ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓑꓰ‐ꓣꓴ ꓞꓳ ꓡꓯ. ꓐꓴ ꓔꓯ ꓢꓲꓺ ꓒ ꓐꓱ ꓶ ꓞ ꓐꓳ ꓐꓰ ꓠꓬꓲ ꓟꓳ ꓓꓴ ꓒꓬꓱꓼ ꓠ, ꓟ ꓐꓱ ꓶ ꓐꓯ ꓟ

8 ꓦ ꓟ 3 ꓠꓬꓲ 2026 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓑꓰ‐ꓣꓴ ꓗꓴꓷꓼ ꓗꓪ ꓔꓬ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓔꓯ ꓢꓯꓼ ꓖꓶ ꓘꓶꓽ ꓫ. ꓕꓱ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓐꓱ ꓶ ꓞ ꓐꓳ ꓐꓰ ꓠꓬꓲ ꓟꓳ ꓓꓴ ꓒꓬꓱꓼ ꓠ, ꓟ ꓣꓳ ꓚꓵˍ ꓡꓳ ꓐꓰ ꓫ. ꓕꓱ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓞꓳ ꓡꓯ. ꓐꓴ ꓠꓬ ꓗ, ꓛꓲ ꓟ ꓓꓳꓽ ꓔꓯ ꓠꓱ. ꓐꓯ ꓢꓴ ꓔꓯ ꓐꓯ ꓟ. ꓖꓶ ꓢꓴ ꓒꓬꓱꓼ ꓠ, ꓟ ꓣꓳ ꓚꓵˍ ꓡꓳ ꓐꓰ ꓢꓯꓼ ꓖꓶ ꓗꓷꓳ꓿

ꓠꓲ, ꓫ ꓟꓬ ꓫ. ꓔꓳ, ꓜꓳ ꓔꓬ ꓟ ꓠꓲ, ꓟ ꓠꓬ ꓢꓲꓺ ꓒ ꓗꓴꓷꓼ ꓐꓱ ꓶ ꓙꓲ ꓖꓴ ꓙꓳ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓝꓲ ꓠ, ꓟ ꓟꓽ ꓙꓳꓺ ꓙꓳꓺ ꓢꓴ ꓢꓯ. ꓔꓬ ꓠ, ꓟ ꓥ ꓡꓳ꓿ ꓞꓳ ꓡꓱ. ꓐꓴ ꓠꓬ ꓮ ꓕꓯ ꓥ ꓟꓲ ꓥꓳꓽ ꓡꓳ ꓓꓴ ꓔꓯ ꓟꓶ ꓡꓰ ꓝꓲ ꓟꓽ ꓓ ꓟ ꓚꓱ, ꓔꓯ ꓐꓯ ꓟ ꓖꓶ ꓗꓷꓳ꓿

ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓚꓺ ꓠ, ꓟ ꓟꓽ ꓙꓳꓺ ꓙꓳꓺ ꓚꓺ. ꓟ. ꓖꓶ ꓠ, ꓟ ꓢꓯꓼ ꓖꓶ ꓔ ꓡꓳ꓿ ꓕꓲ ꓣꓳ ꓡꓰ ꓞꓳ ꓙꓳ ꓟ ꓗꓪ ꓐꓰ ꓠꓱ. ꓐꓯꓼ ꓢꓴ ꓐꓰ ꓪꓽ ꓡꓯꓽ ꓘꓳ, ꓟ ꓔꓱ ꓚꓵ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓔꓯ ꓘꓳ,ꓣꓴ ꓢꓲ ꓠꓬꓲ ꓢꓯ. ꓔꓬ ꓠ, ꓟ  ꓥ ꓟꓲ ꓞꓳ ꓡꓱ ꓐꓴ ꓔꓯ ꓢꓯꓼ ꓖꓶ ꓗꓷꓳ꓿

ꓞꓳ ꓡꓱ ꓞꓳ ꓡꓯ. ꓐꓴ ꓑꓮꓲꓽ ꓗꓪ ꓐ ꓡ ꓢꓴ ꓮ ꓙꓵꓽ ꓠꓬ (4000) ꓣꓳ ꓟꓽ ꓞꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓱ ꓞꓳ ꓡꓯ. ꓐꓴ ꓜꓲꓼ ꓡꓯꓽ ꓘꓳ, ꓟ ꓑꓮꓲꓽ ꓬꓰ ꓟ ꓔꓯ ꓢꓳꓚꓲꓡꓮ ꓟꓰꓓꓲꓮ ꓗꓪ ꓡꓰ ꓟꓽ ꓥ ꓚꓲ. ꓛꓬ ꓢꓯ.ꓔꓬ ꓟ ꓤꓶꓻ ꓗꓪ ꓥ ꓟꓲ  ꓕꓲ ꓣꓳ ꓛꓳ ꓕꓲ ꓣꓳ ꓙ ꓡꓯꓽ ꓘꓳ, ꓠ, ꓟ ꓣꓳ ꓚꓵˍ ꓡꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿