ꓣꓳ ꓠꓬ ꓬꓰ‐ꓢꓴ ꓙꓲ‐ꓢꓴ ꓔꓯ ꓮ ꓫꓵꓽ ꓪꓴ. ꓠꓬꓲ ꓥꓳ ꓡꓳ. ꓔ ꓡ?
ꓬꓲ ꓠꓬ ꓣꓳ ꓔꓯ ꓕꓱ ꓕꓲ ꓤꓶꓻ ꓗꓪ ꓡꓰꓽ ꓟꓽ ꓞꓲ꓾ ꓡ ꓠ, ꓟ ꓤꓶꓻ ꓗꓪ ꓥˍ ꓟꓲ ꓙꓲꓻˍ ꓟ ꓥꓳ ꓡꓳ. ꓓꓴ ꓖꓶˍ ꓟ ꓑꓶ. ꓓꓴ ꓥ ꓡꓳ꓿ ꓖꓳ ꓟ ꓑꓶ. ꓓꓴ ꓣꓳ ꓦ ꓢꓯꓼ ꓟꓶ ꓠ, ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓐꓯ ꓟ. ꓖꓶ ꓡˍ ꓥꓳ꓿
ꓬꓰ‐ꓡꓲ‐ꓟꓲ 29ꓽ11 ꓗꓪ꓾ ꓠꓴ ꓪ ꓐꓱ ꓶ ꓓꓵꓽ ꓙ ꓞꓷ, ꓢꓴ ꓠꓬ ꓥꓪ ꓥ ꓠꓬꓲ꓾ ꓠꓴ ꓪ ꓮ ꓡꓲ ꓒꓬꓱꓼ ꓡ ꓠꓯ, ꓟ ꓥ ꓢꓷ.ˍ ꓡꓳ꓿ ꓠꓴ ꓪ ꓔꓯ ꓙꓲˍ ꓟ ꓮ ꓡꓲ ꓬꓰ ꓖꓶ ꓠꓯ, ꓟ꓾ ꓢꓲ ꓡꓲ ꓟ ꓖꓶ ꓢꓲ ꓮ ꓡꓲ ꓪꓴꓽ ꓡ ꓟꓴ ꓡ ꓝꓲ ꓠꓯ, ꓟˍ ꓐꓰ꓾ ꓠꓴ ꓪ ꓥꓳ ꓡꓳ. ꓓꓴ ꓮ ꓫꓵꓽ ꓥ ꓟ ꓥꓪ ꓢꓷ.ˍ ꓡꓳ꓿
1 ꓒꓲ‐ꓕꓱ 1ꓽ3 ꓗꓪ꓾ ꓣꓳ ꓢꓲ ꓒ ꓬꓰ‐ꓢꓴ ꓙꓲ‐ꓢꓴ ꓬꓲ ꓐ, ꓐ ꓪꓴ‐ꓢ ꓔꓯ ꓓꓳ, ꓟꓴ ꓖꓶ꓿ ꓬꓲ ꓠꓬ ꓫꓱ. ꓤˍ ꓟ ꓓꓽ ꓟ ꓡꓰ꓾ ꓣꓳ ꓔꓯ ꓢꓯ. ꓔꓬ ꓟ ꓥꓳ ꓡꓳ. ꓓꓴ ꓙꓳ ꓝꓲ ꓠ, ꓟ꓾ ꓬꓰ‐ꓢꓴ ꓙꓲ‐ꓢꓴ ꓫꓵꓻ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓡꓰ ꓣꓳ ꓔꓯ ꓫꓬ, ꓦꓵ ꓗꓷꓳ꓿
ꓦꓲ‐ꓐꓱ‐ꓣꓴ 10ꓽ23 ꓗꓪ꓾ ꓬꓲ ꓙ ꓟꓳ ꓘꓶ ꓠꓬ ꓦ ꓡꓱ ꓐꓳ ꓓ, ꓟ ꓥ ꓠꓬꓲ꓾ ꓣꓳ ꓠꓬ ꓒꓳ, ꓙꓰ ꓒꓳ, ꓡ ꓟꓽ ꓬꓰ ꓬꓰ꓾ ꓣꓳ ꓣꓷꓠ.ˍ ꓟ ꓥꓳ ꓡꓳ. ꓓꓴ ꓔꓯ ꓕꓶꓻ ꓕꓶˍ ꓡꓰ ꓣꓴ ꓔ ꓡꓯ꓿
ꓟꓴ ꓖꓪ 147ꓽ11 ꓗꓪ꓾ ꓪꓴ‐ꓢ ꓠꓽ ꓬꓲ ꓔꓯ ꓙꓳꓺ ꓒꓵꓽ ꓢꓴˍ ꓐꓰ꓾ ꓬꓲ ꓠꓲ, ꓙꓽ ꓟꓬ ꓗꓳˍ ꓟ ꓔꓯ ꓥꓳ ꓡꓳ. ꓢꓴ ꓔꓯ ꓗ, ꓛꓲˍ ꓡꓳ꓿
ꓥꓳꓽ ꓙꓱ 10ꓽ28 ꓗꓪ꓾ ꓙꓲ ꓫꓬ ꓢꓴ ꓥꓳ ꓡꓳ.ˍ ꓟ ꓠꓬ ꓗ, ꓛꓲ ꓓꓴ ꓒꓬꓱꓼ ꓡˍ ꓥꓳ꓿ ꓞꓳ ꓥꓶ ꓥꓳ ꓡꓳ. ꓓꓴ ꓠꓽ ꓬꓲ ꓖꓳꓽ ꓗꓷ ꓡꓰˍ ꓥꓳ꓿
1 ꓕꓰ‐ꓢ‐ꓡꓳ‐ꓠꓲ‐ꓬ 5ꓽ8 ꓗꓪ꓾ ꓣꓳ ꓠꓽ ꓟꓳꓼ ꓡꓳ ꓗꓪ ꓟ ꓥ ꓠꓬꓲ ꓞꓳ ꓢꓲꓽ ꓬꓰ ꓢꓲ꓾ ꓙꓵꓻ ꓠꓲ,ˍ ꓐꓰ ꓠꓵ ꓠꓲ, ꓔꓯ ꓳʼ ꓟꓶꓽ ꓕꓺ ꓓꓴ ꓬꓰ ꓢꓲ ꓠꓬꓲ꓾ ꓪꓴ. ꓓꓵ ꓗꓪ ꓠꓬ ꓢꓯꓼ ꓟꓬ ꓝ. ꓟꓶˍ ꓟ ꓥꓳ ꓡꓳ. ꓓꓴ ꓘꓳ, ꓔ ꓡꓯ꓿
