ꓪꓴ‐ꓢ ꓡꓰ ꓠꓻ ꓫꓬ, ꓒꓬꓽ ꓫꓬ, ꓖꓶ ꓡˍ ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓦ ꓢꓯꓼ ꓪ ꓣꓴ ꓓꓴ ꓬꓰ ꓡꓯ꓿

ꓬꓰ‐ꓡꓲ‐ꓟꓲ 17ꓽ14 ꓗꓪ꓾ ꓪꓴ‐ꓢꓺꓳ꓾ ꓥꓪ ꓔꓯ ꓠꓴ ꓠꓻ ꓫꓬ, ꓖꓶ ꓡˍ ꓠꓬ ꓥꓪ ꓠꓽ ꓓꓻ ꓡꓰˍ ꓥꓳ꓿ ꓥꓪ ꓔꓯ ꓚꓬꓴ. ꓙ ꓡˍ ꓠꓬ ꓥꓪ ꓠꓽ ꓚꓬꓴ. ꓟꓶˍ ꓥꓳ꓿ ꓠꓴ ꓠꓬ ꓥꓪ ꓫꓱ. ꓖꓶ ꓓꓴ ꓥꓳ꓿

ꓓꓳ ꓙꓰ 15ꓽ26 ꓗꓪ꓾ ꓖꓳ ꓕꓯ ꓪꓴ‐ꓢ ꓡꓰ꓾ ꓠꓴ ꓪ ꓠꓬ ꓕꓲ ꓠꓲ, ꓟ ꓡꓱꓸꓼ ꓠꓴ ꓪ ꓪꓴ‐ꓢ ꓥꓪ ꓔꓯ ꓠ ꓡꓳ. ꓢꓲ꓾ ꓥꓪ ꓟꓲꓽ ꓙꓬ ꓗꓪ ꓔꓱ, ꓜꓳꓽˍ ꓟ ꓬꓰ ꓢꓲ ꓠꓬꓲ ꓥꓪ ꓕꓵꓼ ꓪ ꓐꓰ ꓥꓪ ꓙꓵꓽ ꓚꓱ, ꓔꓯ ꓒꓵꓽ ꓛꓳˍ ꓠꓬ꓾ ꓥꓪ ꓡꓰ ꓬꓲ‐ꓙꓲ ꓡ ꓞꓳ ꓔꓯ ꓗꓷ ꓡꓰ ꓝꓲˍ ꓟ ꓠꓻ ꓓꓴ ꓒꓬꓽ ꓓꓴ  ꓠꓬ ꓠꓴ ꓪ ꓔꓯ ꓟꓽ ꓗꓷ ꓡꓰ ꓝꓲ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓽ ꓠꓴ ꓪ ꓔꓯ ꓓꓻ ꓡꓰ ꓝꓲ ꓢꓴ ꓪꓴ‐ꓢ ꓥ ꓡꓳ꓿

ꓓꓳ ꓙꓰ 13ꓽ25 ꓗꓪ꓾ ꓠꓴ ꓪ ꓪꓴ‐ꓢ ꓥꓪ ꓔꓯ ꓡꓰꓽ ꓣꓱꓽ ꓙˍ ꓠꓬ ꓠꓴ ꓪ ꓔꓯ ꓶꓼ ꓤ ꓫꓱ, ꓤ ꓖꓶ ꓢꓲ꓾ ꓜꓽ ꓓꓴ ꓓꓳꓻ ꓓꓴ ꓙꓳ ꓡ ꓝꓲˍ ꓥꓳ꓿ ꓠꓻ ꓫꓵꓽ ꓠꓻ ꓙꓰꓽ ꓠꓴ ꓔꓯˍ ꓐꓰ ꓣꓴ ꓦ ꓖꓶˍ ꓥꓳ꓿

ꓬꓰ‐ꓡꓲ‐ꓟꓲ 30ꓽ17 ꓗꓪ꓾ ꓖꓳ ꓡꓱ ꓥˍ ꓟꓲ ꓢꓴ ꓡꓰ ꓠꓴ ꓪ ꓔꓯ ꓡꓳ ꓩꓴ ꓗꓷˍ ꓟ ꓐꓰ꓾ ꓮꓽ ꓟˍ ꓟꓲ ꓟꓽ ꓙꓽ ꓗꓳˍ ꓟ ꓜꓲ‐ꓬꓴ ꓐꓰ ꓘꓴˍ ꓠꓬꓲ ꓥꓪ ꓠꓬ ꓠꓴ ꓪ ꓔꓯ ꓫꓬ, ꓓꓻ ꓡꓰ ꓝꓲˍ ꓥꓳ꓿ ꓠꓴ ꓪ ꓠꓻ ꓓꓴ ꓔꓯˍ ꓟꓲ ꓫꓬ, ꓖꓶˍ ꓥꓳ꓾ ꓐꓰ ꓐꓯˍ ꓡꓳ꓿

ꓙꓵꓽ ꓗ ꓐꓯ ꓟ. 32ꓽ39 ꓗꓪ꓾ ꓥꓪ ꓕꓲ ꓣꓳ ꓡꓰꓽ ꓪꓴ‐ꓢ ꓥꓳ꓿ ꓥꓪ ꓕꓲꓽ ꓔꓲ.ˍ ꓡꓰꓽ ꓢꓲ ꓒ ꓥꓳ꓿ ꓢꓯꓼ ꓟꓬ ꓖꓶ ꓢꓴˍ ꓟꓲ ꓥꓪ ꓥꓳ꓿ ꓢꓯꓼ ꓟꓬ ꓣꓴ ꓢꓴˍ ꓟꓲ ꓥꓪ ꓥꓳ꓿ ꓓꓶꓽ ꓠꓻ ꓡꓰ ꓢꓴˍ ꓟꓲ꓾ ꓫꓬ, ꓓꓻ ꓡꓰ ꓝꓲ ꓢꓴˍ ꓟꓲ ꓥꓪ ꓥꓳ꓿ ꓥꓪ ꓡꓯꓽ ꓒꓯ, ꓗꓪ ꓐꓰ ꓡꓲ, ꓗꓷ ꓐ ꓡ ꓢꓴ ꓟꓽ ꓙꓳ꓿

ꓬꓰ‐ꓡꓲ‐ꓟꓲ 33ꓽ6 ꓗꓪ꓾ ꓖꓳ ꓡꓱ ꓠꓬꓲ ꓥꓪ ꓡꓰ ꓡꓳ ꓒꓱ ꓕꓱ ꓟ ꓔꓯ ꓢꓲ ꓡꓲ ꓡꓰ ꓝꓲ ꓢꓲ ꓑ ꓫꓬ ꓐꓴ ꓔꓯˍ ꓟꓲ ꓫꓬ, ꓓꓻ ꓡꓰ ꓝꓲ ꓢꓲ ꓠꓬꓲ꓾ ꓝꓮꓲ ꓕꓲ ꓧꓪ, ꓮ ꓫꓵꓽ ꓟꓽ ꓘꓳ ꓟꓽ ꓟꓳ ꓔꓬ ꓪ ꓡꓰ ꓝꓲˍ ꓥꓳ꓿

ꓟꓳ. ꓖꓶ ꓓꓴ 21ꓽ4 ꓗꓪ꓾ ꓠꓴ ꓪ ꓟꓬ ꓐꓲ ꓮ ꓙꓵꓽ ꓬꓲ ꓡꓰ ꓫꓵ, ꓦ ꓗꓷˍ ꓥꓳ꓿ ꓕꓱ ꓡꓱ ꓖꓳ ꓑꓳ. ꓫꓵꓻˍ ꓟ ꓟꓽ ꓙꓳꓻꓳ꓿ ꓠꓲ, ꓥꓴꓻˍ ꓟ ꓐꓰ ꓮ ꓛꓬ, ꓙꓱꓼˍ ꓟ ꓐꓰ꓾ ꓠꓻ ꓟˍ ꓟꓲ ꓟꓽ ꓙꓳꓻꓳ꓿ ꓮ ꓡꓲꓳ ꓐꓯ ꓠꓬ ꓧꓶ. ꓕꓯ ꓟ ꓠꓽ ꓗꓳ. ꓙꓰꓳ꓾ ꓐꓯˍ ꓡꓳ꓿