꓱ ꓘꓶꓽ ꓕꓲ ꓟ ꓖꓶ ꓔ ꓡꓳ= ꓬꓲ ꓚꓰ ꓬꓲ ꓪꓴꓸ ꓕꓳ ꓶ 3ꓽ15 “ꓥꓪ ꓡꓰ ꓠꓴ ꓪ ꓐꓰ ꓤ ꓟꓶ ꓤ ꓔꓯ ꓛꓴꓽ ꓙꓳ ꓡꓯ ꓘꓳ ꓝꓲ_ ꓥꓳ= ꓠꓴ ꓞꓲꓼ ꓤ ꓡꓯ ꓤ ꓐꓰ ꓬꓲ ꓞꓲꓼ ꓤ ꓡꓯꓸ ꓤꓼ ꓟꓲ ꓛꓴ ꓙꓳ ꓡꓯ ꓘꓳ_ ꓥꓳ= ꓬꓲ ꓞꓲꓼ ꓤ ꓡꓯꓹ ꓤ ꓡꓰ ꓠꓴ ꓪꓴꓸ ꓓꓵ ꓔꓯ ꓔꓲꓸ ꓠꓻ ꓡꓰ ꓝꓲ_ ꓥꓳ= ꓠꓴ ꓞꓲꓼ ꓤ ꓡꓯꓹ ꓤ ꓲ ꓬꓲ ꓛꓲ ꓒꓯꓹ ꓔꓯ ꓕꓳꓹ ꓠꓻ ꓡꓰ ꓝꓲ_ ꓥꓳ=” ꓕꓱ ꓟ ꓠꓬ ꓢꓲ ꓫꓬ ꓟ-ꓡꓲ-ꓬ ꓔꓯ ꓐꓳ ꓔ ꓫꓵ ꓥ ꓡꓳ=
ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓟꓲ ꓠꓯ ꓕꓱ ꓟ ꓗꓪ ꓪꓴ-ꓢ ꓠꓬ ꓞꓳ ꓤ ꓮ ꓙꓵ ꓟ ꓕꓯ ꓢꓲ ꓗꓪ ꓢꓲ ꓫꓬ ꓟ-ꓡꓲ-ꓬ ꓔꓯ ꓬꓲ ꓢꓲꓺ ꓔ ꓡꓳ= ꓢꓲ ꓒ ꓬꓰ-ꓢꓴ ꓚꓳ ꓗꓳꓸ ꓙꓰ ꓠꓬ ꓒꓵꓽ ꓓꓰ ꓡꓰ_ ꓟ꓾ ꓙꓲ ꓫꓬꓹ ꓓꓰ ꓡꓰ_ ꓟ ꓥ ꓡꓳ= ꓮ ꓫꓵ ꓑꓶ ꓓꓴ ꓥ ꓡ꓾ ꓬꓰ-ꓢꓴ ꓙꓲ-ꓢꓴ ꓬꓲ ꓮ ꓟ ꓬꓰ ꓗꓷ ꓟ ꓑꓶ ꓓꓴ ꓥ ꓡꓳ= ꓖꓳ ꓡꓱ ꓠꓬꓲ ꓬꓲ ꓠꓬ ꓝꓴꓲ ꓕꓲ ꓫꓵ ꓟꓲ ꓽ ꓙꓳ ꓟ ꓑꓶ ꓓꓴ ꓟꓴ ꓗꓪ ꓗꓴꓷꓼ ꓗꓪ ꓗꓼ ꓛꓲ ꓬꓰ ꓟ ꓣꓳ ꓢꓷꓸ_ ꓡꓳ= ꓝꓮꓲ ꓣꓳ ꓮ ꓙꓵ ꓢꓴ ꓔꓯꓺ ꓢꓳꓺ ꓓꓴ ꓬꓲ ꓡꓰ ꓚꓬꓹ ꓗꓷ ꓟ ꓥꓳ= ꓝꓴꓲ ꓽ ꓙꓳ ꓢꓴ ꓕꓲ ꓣꓳ ꓮ ꓡꓰ ꓐꓰ ꓞꓳ ꓙꓳ_ ꓟ꓾ ꓮ ꓡꓰ ꓐꓰ ꓫꓸ ꓕꓱ_ ꓟ ꓮ ꓙꓵ ꓬꓲ ꓡꓰ ꓣꓳ ꓔꓯ ꓟꓳꓸ ꓖꓶ ꓗꓷ ꓟ ꓥꓳ= ꓚꓮꓔꓧꓳꓡꓲꓚ ꓘꓴ ꓜꓲꓼ ꓞꓳ ꓠꓬ ꓢꓲ ꓒ ꓬꓰ-ꓢꓴ ꓬꓲ ꓮ ꓟ ꓔꓯ ꓚꓲ ꓛꓬ ꓮ ꓟ ꓕꓲ ꓣꓳ ꓡꓰ ꓐꓰꓓꓵꓽ ꓙ ꓢꓲ ꓠꓬꓲ ꓮ ꓟꓶ ꓗꓪ ꓛꓲ ꓒꓵꓽ ꓗꓹ ꓬꓰ ꓢꓲ ꓠꓬꓲ ꓬꓲ ꓔꓯ ꓫ ꓟꓳ ꓔꓬ ꓟ ꓥ ꓡꓳ=
