ꓛꓴꓽ ꓙꓳ ꓢꓴ ꓔꓯ ꓠꓲ, ꓠꓵ ꓠꓲ, ꓟ꓾ ꓝꓴꓲ. ꓖꓽ ꓖꓶ ꓠ, ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓕꓱ ꓡꓱ ꓢꓯꓼ ꓖꓶ ꓔ ꓡꓳ꓿ ꓝꓴꓲ. ꓖꓽ ꓖꓶˍ ꓕꓯ ꓣꓳ ꓠꓲ, ꓟ ꓘꓴꓽ ꓗꓪ ꓢꓲ ꓡꓲˍ ꓟ ꓔꓯ ꓟꓶˍ ꓟ ꓥꓳ꓿ ꓝꓴꓲ. ꓖꓽ ꓖꓶˍ ꓟ ꓢꓲꓽ ꓫꓬ ꓕꓳꓽ ꓶ ꓝꓲ. ꓔꓯ ꓣꓳ ꓵꓻˍ ꓠꓬ ꓠꓱ. ꓐꓯ ꓢꓴ ꓔꓯ ꓝꓴꓲ. ꓖꓽ ꓖꓶ ꓠ, ꓟ ꓢꓯꓼ ꓕꓵꓼ ꓢꓲ꓾ ꓬꓰ‐ꓢꓴ ꓡꓰ ꓡꓯꓼ ꓐꓳ ꓔꓶ. ꓓꓴ ꓗꓪ ꓣꓳ ꓐꓱ ꓶ ꓢꓯꓼ ꓟꓬ ꓖꓶˍ ꓟ ꓑꓶ. ꓓꓴ ꓣꓳ ꓝꓴꓲ. ꓔꓯ ꓡꓲ, ꓙꓰˍ ꓟ ꓔꓯ ꓣꓳ ꓓꓵꓽ ꓙ ꓠ, ꓟ ꓬꓰ ꓙ ꓡˍ ꓟ ꓥꓳ꓿ ꓖꓳ ꓟ ꓑꓶ. ꓓꓴ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓝꓴꓲ. ꓖꓽ ꓖꓶ ꓠ, ꓟ ꓐꓱ ꓶ ꓢꓲꓽ ꓫꓬ ꓕꓳꓽ ꓶ ꓝꓲ. ꓗꓪ ꓐꓰ ꓦ ꓢꓯꓼ ꓣꓴ ꓓꓴ ꓬꓰ ꓡꓯ꓿
ꓟꓴꓽ ꓖꓪ 103ꓽ12 ꓗꓪ꓾ ꓐꓶ ꓓꓳˍ ꓐꓰ ꓐꓶ ꓓꓵꓽ ꓮ ꓶ ꓛꓲ ꓗꓳ, ꓞ, ꓠꓬ꓾ ꓬꓲ ꓡꓰ ꓣꓳ ꓛꓬ ꓖꓴ ꓥꓳꓽ ꓖꓴ ꓔꓯˍ ꓐꓰ ꓖꓳ ꓶ ꓛꓲ ꓣꓴ ꓔꓯ, ꓙꓰꓳ꓿
ꓬꓲ‐ꓩꓴ‐ꓢꓳ 1ꓽ7‐8ꓗꓪ ꓛꓲ꓾ ꓪꓴ‐ꓢ ꓠꓬ ꓬꓲ ꓐꓳ ꓞ, ꓟ ꓣꓱꓽ ꓛꓰꓽ ꓣꓳ ꓔꓯ ꓧꓳ. ꓧꓳꓽ ꓖꓶ ꓡ ꓢꓲ꓾ ꓙꓲ‐ꓢꓴ ꓠꓯꓸꓼ ꓗꓪ ꓬꓲ ꓫꓵꓽ ꓡꓰ ꓣꓳ ꓔꓯ ꓫꓴ, ꓣꓴˍ ꓟ ꓐꓰ ꓛꓬ ꓖꓴ ꓖꓽ ꓖꓶˍ ꓟ ꓟꓶ ꓡꓰ ꓝꓲꓳ꓿
1 ꓬꓳ‐ꓦ 1ꓽ9 ꓗꓪ꓾ ꓖꓳ ꓡꓱ ꓥˍ ꓟꓲ ꓣꓳ ꓝꓴꓲ. ꓣꓳ ꓣꓷꓠ.ˍ ꓕꓯ ꓠꓽ ꓣꓳ ꓝꓴꓲ. ꓬꓲ ꓖꓽ ꓖꓶ ꓢꓲ꓾ ꓟꓽ ꓙꓲ ꓫꓬ ꓟ ꓮ ꓙꓵꓽ ꓗꓪ ꓐꓰ ꓢꓲꓽ ꓫꓬ ꓡꓰ ꓝꓲ ꓠ, ꓟ꓾ ꓪꓴ‐ꓢ ꓠꓬ ꓦ ꓡꓱ ꓐꓳˍ ꓟ ꓐꓰ ꓔꓱ, ꓜꓳꓽˍ ꓟ ꓥ ꓡꓳ꓿
ꓓ‐ꓠꓲ‐ꓡꓰ 9ꓽ9 ꓗꓪ꓾ ꓥꓪ ꓠꓴꓽ ꓠꓬ ꓠꓴ ꓔꓯ ꓒꓳ, ꓔꓳ, ꓗꓷˍ ꓟꓲ꓾ ꓥꓪ ꓠꓴꓽ ꓪꓴ‐ꓢ꓾ ꓠꓴ ꓠꓽ ꓫꓱ. ꓤ ꓠꓲ,ˍ ꓐꓰ ꓖꓽ ꓖꓶˍ ꓟ ꓐꓲ ꓞ, ꓢꓴ ꓥ ꓡꓳ꓿
ꓬꓲ‐ꓢ‐ꓬ 43ꓽ25 ꓗꓪ꓾ ꓠꓴ ꓪ ꓛꓬ ꓖꓴ ꓥꓳꓽ ꓖꓴ ꓔꓯ ꓫꓵ, ꓦ ꓗꓷ ꓢꓴ ꓠꓽ ꓥꓪˍ ꓡꓰꓽ ꓥꓳ꓿ ꓠꓴ ꓪ ꓝꓴꓲ. ꓔꓯˍ ꓟꓲ ꓥꓪ ꓟꓽ ꓚꓲ. ꓔ꓿
ꓬꓰ‐ꓡꓲ‐ꓟꓲ 31ꓽ24 ꓗꓪ꓾ ꓬꓴ‐ꓔ ꓟꓵꓽˍ ꓐꓰ ꓖꓳ ꓗꓪ ꓟ ꓡꓳ ꓒꓱ ꓮ ꓙꓵꓽ ꓗꓪ ꓠꓬ꓾ ꓟꓬꓱꓽ ꓬꓰ ꓜꓽ ꓢꓴˍ ꓐꓰ꓾ ꓮ ꓣꓳ ꓡꓳ. ꓢꓴ ꓐꓴ ꓔꓬ ꓐꓲ ꓡꓰˍ ꓥꓳ꓿
ꓡꓴ‐ꓘ 5ꓽ20 ꓗꓪ꓾ ꓬꓲ ꓪ ꓙꓵꓻ ꓠꓲ, ꓔꓯ ꓬꓰ‐ꓢꓴ ꓟꓳ ꓗꓷ ꓠꓬ꓾ ꓬꓲ ꓡꓰ ꓛꓲ ꓫꓵ ꓡꓯꓼ ꓫꓵ ꓢꓴ ꓔꓯ꓾ ꓞꓳ ꓤꓽꓳ꓾ ꓠꓴ ꓝꓴꓲ. ꓖꓽ ꓖꓶ ꓗꓷꓳ꓾ ꓐꓯ ꓖꓶˍ ꓡꓳ꓿
ꓡꓴ‐ꓘ 6ꓽ37 ꓗꓪ꓾ ꓠꓴ ꓪ ꓠꓬ ꓢꓴ ꓔꓯ ꓕꓽ ꓙꓽ ꓘꓶꓽ꓿ ꓖꓳ ꓡꓱ ꓠꓬ ꓠꓴ ꓪ ꓔꓯˍ ꓟꓲ ꓟꓽ ꓙꓽ ꓘꓶꓽ ꓡ꓿ ꓢꓴ ꓔꓯ ꓐꓯ ꓟꓴ ꓕꓽ ꓞꓷ,꓿ ꓖꓳ ꓡꓱ ꓠꓬ ꓠꓴ ꓪ ꓔꓯˍ ꓟꓲ ꓐꓯ ꓟꓴ ꓟꓽ ꓞꓷ, ꓡ꓿ ꓢꓴ ꓔꓯ ꓖꓽ ꓖꓶ꓿ ꓖꓳ ꓡꓱ ꓠꓬ ꓠꓴ ꓪ ꓔꓯˍ ꓟꓲ ꓖꓽ ꓖꓶ ꓡˍ ꓥꓳ꓿
