ꓖꓳ ꓗꓸ ꓠꓯꓸ ꓟ-ꓡꓲ ꓠꓬ ꓞꓼ ꓐꓰ ꓪꓽ ꓚꓲ ꓟꓵꓽ ꓗꓪ ꓟ ꓬꓴ-ꓔ ꓡꓳ ꓒꓱ ꓕꓲ ꓟ ꓗꓪ ꓙꓰ ꓛꓲ ꓬꓰ ꓠꓬ꓾ ꓢ-ꓚꓬ-ꓡꓲ-ꓬ ꓦꓲ ꓗꓪ ꓓꓵꓽ ꓡꓰ ꓢꓲ ꓬꓲ-ꓡꓲ-ꓫ-ꓑꓷ ꓔꓯ ꓒꓵꓽ ꓗ ꓬꓰˍ ꓡꓳ꓿ ꓟ-ꓡꓲ ꓒꓵꓽ ꓗ ꓬꓰˍ ꓟ ꓔꓯ ꓬꓲ-ꓡꓲ-ꓫ-ꓑꓷ ꓑ ꓙꓽ ꓗꓷ ꓟꓶꓽ ꓕꓯ꓾ ꓬꓲ ꓔꓯ ꓶꓻ ꓞꓹ ꓟ ꓤ ꓠꓱ ꓠꓬ ꓤ ꓘꓶ ꓗꓪ ꓔꓷꓹ ꓡꓵꓺ ꓡ ꓡꓳ꓿ ꓖꓳ ꓕꓯ ꓬꓲ-ꓡꓲ-ꓫ-ꓑꓷ ꓔꓯ ꓢꓲ-ꓫꓬ-ꓟ-ꓦ ꓐꓲ ꓡꓰ ꓢꓲ꓾ ꓢꓯꓼ ꓓꓽ ꓟ ꓡꓰ꓾ ꓤ ꓟꓶ ꓤ ꓮꓽ ꓙꓵ ꓟ ꓗꓪ ꓶꓼ ꓙꓳ ꓫꓱꓹ ꓙꓳ ꓢꓴ ꓠꓬ ꓠꓴ ꓥ ꓡꓳ꓿ ꓠꓴ ꓖꓳ ꓓꓱꓽ ꓗꓪ ꓶꓻ ꓞꓹ ꓟˍ ꓟꓲ ꓶꓼ ꓙꓳ ꓫꓱꓹ ꓙꓳˍ ꓡꓳ꓿
ꓥꓪ ꓢꓲ ꓒꓽ ꓬꓲ ꓟꓹ ꓟ ꓥꓪ ꓔꓯ ꓔꓱꓹ ꓠꓬꓲ ꓡ ꓟ ꓠꓬ꓾ ꓥꓪ ꓮ ꓡꓲ ꓘꓳꓻ ꓣꓴ ꓒꓵꓽ ꓢꓰꓽ꓿ ꓠꓴ ꓒꓵꓽ ꓗ ꓐꓯ ꓘꓶꓽ ꓥꓪ ꓑ ꓙꓽ ꓗꓷ ꓟꓶꓽ ꓕꓯ꓾ ꓥꓪ ꓤꓽ ꓘꓶꓻ ꓗꓪ ꓓꓯꓹ ꓟ ꓤ ꓠꓱ ꓠꓬ ꓗꓹ ꓛꓲ ꓠꓬꓲ ꓔꓷꓹ ꓡꓵꓺ ꓡꓺꓳ꓿ ꓢꓲ ꓒꓽ ꓬꓲ ꓔꓯ ꓐꓯ ꓗꓷ ꓟ ꓮꓽ ꓙꓵ ꓐꓲ ꓡ ꓥꓳ꓾ ꓐꓰ ꓙꓵꓻ ꓢꓴ ꓤ ꓟꓶ ꓤꓽ ꓠꓴ ꓠꓽ ꓶꓼ ꓙꓳ ꓫꓱꓹ ꓙꓳˍ ꓡꓳ꓾ ꓐꓯˍ ꓡꓳ꓿
