ꓪꓴ-ꓢ ꓠꓬ ꓟꓲ ꓠꓯ ꓗꓪ ꓙꓱ ꓤ ꓙꓱ ꓟꓲ꓾ ꓢꓲꓹ ꓜꓲ ꓡꓳ ꓟꓰ ꓮ ꓟꓬꓹ ꓬꓲ ꓚꓰꓼ ꓔ ꓡꓳ= ꓟꓳ ꓓ_ ꓟ ꓟꓳ ꓟꓽ ꓓꓹ ꓟ ꓮ ꓙꓵ ꓬꓲ ꓡꓰ ꓚꓰꓼ ꓔ ꓡꓳ= ꓕꓱ ꓡꓱ ꓐꓰ ꓵ ꓖꓴ ꓟꓽ ꓓ꓾ ꓪꓴ ꓖꓴ ꓟꓽ ꓓ ꓙꓳ_ ꓟ ꓟꓲ ꓠꓯ ꓕꓱ ꓟ ꓗꓪ ꓬꓲ ꓫꓵ ꓬꓲ ꓙꓰ ꓘꓴꓽ ꓠꓯꓼ ꓗꓪ ꓞꓳ ꓤ ꓕꓲ ꓫꓵ ꓡꓰ ꓬꓲ ꓚꓰꓼ ꓢꓴ ꓢꓲ ꓒꓽ ꓬꓲ ꓔꓯ ꓚꓰꓼ ꓢꓴ ꓪꓴ-ꓢ ꓔꓯ ꓢꓷꓸ ꓗꓴꓸ_ ꓡꓳ= ꓠꓱꓸ ꓐꓯꓼ ꓮ ꓫꓵ ꓙꓱ ꓤ ꓥ ꓟꓲ ꓮ ꓫꓵ ꓥ ꓟꓲ ꓚꓰꓼ ꓢꓴ ꓪꓴ-ꓢ ꓔꓯ ꓢꓷꓸ ꓟꓽ ꓗꓴꓸ꓾ ꓞꓳ ꓤ ꓡꓰ ꓪꓴ-ꓢ ꓔꓯ ꓢꓷꓸ ꓘꓴ_ ꓟ ꓬꓲ ꓔꓯ ꓠꓲꓹ ꓠꓵ ꓘꓴ_ ꓟ ꓥ ꓡꓳ= ꓮ ꓫꓵ ꓑꓶ ꓓꓴ ꓥ ꓡ ꓐꓯ ꓠꓬ꓾ ꓚꓰꓼ ꓢꓴ ꓪꓴ-ꓢ ꓠꓬ ꓬꓲ ꓚꓰꓼ ꓔ ꓟ ꓮ ꓙꓵ ꓟ ꓘꓴ ꓗꓪ ꓞꓳ ꓤ ꓔꓯ ꓡꓰ ꓬꓲ ꓐꓱ ꓶ ꓚꓰꓼ ꓔ ꓡꓳ= ꓬꓲ ꓠꓲꓹ ꓠꓵ ꓓꓴ ꓬꓲ ꓔꓯ ꓫꓱꓸ_ ꓟ ꓒꓬꓱꓽ꓾ ꓬꓲ ꓔꓯ ꓫꓱꓸ_ ꓟ ꓦ꓾ ꓬꓲ ꓡꓰ ꓚꓰꓼ ꓔ ꓡꓳ= ꓕꓱ ꓟ ꓡꓰ ꓟꓽ ꓞꓲ ꓬꓲ ꓐꓰ ꓢꓯꓼ ꓟꓬ ꓑ ꓟꓶ ꓠꓹ ꓟ ꓬꓲ ꓢꓯꓼ ꓟꓬ ꓠꓯꓼ ꓘꓴ ꓗꓪ ꓓꓵ ꓡ ꓠꓹ ꓟ꓾ ꓬꓲ ꓠꓲꓹ ꓟ ꓠꓯꓼ ꓘꓴꓽ ꓗꓪ ꓓꓵ ꓡ ꓠꓹ ꓟ ꓬꓲ ꓠꓬ ꓠꓲꓹ ꓡꓶꓽ ꓙꓳ_ ꓡꓳ= ꓖꓳ ꓡꓱ ꓠꓬꓲ ꓪꓴ-ꓢ ꓙꓵ_ ꓟ ꓪꓴ-ꓢ ꓠꓵꓻ ꓠꓲꓹ ꓔꓯ ꓬꓲ ꓠꓬ ꓞꓳ ꓤ ꓔꓯ ꓐꓱ ꓖꓶ_ ꓡꓳ= ꓪꓴ-ꓢ ꓡꓰ ꓐꓰ ꓞꓳ ꓤ ꓠꓬ ꓠꓲꓹ ꓠꓵꓻ ꓗꓴꓸ_ ꓡꓳ= ꓢꓷꓸ ꓠꓲꓹ ꓢꓷꓸ ꓗꓴꓸ_ ꓡꓳ= ꓮ ꓫꓵ ꓥ ꓟꓲ ꓓꓵꓽ ꓙ ꓗꓴꓸ_ ꓡꓳ= ꓕꓱ ꓟ ꓠꓬ ꓪꓴ-ꓢ ꓔꓬ ꓗꓪ ꓐꓰ ꓟꓶ_ ꓟ ꓞꓳ ꓤ ꓡꓯꓼ ꓫꓴ ꓥ ꓡꓳ=
