ꓢꓲ ꓡꓲ ꓟ ꓐꓰ ꓗ, ꓛꓲꓽ ꓠꓲ, ꓔꓯ ꓮ ꓡꓲ ꓗꓪ ꓧꓪ ꓠꓯ, ꓡ ꓿ ꓢꓲ ꓡꓲ ꓟ ꓔꓯ ꓒꓴ ꓗꓪ ꓐꓰ ꓪꓴꓻ ꓟꓶ ꓟꓽ ꓓ ꓐꓯˍ ꓟ ꓐꓯ ꓘꓶꓽ ꓙꓳˍ ꓡꓳ꓿ ꓝꓲ‐ꓓꓴ 14ꓽ19‐28 ꓗꓪ ꓝꓲ ꓓꓴ ꓒꓳ‐ꓡꓳ ꓠꓬ ꓶꓼ ꓓꓳꓽ ꓫꓱ, ꓓꓳꓽ ꓚˍ ꓟ ꓑꓶ. ꓓꓴ ꓬꓲ ꓔꓯ ꓭ. ꓛꓲ ꓡꓰ ꓡꓳ ꓢꓲ ꓘꓶꓻ ꓙꓵˍ ꓡꓳ꓿ ꓬꓲ ꓔꓯ ꓫꓵꓻꓳ ꓐꓰ ꓓꓵꓽ ꓙ ꓢꓲ ꓡꓳ ꓒꓱ ꓬꓲ ꓐꓽ ꓢꓲ ꓗꓪ ꓖꓳꓻ ꓓꓳ ꓙꓰˍ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓬ ꓔꓴ ꓡ ꓢꓲ ꓶꓼ ꓓꓳꓽ ꓫꓱ, ꓓꓳꓽ ꓔꓯ ꓝ. ꓢꓲ ꓚ ꓟ. ꓖꓶˍ ꓡꓳ꓿ ꓕꓱ ꓟ ꓬꓲ ꓟ. ꓟꓲꓽ ꓠꓬ ꓬꓲ. ꓬꓲ ꓢꓲ ꓠꓬ꓾ ꓬꓰ‐ꓢꓴ ꓠꓯꓸꓼ ꓗꓪ ꓞꓳ ꓙꓳ ꓢꓯ. ꓔꓬ ꓢꓴ ꓔꓯ ꓮ ꓡꓲ ꓫꓵꓽ ꓚꓱ, ꓗꓪ ꓐꓰˍ ꓟꓲ ꓠꓲ, ꓟ ꓙꓬ ꓡꓰ ꓠ ꓬꓰ ꓟꓽ ꓐ ꓡ꓾ ꓐꓯˍ ꓟ ꓥ ꓡꓳ꓿
ꓕꓲ ꓧꓪ, ꓙꓳˍ ꓕꓯ ꓟꓬ‐ꓟ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓬꓰ ꓡˍ ꓟ ꓔꓲ ꓒ ꓕꓲꓽ ꓣꓳ ꓔꓯ ꓞꓳ, ꓚ ꓡꓰ ꓞꓳ, ꓢꓲ ꓬꓲꓻ ꓙꓬ ꓗꓪ ꓐꓴ ꓙꓰ ꓝꓲ ꓠ, ꓟ ꓙꓽ ꓖꓶˍ ꓡꓳ꓿ ꓖꓳ ꓕꓯ ꓔꓲ ꓒ ꓖꓳ ꓕꓲ ꓣꓳ ꓠꓬ “ꓟꓽ ꓛꓵꓻ꓿ ꓥꓪ ꓠꓬ ꓟꓴꓽ ꓗꓪ ꓗꓴꓷꓼ ꓗꓪ ꓬꓲꓻ ꓙꓬ ꓗꓪ ꓐꓰ ꓙꓰ ꓪˍ ꓥ ꓟꓲ꓾ ꓥꓪ ꓙꓰ ꓛꓵˍ ꓡꓳ” ꓐꓰ ꓬꓲ ꓔꓯ ꓬꓲꓻ ꓙꓬ ꓗꓪ ꓐꓴ ꓙꓰ ꓝꓲ ꓠ, ꓟ ꓙꓽ ꓖꓶ ꓔꓬ ꓢꓴ ꓐꓴ ꓔꓯ ꓐꓯ ꓖꓶˍ ꓡꓳ꓾ ꓐꓰ ꓐꓯˍ ꓟ ꓬꓲ ꓟ. ꓟꓲꓽ ꓙꓳˍ ꓡꓳ꓿
ꓪꓴ‐ꓢ ꓐꓰ ꓕꓲ ꓪ ꓞꓳ ꓙꓳ ꓔꓬ ꓢꓴ ꓐꓴ ꓔꓯ ꓮ ꓡꓲ ꓕꓲ ꓫꓵꓽ ꓥˍˍ ꓟꓲ ꓥꓳ ꓡꓳ. ꓓꓴ ꓒꓲꓼ ꓡꓰ ꓠ ꓬꓰ ꓟꓽ ꓐ ꓡ꓿ ꓬꓲ ꓪ ꓠꓬ꓾ ꓬꓲ ꓪ ꓐꓱ ꓶ ꓡꓯꓼ ꓫꓴ ꓠꓬ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ꓾ ꓪꓴ‐ꓢ ꓐꓰ ꓕꓲ ꓞꓲꓼ ꓔꓬ ꓪˍ ꓟ ꓥ ꓡꓳ꓾ ꓐꓯˍ ꓟ ꓔꓯ ꓕꓲ ꓖꓳ ꓓꓱꓽ ꓕꓲ ꓠꓲ, ꓟ ꓡꓱꓸꓼ ꓙꓵꓻ ꓢꓲ ꓞꓳ ꓙꓳ ꓔꓬ ꓢꓴ ꓐꓴ ꓡꓰꓽ ꓥ ꓡꓳ꓿
ꓟꓲ ꓠꓯ ꓗꓪ ꓞꓳ ꓙꓳ ꓢꓯ. ꓔꓬ ꓟ ꓣꓳ ꓐꓴ ꓠꓬ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓐꓯˍ ꓟ ꓕꓲꓽ ꓞꓲꓼ ꓕꓶꓺ ꓞ, ꓟ ꓔꓶ ꓙꓱꓼ ꓔꓯ ꓥꓳ ꓡꓳ. ꓢꓲ ꓠꓬꓲ ꓢꓯ. ꓔꓬ ꓓꓴ ꓬꓰ ꓡꓯ꓿
