ꓪꓴ‐ꓢ ꓡꓰ ꓣꓳ ꓔꓯ ꓠꓲ, ꓠꓵˍ ꓟ ꓢꓲꓽ ꓫꓬ ꓕꓳꓽ ꓶ ꓝꓲ.꓾ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓠꓱ. ꓐꓯ ꓢꓴ ꓔꓯ ꓠꓲ, ꓠꓵ ꓠ, ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓐꓴ ꓔꓯ ꓐꓯ ꓟ. ꓖꓶ ꓩꓴ ꓡˍ ꓥꓳ꓿
ꓬꓳ‐ꓦ 15ꓽ9‐10
ꓐ, ꓐ ꓥꓪ ꓔꓯ ꓠꓲ, ꓠꓵˍ ꓟˍ ꓡꓰ ꓐꓰ꓾ ꓥꓪˍ ꓟꓲ ꓠꓴ ꓪ ꓔꓯ ꓠꓲ, ꓠꓵˍ ꓡꓳ꓿ ꓠꓴ ꓪ ꓠꓬ ꓥꓪ ꓠꓵ ꓠꓲ, ꓠꓯꓸꓼ ꓗꓪ ꓔꓬ꓿ ꓐ, ꓐ ꓕꓵꓼ ꓪ ꓔꓯ ꓥꓪ ꓒꓵꓽ ꓛꓳ ꓢꓲ ꓬꓲ ꓠꓵ ꓠꓲ, ꓗꓪ ꓔꓬ ꓟˍ ꓡꓰ ꓐꓰ꓾ ꓥꓪ ꓕꓵꓼ ꓪ ꓔꓯ ꓠꓴ ꓪ ꓒꓵꓽ ꓛꓳˍ ꓠꓬ꓾ ꓥꓪ ꓠꓵ ꓠꓲ, ꓠꓯꓸꓼ ꓗꓪ ꓠꓴ ꓪ ꓔꓬ ꓟꓶˍ ꓥꓳ꓿
ꓣꓳ‐ꓟ 8ꓽ37‐39
ꓖꓳ ꓡꓱ ꓥˍ ꓟꓲ ꓣꓳ ꓔꓯ ꓠꓲ, ꓠꓵ ꓢꓴ ꓗꓪ ꓐꓰ꓾ ꓣꓳ ꓠꓬ ꓕꓱ ꓟꓬ ꓫꓵꓽ ꓮ ꓙꓵꓽ ꓟ ꓗꓪ ꓧꓪ.ˍ ꓟ ꓕꓯꓽ ꓢꓲ ꓧꓪ. ꓡꓰ ꓢꓴ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓫꓵꓻˍ ꓟ ꓥˍ ꓟꓲ꓾ ꓢꓯ.ˍ ꓟ ꓥˍ ꓟꓲ꓾ ꓟꓴ ꓗꓪ ꓝꓲ ꓓꓴ ꓥˍ ꓟꓲ꓾ ꓠꓲꓽ ꓤ ꓢꓲꓺ ꓤ ꓥˍ ꓟꓲ꓾ ꓮ ꓟꓶ ꓟ ꓥˍ ꓟꓲ꓾ ꓢ ꓖꓪ ꓟ ꓥˍ ꓟꓲ꓾ ꓪꓽ ꓠꓬꓲ ꓢꓴ ꓥˍ ꓟꓲ꓾ ꓟꓴˍ ꓟ ꓥˍ ꓟꓲ꓾ ꓠꓯ.ˍ ꓟ ꓥˍ ꓟꓲ꓾ ꓚꓰꓼ ꓔ ꓟ ꓠꓱ. ꓐꓯ ꓮ ꓡꓲ ꓕꓲ ꓫꓵꓽ ꓥˍ ꓟꓲ꓾ ꓙꓲ‐ꓢꓴ ꓬꓰ‐ꓢꓴ ꓣꓳ ꓢꓲ ꓒ ꓠꓯꓸꓼ ꓗꓪ ꓓꓯ, ꓟ ꓪꓴ‐ꓢ ꓠꓵ ꓠꓲ, ꓔꓯˍ ꓐꓰ ꓣꓳ ꓔꓯ ꓗꓳ, ꓞ, ꓝꓲ ꓟꓽ ꓐ ꓡ꓾ ꓐꓰ ꓥꓪ ꓚꓵ ꓚꓵ ꓢꓷ. ꓡꓰꓳ꓿
1 ꓬꓳ‐ꓦ ꓿ 3ꓽ1
ꓣꓳ ꓔꓯ ꓪꓴ‐ꓢ ꓤ ꓠꓱ ꓘꓴ ꓟꓶ ꓡꓰ ꓠ, ꓟ꓾ ꓐ, ꓐꓽ ꓡꓰ ꓣꓳ ꓔꓯ ꓮ ꓘꓶꓻ ꓛꓲ ꓪꓴꓼˍ ꓟ ꓠꓵ ꓠꓲ, ꓡꓰ ꓠꓲ, ꓠꓵˍ ꓟ ꓔꓯ ꓓꓵ ꓙ ꓠꓬꓲ꓿ ꓣꓳ ꓠꓽ ꓚꓵ ꓚꓵ ꓬꓲ ꓤ ꓠꓱ ꓥ ꓡꓳ꓿ ꓟꓲ ꓠꓯ ꓞꓳ ꓤ ꓠꓬ ꓪꓴ‐ꓢ ꓔꓯ ꓟꓽ ꓢꓷ. ꓠꓬꓲ꓾ ꓬꓲ ꓪ ꓠꓬ ꓣꓳ ꓔꓯˍ ꓟꓲ ꓟꓽ ꓢꓷ.꓿
1 ꓬꓳ‐ꓦ꓿ 4ꓽ19
ꓬꓲ ꓧꓶ. ꓕꓯ ꓣꓳ ꓔꓯ ꓠꓲ, ꓠꓵˍ ꓠꓬꓲ꓾ ꓣꓳˍ ꓟꓲ ꓬꓲ ꓔꓯ ꓠꓲ, ꓠꓵˍ ꓡꓳ꓿
1 ꓬꓳ‐ꓦ꓿ 4ꓽ8
ꓪꓴ‐ꓢ ꓠꓬ ꓠꓵ ꓠꓲ, ꓥ ꓠꓬꓲ ꓟꓽ ꓠꓲ, ꓠꓵ ꓢꓴ ꓠꓽ ꓪꓴ‐ꓢ ꓔꓯ ꓟꓽ ꓢꓷ.꓿
1 ꓬꓳ‐ꓦ꓿ 4ꓽ21
ꓪꓴ‐ꓢ ꓔꓯ ꓠꓲ, ꓠꓵ ꓢꓴ ꓠꓬ꓾ ꓬꓲ ꓬꓲꓼ ꓬꓲ ꓠꓬꓲ ꓔꓯˍ ꓟꓲ ꓠꓲ, ꓠꓵ ꓠ, ꓟ ꓕꓵꓼ ꓪ ꓕꓱ ꓟ ꓙꓲ‐ꓢꓴ ꓡꓰ ꓣꓳ ꓔꓯ ꓖꓶ ꓔ ꓡꓳ꓿
ꓡꓴ‐ꓘ꓿ 6ꓽ35
ꓠꓴ ꓪ ꓠꓽ ꓛꓴꓽ ꓙꓳ ꓢꓴ ꓔꓯ ꓠꓲ, ꓠꓵ ꓢꓲ ꓬꓲ ꓪ ꓔꓯ ꓙꓲˍ ꓟ ꓬꓰ ꓖꓶ꓿ ꓝꓮꓲ ꓠꓬ ꓢꓴ ꓔꓯ ꓛꓵꓽ ꓖꓶˍ ꓠꓬ꓾ ꓚꓱ, ꓖꓶ ꓡ ꓠ, ꓟ ꓔꓯ ꓕꓽ ꓥꓳ ꓡꓳ.꓿ ꓖꓳ ꓡꓱ ꓠꓬ ꓠꓴ ꓪ ꓡꓯꓼ ꓫꓴ ꓠꓽ ꓬꓲ ꓓꓽ ꓟ ꓥ ꓢꓲ꓾ ꓟꓴ ꓡꓳ, ꓬꓰ ꓢꓴ ꓬꓲ ꓤ ꓠꓱ ꓬꓰ ꓟꓶˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓪꓴ‐ꓢˍ ꓟꓲ꓾ ꓫ. ꓟꓳ ꓠꓲ, ꓟꓽ ꓙꓳ ꓢꓴ ꓐꓴˍ ꓐꓰ ꓞꓳ ꓥꓶ ꓐꓴ ꓔꓯ ꓕꓲꓽ ꓡꓰ,ˍ ꓐꓰ ꓙꓽ ꓗꓳˍꓡꓳ꓿
