ꓠꓲꓹ ꓠꓵ_ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓮ ꓙꓵ ꓢꓴ ꓧꓪ. ꓧꓪꓸꓼ꓾
ꓠꓬꓲ ꓠꓬꓲ ꓦ ꓢꓯꓼ ꓪ ꓣꓴ ꓠꓹ ꓟ ꓠꓬ꓾ 2 ꓘꓳ-ꓡꓱ-ꓕꓴ ꓕꓳ ꓶ 5ꓽ7 ꓥ ꓡꓳ= ꓣꓳ ꓠꓬ ꓟꓳꓻ ꓓˍ ꓟ ꓗꓪ ꓐꓰ ꓟꓽ ꓥ ꓥ ꓐꓰ꓾ ꓟꓳꓻ ꓓˍ ꓟ ꓗꓪ ꓐꓰ ꓙ ꓫꓱꓽ ꓔꓬ ꓟ ꓟꓽ ꓥ ꓥ ꓐꓰ ꓙꓵꓻ ꓠꓲꓹ ꓗꓪ ꓐꓰ ꓙ ꓫꓱꓽ ꓔꓬ ꓡꓳ ꓐꓰ ꓐꓯˍ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥˍ ꓡꓳ=
ꓥ ꓡꓳ꓾ ꓬꓲ ꓤ ꓠꓬꓲ ꓤ ꓐꓴꓳ꓾ ꓣꓳ ꓙꓲ-ꓢꓴ ꓢꓲ ꓤ ꓐꓴ ꓠꓬ꓾ꓪꓴ-ꓢ ꓔꓯ ꓙꓵꓻˍ ꓟ ꓗꓪ ꓐꓰ ꓛꓳ ꓫꓱꓽ ꓔꓬ ꓡꓳ= ꓟꓳꓻ ꓓˍ ꓟ ꓗꓪ ꓐꓰ ꓙꓰ ꓔꓬ ꓫꓵꓽ ꓟꓽ ꓥ= ꓟꓳꓻ ꓓˍ ꓟ ꓖꓳ ꓟ ꓮ ꓫꓵꓽ ꓔꓯ ꓐꓯ ꓡ?= ꓣꓳ ꓟꓬ ꓢꓶꓽ ꓗꓪ ꓐꓰ ꓟꓳ ꓓˍ ꓟ ꓮ ꓙꓵꓽ ꓠꓬ ꓕꓲ ꓠꓬꓲ ꓙꓳˍ ꓠꓬ ꓐꓬ ꓡꓰˍ ꓫꓵꓽ ꓕꓲ ꓠꓬꓲ ꓙꓳ ꓠꓬ꓾ ꓟꓶꓽ ꓡꓰˍ ꓫꓵꓽ ꓕꓲ ꓠꓬꓲ ꓙꓳˍ ꓠꓬ ꓖꓴ ꓡꓰˍ ꓫꓵꓽ ꓡꓰꓽ ꓥ ꓡꓳ= ꓟꓬ ꓢꓶꓽ ꓗꓪ ꓐꓰ ꓟꓳꓻ ꓟꓽ ꓓ ꓟ ꓠꓬ ꓕꓲ ꓞꓲꓼ ꓕꓶꓻ ꓞꓹ ꓟ ꓥ ꓡꓳ= ꓕꓱ ꓟ ꓠꓬ ꓣꓳ ꓪꓴ-ꓢ ꓔꓯ ꓙꓵꓻˍ ꓟ ꓪꓴ-ꓢ ꓔꓯ ꓠꓵˍ ꓟ ꓕꓱ ꓡꓱ ꓐꓰ ꓙꓵꓻ ꓠꓲꓹ ꓠꓵ ꓠꓲꓹ ꓥꓳ ꓡꓳꓸ ꓓꓴ ꓕꓱ ꓟ ꓠꓬ꓾ ꓮ ꓕꓯ ꓟꓲ ꓕꓶꓻ ꓞꓹ ꓓ ꓡꓳ=
ꓖꓳ ꓡꓱ ꓐꓯ ꓥ ꓟꓲ ꓟꓲ ꓠꓯ ꓕꓱ ꓟ ꓠꓬ꓾ ꓮ ꓫꓵꓽ ꓥ ꓟꓲ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓟꓳꓻ ꓓ ꓟ ꓥ ꓕ ꓑꓳꓸ ꓠꓬ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓣꓳ ꓧꓪꓽ ꓖꓳ ꓓꓱꓽ ꓥ ꓟꓲ ꓒꓳꓹ ꓡꓶꓸ ꓙꓰ ꓔꓬ ꓡꓳ=ꓕꓱ ꓟ ꓡꓰ ꓐꓰ ꓢꓲꓹ ꓜꓲ ꓢꓲꓹ ꓟꓲ ꓟꓲ ꓠꓯ ꓕꓱ ꓟ ꓗꓪ ꓙꓳˍ ꓟ ꓮ ꓙꓵꓽ ꓠꓬ ꓒꓳꓹ ꓡꓶꓸ ꓙꓰ ꓔꓬ ꓡꓳ= ꓖꓳ ꓡꓱ ꓐꓯ ꓥ ꓟꓲ ꓒꓳꓹ ꓡꓶꓸ ꓙꓰ ꓟ ꓓ ꓟ ꓪꓴ-ꓢ ꓐꓯ ꓘꓶꓽ ꓔꓯ ꓠꓬ ꓣꓳ ꓪꓳ ꓢꓳꓸ ꓔ ꓡꓳ=ꓒꓳꓹ ꓡꓶꓸ ꓙꓰ ꓟꓽ ꓓ ꓟ ꓪꓴ-ꓢ ꓐꓯ ꓘꓶꓽ ꓔꓯ ꓣꓳ ꓙꓵꓻ ꓢꓲ ꓙꓰ ꓔꓬ ꓟ ꓥ ꓡꓳ=
ꓖꓳ ꓡꓱ ꓠꓬꓲ ꓬꓲ ꓤ ꓠꓬꓲ ꓤ ꓐꓴꓳ꓾ ꓕꓲ ꓖ ꓕꓲ ꓧꓪꓹ ꓣꓳ ꓠꓲꓹ ꓟ ꓫꓸˍ ꓕꓯ ꓠꓲꓹ ꓟ ꓙꓬˍ ꓕꓯ ꓣꓳ ꓙꓰ ꓔꓬ ꓟ ꓠꓬ ꓟꓳꓻ ꓓ_ ꓟ ꓗꓪ ꓐꓰ ꓟꓽ ꓥ꓾ ꓟꓳ ꓟꓽ ꓓ ꓟ ꓗꓪ ꓐꓰ ꓙꓰ ꓔꓬ ꓟ ꓥ ꓡꓳ ꓐꓯ ꓟ ꓔꓯ ꓓꓵꓽ ꓙ ꓢꓲ ꓢꓯꓼ ꓪ ꓣꓴ ꓓꓴ ꓬꓰ ꓡꓯ= ꓙꓵꓻ ꓠꓲꓹ ꓗꓪ ꓐꓰ ꓛꓳ ꓫꓱꓽ ꓠꓹ ꓟ ꓢꓯꓼ ꓕꓵꓼ ꓙꓰ ꓡꓯ= ꓫꓸ ꓟꓳ=
