YO-V 1:1-18
ꓐꓯ ꓘꓶꓽ ꓠꓬ ꓧꓪꓽ ꓖꓳ ꓓꓱꓽ ꓒꓬꓱꓼ ꓡ ꓢꓲ ꓥꓪ ꓠꓴꓽˍ ꓐꓰ ꓕꓲ ꓪˍ ꓔꓬ ꓗꓷꓳ꓿”(YO-V 1:14)
ꓪꓴ‐ꓢ ꓠꓬ ꓣꓳˍ ꓡꓰ ꓐꓰ ꓞꓳ ꓤ ꓒꓬꓱꓼ ꓡ ꓗꓷꓳ꓿ ꓬꓲ ꓠꓬ ꓣꓳ ꓠꓯꓸꓼ ꓗꓪ ꓟ ꓕꓲ ꓣꓳ ꓒꓬꓱꓼ ꓡꓺꓳ꓿ ꓬꓲ ꓠꓬ ꓞꓳ ꓤ ꓡꓰ ꓐꓰ ꓗꓷ ꓡꓰꓳ꓿ ꓪꓴ‐ꓢ ꓠꓬ ꓣꓳ ꓡꓰ ꓐꓰ ꓞꓳ ꓤ ꓒꓬꓱꓼ ꓡ ꓟ ꓔꓯ ꓣꓳ ꓓꓳ ꓟꓴ, ꓔꓬ ꓡꓳ꓿ ꓪꓴ‐ꓢ ꓠꓬ ꓣꓳ ꓐꓴ ꓔꓯ ꓬꓲ ꓤ ꓔꓲ. ꓖꓶˍ ꓟ ꓗꓪ ꓐꓰ ꓣꓳ ꓔꓯ ꓮ ꓟꓬ ꓗꓪ ꓛꓲ ꓠꓲ, ꓠꓵˍ ꓡꓳ꓾ ꓐꓯ ꓟ ꓟ. ꓖꓶ ꓡ ꓔꓬ ꓡꓳ꓿
ꓣꓳ ꓪꓴ‐ꓢ ꓠꓬ ꓣꓳ ꓠꓯꓸꓼ ꓗꓪ ꓔꓬ ꓢꓲ ꓠꓬꓲ ꓣꓳ ꓐꓰ ꓕꓲ ꓪ ꓮ ꓕꓯ ꓟꓲ ꓔꓬ ꓠ, ꓟ ꓠꓲ, ꓡꓶꓽ ꓙꓳˍ ꓡꓳ꓿
ꓣꓳ ꓐꓴ ꓠꓬ ꓢꓲ ꓒ ꓬꓲ ꓐꓳˍ ꓟ ꓠꓵꓻ ꓠꓲ, ꓬꓲ ꓒꓬꓱꓽ ꓶꓻ ꓞ, ꓠ ꓗ, ꓡꓳ꓿ ꓣꓳ ꓟꓶ ꓔ ꓟ ꓣꓱꓽ ꓛꓰꓽ ꓠꓱ. ꓐꓯ ꓢꓴ ꓔꓯ ꓐꓱ ꓖꓶˍ ꓟ ꓗꓪ ꓐꓰ꓾ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓐꓱ ꓖꓶˍ ꓟ ꓗꓪ ꓐꓰ꓾ ꓫ. ꓙꓵ ꓓꓴ ꓔꓳ, ꓜꓳꓽ ꓔꓬ ꓟ ꓠꓶꓽ ꓛꓳꓽ ꓕꓲ ꓛꓳꓽ ꓐꓴ ꓔꓯ ꓠꓲ, ꓧꓳ, ꓫꓵꓽ ꓧꓳ,ˍ ꓟ ꓟꓳ. ꓖꓶˍ ꓟ ꓗꓪ ꓐꓰ꓾ ꓣꓳ ꓐꓴ ꓔꓯ ꓠꓻ ꓡꓰ ꓝꓲ ꓢꓴ ꓐꓴ ꓔꓯ ꓖꓼ ꓖꓶ ꓢꓲ ꓠꓬꓲ ꓠꓵꓻ ꓠꓲ, ꓟꓳ. ꓖꓶˍ ꓟ ꓗꓪ ꓐꓰ꓾ ꓣꓳ ꓐꓴ ꓠꓬ ꓢꓲ ꓒ ꓬꓲ ꓠꓵꓻ ꓠꓲ, ꓢꓴ ꓔꓯ ꓟꓳ. ꓖꓶ ꓐ ꓡˍ ꓡꓳ꓿
ꓣꓳ ꓠꓬ ꓮ ꓡꓲ ꓗꓪ ꓛꓲ ꓬꓰˍ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓚꓵ ꓚꓵ ꓙꓳ ꓔꓬ ꓡꓳ ꓐꓯ ꓟ ꓢꓴ ꓢꓷ. ꓡꓰ ꓠ, ꓟ꓾ ꓣꓳ ꓞꓳ ꓙꓳ ꓢꓯ. ꓔꓬ ꓚꓱ, ꓗꓪ ꓐꓰ ꓠꓵꓻ ꓠꓲ, ꓟ. ꓖꓶ ꓓꓴ ꓬꓰ ꓡꓯ꓿
